مين أحسن واحد بيبيع شكمانات وبلاش الحراميه بتوع الارصفه

**zastaffa** · 03-04-2010 08:45 AM

أمبارح كنت ماشي بالعربيه في عز الحر وسمعت صوت تنفيس من الشكمان ومش هكدب عليكوا ياجماعه انا فرحت أوي لأن صوت العربيه بقي تيربو وقعدت اجري وقرصت علي العربيه تربو بأه،،المهم صحيت علي صوت فرقعه جامده جدا والعربيه عومت مني فوق كوبري المطار بس الحمد لله لميتها بالعافيه وبعد منزلت فوجئت بالشكمان مقطوم وضارب في العجله الشمال الورانيه وهو سخن فخلاها فرقعت،،،فيلريت اللي يعرف يدلني علي احسن واحد بيبيع شكمانات محترمه لأني بصراحه مش عايز اروح للصيع اللي علي الارصفه لأنهم نصابين مع مرتبه الشرف وكمان عايز اعرف انهي الافضل اجيبه علبه واحده ولا علبتين عشان انا اللي عندي كان علبتين ولو فيها غلاسه يعني انا عارف اني انا غلس هو هيكون في حدود كام عشان في ناس قالولي احسن واحد ابو اليزيد بس انا جيت اخش المحل اتخديت من نضافته وخوفت يقولي 300ولا 400 جنيه

**megaman** · 03-04-2010 03:20 PM

انضف واحد فى مصر مصنع ابو اليزيد 6 اكتوبر تقريبا ليه فرع تا نى فى شبرا حاول تجييب نمرته من الدليل ده بقه من الاخر وبالتركيب العلبه الااصليه شغله محترم جدا

**smax** · 03-04-2010 03:23 PM

و في كمان المطراوي في الحرفيين

**ahmed_h_g** · 03-04-2010 05:49 PM

المشاركة الأصلية كتبت بواسطة megaman

انضف واحد فى مصر مصنع ابو اليزيد 6 اكتوبر تقريبا ليه فرع تا نى فى شبرا حاول تجييب نمرته من الدليل ده بقه من الاخر وبالتركيب العلبه الااصليه شغله محترم جدا

ليه فرع كبير فى شارع أحمد سعيد
شغله ممتاذ لكن أسعاره شبه معقوله .