اخر التطورات بعد تركيب (رشاشات الاكسنت)
كنت اتكلمت من اسبوع فى موضوع منفصل انى اشتريت رشاشات الاكسنت
.وقولت اغيرالبوجيهات
والفلاتر كمان عشان اشوف الرشاشات ادائها ايه.
.ودي مقارنة بسيطه عملتها بعد استعمال اسبوع عشان انقل التجربة للاخوه
الاعزاء:
اولا العيوب التى طرات فى الرشاشات القديمة:-
1-تاخير جامد فى الدوارة حوالى( 12 لفة مارش) بعد ايقافها بفترة صغيرة وكنت لازم ادوس بنزين
2-دخنة بيضاء فى الصباح وسوداء فى اول الدوارة باقى اليوم
3-رائحة بنزين جامده من العادم
4-السحب بصراحه ماكنتش عارف حلو او لاء لانى ماركبتش لانوس قبل كده
5-الاستهلاك:كانت بتستهلك حوالى 120 ك للصفيحه وده على سفر:I_angr1[1]:.وجوه البلد بقي ماقولكش لانى كنت بحس ان مؤشر البنزين بيجرى زى بتاع السرعه
6- صوت الموتور كان عالى الى حد ما
ثانيا الرشاشات الان (الاكسنت):-
1- بتدور من اول تكه ومن غير ماحمل سنة بنزين
2-مافيش اى دخنة من اى نوع
3_لا توجد رائحة بنزين
4-السحب ماشاء الله كانى راكب عربية تانية والتسارع بقي جامد جدا
5-الاستهلاك :فوولت و سافرت مشوار 205 كيلو ورجعت فوولت لاقيتها اخدت 19 لتر:B4_007:
يعنى اللتر بيعمل تقريبا 10.7 كيلو فهل كده كويس وللا ايه؟؟؟؟
6_صوت الموتور بقي اهدى بكتيير .
على فكره, الرشاشات لسه تحت التجربة يعنى لو فيها حاجه ممكن تتبدل وده اتفاق مع الراجل.