ياريت يا جماعة تقولولي رايكو
127 مستعملة و لا ماروتي قسط ؟؟؟؟
علما باني معايا عربية بس جايب دي للمرمتة و الركن في شوارع المحروسة
عرض للطباعة
ياريت يا جماعة تقولولي رايكو
127 مستعملة و لا ماروتي قسط ؟؟؟؟
علما باني معايا عربية بس جايب دي للمرمتة و الركن في شوارع المحروسة
الماروتي عربية حملة اسية جدا... أنا ليا واحد صاحبي وزنه 140 كيلو (ده بعد ماخس) ومعاه العربية ده من 2000 ولحد انهارده... وما شاء الله بيعمل بيها كل حاجة.. وبيركب فيها 3 و 4 كمان... صحيح بتبقى زي علبة السردين... بس ماشية معاه زي الفل...
وقطع غيارها في القريب اوي ....
اتكل على الله وهاتها وسيبك من ال 127 كانت مغلبانا وكل يومين عند الميكانيكي ومفيش فايدة مهما تصلح فيها... مع إني كنت بحبها والله !!
انا مختلف معاكم فى وجهة النظر الماروتى عربيه ضعيفه
واللى هتدفعه مقدم للماروتى يجيب 127 بحاله كويسه
وحضرتك ليك الاختيار
هاشم باشا... ازيك.. أنا على طول بقرا مشاركتك في الفولكس على فكرة :)
بس مع احترامي ليك... الماروتي لو كانت ضعيفة مظنش كانت هتستحمل واحد وزنه 140 كيلو... وبيحرت في العربية حرت...
من ناحية تانية.. الجديد جديد... وال 127 عربية كويسة وكل حاجة.. بس خلاص.. راحت عليها... أنا فاكر إنها كانت بـمعدل كل أسبوع بتروح للميكانيكي ... مع إننا كنا محافظين عليها جدا جدا... وكانت أول يد من الزيرو...
الماروتي... سهلة وبسيطة جدا.. وهي كمان كاربراتير مش انجكشن ... يعني أي ميكانيكي هيقدر يفتي فيها...
ده غير إنها موفرة جدا في البنزين أكتر من ال 127 كمان.. عشان احدث وده برده عن تجربة...
بس انا من رأيي ما فيش احسن من الزيروووووووووووووووووو
١٢٧ او سوبر فيورا طبعا .... خلي حد يلبس فيك من ورا او انت ريح على حد ونت بتكلم في الموبيل بالماروتي و جرب ب٢٧ ،،بس ونت بالماروتي ابقى اعمل حساب دايما لمكان في العربيه من جوه عشان الاكصدام لما يقع تبقى تحطه في العربيه من جوه ،،،و اسأل مجرب
ماروتى زيرو واطمن
الميزة فى الماروتى انها عربية جديدة غير كده ال127 احسن منها فى كل حاجة