نيسان صني موديل 1994!!!

**beihoo** · 14-01-2008 11:28 PM

السلام عليكم .. يا جماعة لو سمحت عاوز أعرف أي معلومات عن الصني 1994 و عن قطع غيارها و أسعارها و مدى توافرها.

رجاء اللي يعرف الإجابة يلحقني بيها في أسرع وقت ممكن.

**ahmed** · 14-01-2008 11:35 PM

بصى يا سيدى انا والدى عنده واحده عامل بيها الى الان 115 الف كيلو وهى بسم الله ماشاء الله جميله جدا جدا جدا
وقطع غيارها موجوده والحمد لله
احنا كل اللى غايرناه الى الان طلمبه مياه ودى كانت ب 120 تقريبا
وطقم اسطوانة وديسك وديبرياج ب 315 من التوفيقيه الحاجات دى جديده ويابانى
العربيه ثباتها على الارض حلو التكيف بتاعها حلو اوى بياثر على السحب شوية لكن مش وحش خالص لو انت معتنى بيها
الباور بتاعها حلو اوىى زوايا العربيه كلها واضحه قدامك هى طويله حبتين بس هاتتعود عليها وهاتحبها ان شاء الله
بس قولى انت اللى قدامك ظروفها ايه وحالتلها ايه وربنا يوفقك

**beihoo** · 15-01-2008 11:33 PM

جزاك الله خير على معلوماتك القيمة بالنسبة لي.
العربية اللي قدامي حالتة جيدة جدا و مركب جنوط و فوانيس شبورة و إنذار بس مش عارف أسعارها إيه في السوق؟

**ahmed** · 16-01-2008 02:42 AM

سيبك من الجنوط واللى هوة عامله فيها
قولى الاول راشش ايه فيها ودواخلها طروفها ايه
وروح اعمل كبس موتور فى البنزينه وكشف على الشاسيه وعامله كام الف الى الان عشان اقدر اقولك سعرها بالتقريب كام
وربنا يوفقك
انما جنوط وانذار وكلام من ده مايهمنيش انا يهمنى الشاسيه والموتور عشان دول العربيه