طلب مساعده

**mselim73** · 03-04-2010 11:28 AM

ياجماعه حد يعرف منين اجيب قطع غيار الافيو الاصلى وبالاخص تيل الفرامل مع العلم بانى ساكن فى الهرم

**aymanmaly** · 03-04-2010 12:40 PM

عن تجربة التيل خلية من التوكيل لان اغلب الى فى السوق مضروب و مش مضمون فيستحسن تجيب من الوكيل على طول
ولو عايز توفر شوية فية نوع اسم remsa اسبانى ارشحة ليك بس هايبقى عندك نفس المشكلة انك تتاكد انة مش مضروب
بس طبعا نسبة المضروب فى الاصلى اعلى بكتير من التانى
انا بجيب remsa اصلى من شارع دمشق مصر الجديدة

**memo823000** · 04-04-2010 10:20 AM

عليك وعلى الحرمين فى فيصل امام مستشفى تبارك
انا لسه شارى عنده تيل فرامل لافيو اصلى 150 جنيه وفلتر زيت اصلى ب 15 جنيه
وعلى فكره التيل اصلى بتاع التوكيل وانا ركبته ولا بيصفر ولا الحياه وبتعرفوه انو بيكون مختوم
ونفض للتوكيل روح لميكانيكى شاطر يركبهولك ويربط على العفشه ويزيت المقصات وينضف فلتر الهواء بالبلور وكل ده يعنى هياخد 30 او 40 بالكتير
وبعدين شوف بنزينه موبيل تكزن جامده وتغسل الموتور بالفوم
يجد العربيه هتختلف
الكلام ده بناءا عن تجربه مع التوكيل وبره التوكيل لافيو5 اتوماتيك 2009
وبالنسبه لظبط الزوايا فيه واحد شاطر قوى على المريوطيه يعنى عربيتى كان فيها حدفه شمال
روحت توكيل الهرم اخد 50 جنيه والعربيه مرميه فى الشمس من 8.3 الصبح ماشى حوالى الساعه 7 بالليل فى ايه بقى صيانه 10000 وظبط زوايا طلعت بالعربيه حدفه يمين والطاره معوجه
بتاع الزوايا عدلهالى بنسبه 98% وعدل الطاره ب 20 جنيه ورصص كوتش ب15 جنيه وربطلى على العفشه
واعرف واحد فى روض الفرج شغال فى توكيل هيونداى وشاطر قوى ماشاء الله عرفته بالصدفه وانا رايح لحماتى لقيت حوالى 4 عربيت هيونادى اشى ماتريكس على اكسنت على النترا على فيرنا فسالت واحد صاحب عربيه قالى ياعم بلا توكيل بلاهبل ومشهور قوى والناس بتروحلو من غير ميعاد مجرد بيتصلو عليه بيدخلهم معرفش ازاى
بصراحه بروحلو بيروقلى العربيه وبتاخد شغل فى ايده بتاع من نص لساعه وبيحطلى اسبراى كدا على الموتور لتنضيفه يعنى اخر مره عمل الاتى
غير تيل وعمل ريجلاش للفرامل - تربيط عفشه امامى وخلفى - تنظيف الموتور بالبلور - فك فلتر الهواء ونضفه برضه بالبلور واخد 30 جنيه

**aymanmaly** · 04-04-2010 11:45 AM

وجهات نظر
لولا تعدد الازواق لبارة السلع
يعنى لو فى الضمان يضحى بحقة بالسهولة دى

**memo823000** · 04-04-2010 12:11 PM

مين قال انى هيع الضمان
انا هروح كل 10000 كيلو
مجرد دلع عشان اختم الضمان وخلاص
ومدام العربيه الحمد لله مفهاش اعطال فنيه يبقى متقلقش لاكن لو فيها زى علبه دركسيون او مساعدين او طنابير وما ادراك يبقا هنا الكلام.
انت محناج متابعه وتعمل تشك على العربيه كل 3000 كيلو على الاكثر
من تربيط عفشه او غسل موتور
انت بتكلك كل يوم مش اقل من 10 ل 15 هبده فى العربيه من طرقنا الجميله
الجرار ميستخملهاش
والله انا بقعد اتكلم مع الناس اللى معاها عربيات عفشة ايه او مسعدسن ايه اللى تستحمل الطرق الزباله دى والله العربيه بتصعب عليا