لكل اللي بيفكر يشتري كيا..بعض العيوب المتكررة واسبابها واصلاحها

**Mahmoud Mosaad** · 24-04-2010 02:29 PM

المشاركة الأصلية كتبت بواسطة aymanyouness

اية الحركات دى انتة شغال فى انى توكيل وكمان راكب عربية صينى كلها مشاكل

إيه الناس الغريبة دي
وبعدين دي حرية شخصية يشتغل في التوكيل اللي يعجبوا
وكمان لو سيادتك تركز كويس هو كاتب إن معاه فيات أونو وكاتبفيري FRV soon يعني قريباً

وبعدين الرجل جاي يخدم يبقى جزاؤه نكلمه بالاسلوب اللي مش ظريف دة

عيييييييب .

**Mahmoud Mosaad** · 24-04-2010 02:31 PM

المشاركة الأصلية كتبت بواسطة romeo26222

حركات ايه حضرتك؟؟
وعربية ايه اللي انا راكبها اللي كلها مشاكل
:o_stupid[1]:
!!!

شكراً جداً وجزاك الله خير
ماتزعلش من الأخ الغريب اللي بيتدخل في اللي مش يخصه وهو أصلاً فاهم غلط

**Romeo26222** · 25-04-2010 01:01 AM

aymanyouness

مساء التور اولا
سيادتك الموضوع موجود لخدمة الاعضاء مش بغرض تحذيرهم من العربية او لاني باتكلم عليها كلام يسيء لان العربية كويسة جدا ومناسبة لمصر اوي...
اعتفد اني بكدة وضحت وجهة نظري..وراجع الموضوعات اللي بتتكلم علي مركز الصيانة هتلاقي اللي جابولنا عربيات كيا الحمد لله شافوا مستوي الخدمة والعمالة والاجهزة الموجودة
شكرا لك

**NoRmAl** · 25-04-2010 01:05 AM

بشمهندس رامى :)
معلش متزعلش محدش أكيد يقصد حاجه
ربنا يكرم حضرتك على المجهود دا
وشكرا على الموضوع دا الى بيحاول يساعد أى حد بيواجه مشكله مع العربيه
فشكر خاص منى لك :)

**aymanyouness** · 25-04-2010 05:58 AM

المشاركة الأصلية كتبت بواسطة romeo26222

aymanyouness

مساء التور اولا
سيادتك الموضوع موجود لخدمة الاعضاء مش بغرض تحذيرهم من العربية او لاني باتكلم عليها كلام يسيء لان العربية كويسة جدا ومناسبة لمصر اوي...
اعتفد اني بكدة وضحت وجهة نظري..وراجع الموضوعات اللي بتتكلم علي مركز الصيانة هتلاقي اللي جابولنا عربيات كيا الحمد لله شافوا مستوي الخدمة والعمالة والاجهزة الموجودة
شكرا لك

على العموم الف شكر وانا اسفلك ان كانت نيتك خير للناس السبب الناس الى عمالة تتكلم وخلاص بدون اى اسباب وخلت المنتدى مليان مشاكل انا لية واحد صحبى معاة كيا كان مشترك فى المنتدى لغى دخوله للمنتدى خالص من كثرة الكلام بدون اى فايدة

**Romeo26222** · 25-04-2010 08:54 AM

المشاركة الأصلية كتبت بواسطة aymanyouness

على العموم الف شكر وانا اسفلك ان كانت نيتك خير للناس السبب الناس الى عمالة تتكلم وخلاص بدون اى اسباب وخلت المنتدى مليان مشاكل انا لية واحد صحبى معاة كيا كان مشترك فى المنتدى لغى دخوله للمنتدى خالص من كثرة الكلام بدون اى فايدة

مفيش داعي للأسف وانا سعيد ان وجهة نظري وصلتلك...

**aromr** · 25-04-2010 02:02 PM

المشاركة الأصلية كتبت بواسطة romeo26222

صباح الخير للاخوة الاعضاء
من واقع شغلي في مركز لصيانات كيا الخليجي "مش هاقول اسمة علشان ما يبقاش اعلان" هالخص لكم بعض المشاكل اللي اتكررت خصوصا ان العربية الشكل الجديد تقريبا بقالها سنة نازلة.

1- ال usb بيفصل احيانا عند الضغط علي الكلاكس او تشغيل النور العالي ودا شيء متكرر وسببة رداءة صنع الجزء المسئول عن قرائة الفلاشة مش حاجة في العربية.

2- نور الفوج لايت لا يعمل. وبتكون المشكلة في ذراع الانوار اللي بيتغير بالكامل علشان المشكلة تتحل ودي اتكررت في كذا عربية

3- في العربيات الاتوماتيك الفتيس مش بيطلع من علي ال p عند الضغط علي الفرامل. وبتكون المشكلة في البودي كونترول اللي راكب ورا الكاسيت في اي سي بيفصل ارضي ومش بيشغل سولونويد العصاية ودا بيتغير برضة بس لازم يتفك الاول وتشوف رقمة لانة بيفرق من عربية للتانية حسب الكماليات

4- الكلاكس بيفصل ولمبة الايرباج بتنور احيانا. المشكلة بتكون في ال spring اللي راكب علي التارة وهو عبارة عن شريط سلك بيوصل بين الدركسيون والكلاكس وباقي ضفيرة العربية وبرضة بيتغير ومتوفر.

5-السيارة فجاة مش بتدور وكل اللمبات داخل التابلوة فاصلة ماعدا لمبة البطارية وكأن بطارية العربية باظت. دي بتبقي مشكلة ماكس فيوز في علبة الفيوزات الرئيسية لحامة بيفك ولازم يتفك ويتعاد علية لحام ويتركب والمشكلة بتختفي.

المشاكل اللي اتكتب دي مش حالات فردية لكنها حالات تكررت في اكثر من 50 عربية حتي الان وسيتم تحديث الموضوع تباعا بالمشاكل الموجودة.

عندي المشكلة 2
والمشكلة 4 حصلت مرة وبعدين راحت