كل يوم يقولوا حتستلم بكرة (modern motors alex)

**handasa** · 03-04-2010 12:49 PM

مش عارف فى اية من يوم 29/3/2010 الى الان
كل يوم يقولوا العربية جيه بكرة
خلونى اخاف اديهم باقى الفلوس
هل دة العادى فى modern motors ,ولا فعلا عندهم مشكلة
وهل ورق العربية باخدة فى نفس اليوم ؟
واية الورق اللى بييجى مع العربية؟

**mohamedhamam** · 03-04-2010 01:04 PM

لا تقلق فالطبيعى أن تستلم العربية بعد 7-10 أيام من تاريخ الحجز لأن الورق بتاع العربية بيأخذ وقت بالرغم من العربية تجميع محلى لكن نسبة المكونات اليابانية فيها كتيرة و معروف أن ورق النيسان بيأخذ وقت لحد ما يخلص لا تقلق و لا تستلم العربية إلا و ورقها كامل بمعنى التالى:
1- ورق العربية اللى حاترخص به
2- ضمان العربية (بعد الترخيص ترجعلهم علشان بيأخذوا صورة من الرخصة لإرسالها إلى نيسان موتورز إيجبت لدخول السيارة فى الـ Data base الخاصة بهم و هذا تقليد يابانى محترم)
3- كتالوج العربية
4- ضمان البطارية
5- ضمان الكاسيت

إختيار موفق و ألف مبروك و ياريت تبقى تعرفنا أخبارك

**handasa** · 03-04-2010 02:13 PM

ضمان العربية بخدوا بعد الترخيص ؟
هل فى شنطة عدة مع العربية
كوريك ؟

هما عيزينى استلم العربية بنمر تجارية اول ماتيجى بدون الورق؟

**Elsayed** · 03-04-2010 03:27 PM

انصح بعدم استلام العربيه الا مع ورقها.
العربيه معاها الكوريك العادى ومفتاح العجل

**mohamedhamam** · 03-04-2010 09:30 PM

إياك أن تستلم العربية بنمر تجارية و لا تستلم نهائياً إلا بورق العربية و العربية بها كوريك و مفتاح حل العجل بالإضافة إلى حافظة بها مفك و مجموعة من المفاتيح بمقاسات مختلفة و هذه العدة لن تجدها إلا مع الصنى

**aiman0173** · 03-04-2010 09:46 PM

انا بصراحة مش عارف ايه النظام في الاسكندرية بس بصراحة انا استلمت من السبع في القاهرة تاني يوم ما دفعت الفلوس ولما طلبت تغيير اللون طلبوا التأجيل يوم لتجهيز الاوراق ولما رجعت وغيرت اللون تاني طلبوا فقط تأجيل يوم لإعادة تغييرالورق يعني انا دفعت يوم الاثنين واستلمت الخميس بالورق والتأخير يعتبرمني نتيجة لتغيير اللون

**mohamedhamam** · 04-04-2010 12:48 PM

و الله ده اللى بيحصل فى الإسكندرية و مش عارف يمكن فى القاهرة الأوراق بتخلص أسرع جايز

**khela** · 05-04-2010 12:54 AM

انا شارى عربيتى من نيسان داون تاون (شركة عبد اللطيف جميل )الورق والعربية جت بعد يومين تلاته من الحجز وانا الى اتلكعت فى الاستلام قعدت حوالى اسبوع على مفضيت واستلمت العربية بورقها وضمانها وكل حاجتها ونمر مؤقتة علشان اروح بيها المرور تانى يوم وجه معايا واحد من المعرض ورخصناها على طول تانى يوم واخد النمر المؤقتة