السكانر و اللانوس

**Dr.lancer** · 03-04-2010 02:37 PM

النهاردة لقيت نفسى فاضى و مازال عندى مشكلة تأخير الدوارة صباحا مع ريحة بنزين نيه فى اللانوس 99 كما قلت قبل كدة. المهم لرحت للميكانيكى مدحت اللى فى أول فيصل فى شارع أحمد كامل (كان أحد الأعضاء قال إنه عنده سكنر) علشان أشيك على العربية وأشوف قصة الرشاشات دى. بصراحة الراجل زوق جدا فى التعامل و فاهم. على طول حط العربية فى السكانر و قعد يشرح لى القرايات كلها بس للأسف مافهمتش كتير بس عجبنى إنه فاهم يعنى أفتكر إنه قال لى إن قراية البوابة لازم تكون 0.60 و حد فتحها زيادة و فعلا كان فى ميكانيكى نص لبه كان رجرشهالى بالمفك و علالى العربية قبل كدة. المهم ظبطهالى بسرعة. أجمل حاجة فيه إنه مبيفتحش شغل و مبيحبش يغير إلا لما تكون الحاجة محتاجة فعلا تغيير. فمثلا بالنسبة للرشاشات قال لى إنه حيحط منظف فى تنك العربية و أفول بعدها و بعد 300 كيلو أرجعله. ممكن الموضوع يتحل و حلاحظ الفرق فى السحب و إستهلاك البنزين و لو ماتحلتش حنغير برشاشات أكسنت إستيراد من واحد فى فيصل عند الشبراوى أخر
المطبعة. و ميزته إننا حنجربهم الأول على جهاز الألتراسونيك عنده و بعدها نجربهم فى العربية و نقيس بالسكنر و ممكن نرجعها تانى ليه لو فيهم مشكلة.

حجرب الأول 300 كيلو دول و أشوف الموضوع حينتهى على إيه.نسيت أقول السكانر كان 40 جنية و المنظف 30 جنية و ماخدش مصنعية لحد ما أجيله تانى يمكن الرشاشات تنظف و ماحتجش أغيرها

ياريت لو حد من خبراء المنتدى يشرح لنا السكانر و قراياته لأنه فعلا بيوضح كل حاجة فى العربية من البطارية للشكمان.

حاطط شوية صور للسكانر و ورشته للإيضاح

**محمد الشامي** · 03-04-2010 02:53 PM

المشاركة الأصلية كتبت بواسطة sherifrasheed

ريحة بنزين نيه فى اللانوس 99

اعتقد دي كده مشكله بوجيهات مش رشاشات

**Dr.lancer** · 03-04-2010 03:08 PM

المشاركة الأصلية كتبت بواسطة mohammad_alshamy

اعتقد دي كده مشكله بوجيهات مش رشاشات

مغيرها قريب يا أستاذ محمد برجاء راجع الرابط دة من يومين بس

http://www.nilemotors.net/Nile/138554-a.html

**tuttoo** · 03-04-2010 03:31 PM

انا وجهة نظري انك رميت 70ج علي الارض اولا عيب الرشاشات ف الدايو دة شئ كثير الظهور ومر علي اغلب الاعضاء والعيب اصبح معروف وسهل اكتر من تغير البوجيهات... ثانيا مشكلة الرشاشات لاتحتاج الي سكانر بالمرة.....ثالثا تمن الرشاشات لا يتعدي 200 استيراد الخارج بالماسورة كاملة والمنظف تمنة 15ج كمان ضبط السكانر لايتعدي 20ج ف اي مكان واغلب الاماكن اللي فيهاسكانر مش بتحاسب علي دخول السكانر لانة اصبح عدة شغل عادية .... اخيروليس بيننا اخر ان شاء اللة انت مش محتاج لجهاز الالترا للكشف علي الرشاشات الرشاش بيتعرف من اول الدوارة اذا كان صح ولا لأ واحسن رشاش للدايو الاصلي بتعها.... واللة والموفق

**dr.hany** · 03-04-2010 03:36 PM

بص.تقريبا مشكلتك كان عندى زيها بالظبط.نفس الاعراض.واتحلت لمما جبت رشاشات الاكسنت استيراد .لانى وجدت تمنها مش غالى .وقولت فى نفسي حتى لو مانفعتش,مش هاكون خسرت كتير.لانى دفعت 140 جنيه بس تمنها

**Dr.lancer** · 03-04-2010 06:09 PM

المشاركة الأصلية كتبت بواسطة goldenfish7

بص.تقريبا مشكلتك كان عندى زيها بالظبط.نفس الاعراض.واتحلت لمما جبت رشاشات الاكسنت استيراد .لانى وجدت تمنها مش غالى .وقولت فى نفسي حتى لو مانفعتش,مش هاكون خسرت كتير.لانى دفعت 140 جنيه بس تمنها

والله كلام معقول 70 جنية على 70 جنية كنت جبت رشاشات الأكسنت 140 و خلصت. أنا حستنى 300 كيلو دول و لو ماتحسنتش حشترى الرشاشات على طول. شكرا لكم

ماحوظة: مافيش حد يقولنا الإسكنر ده بيكتب اية و ايه الكلام الكتير اللى فيه؟