شوية استفسارت

**dr_mak** · 03-04-2010 06:56 PM

انا كنت بموت 92 والعربية زي الفل ...وبعد كدة غيرت ل 80 ولقيت مفيش فرق يعني العربية فضلت ماشية كويس فترة.....بعد كدة لقيت صوت الماتور في خربطة وتكسير ...وبعد كدة بطلت احط 80 ورجعت لل92 تاني ....لقت الخربطة قلت وصوت العربية هدي جامد
هل 80 ممكن يضيع المكنة بالطريقة دي ؟؟؟؟؟؟

وحاجة تانية غريبة ...لما كنت بمون 92 العربية كانت بتتاخر في الدوارة ...لما حطيت 80 العربية بات بدور من اول تكة اية السبب في كدة؟؟؟؟؟

3/ترشيح زيت من عند الكاتينة ؟؟؟ياترا دة اية

4/كنت عليت العربة من ورا بعلايات ...والعربية بقت تمام في المطبات وحسيت انها ثبتت على الطريق وقعدة العربية بقت مريحة ....بس اكتشفت حاجة خطيرة بعد كدة :انا لما كنت مركب 4 افراد في العربية يعني كنت محمل في العربية ....لقيت العربية عمالة ترمي شمال ويمين بعد 80 ؟؟ياترا لو عليت العربية من قدام كمان المشكلة هتتحل ؟؟؟ولا اشيل العلايات واخلص؟؟

5/

**tompina** · 03-04-2010 07:26 PM

أولا العربية كانت بتكركر منك على البنزين الـ80 وماتحطوش تاني .
ثانيا موضوع التأخير مالوش علاقة .
ثالثا ترشيح الزيت ممكن يكون من خرطوم الفايظ .. اتأكد من مقاس الزيت الأول .
رابعا شيل العلايات فورا وبلاش مجازفة .

**bakkarahmed** · 03-04-2010 08:36 PM

المشاركة الأصلية كتبت بواسطة tompina

البنزين الـ80 ماتحطوش تاني .

**romeo_6887** · 03-04-2010 09:07 PM

هل 80 ممكن يضيع المكنة بالطريقة دي ؟؟؟؟؟؟

ده اكيد ... بنزين 80 بيضيع اي مكنه انجيكشن

اية السبب في كدة؟؟؟؟؟

نوع البنزين ملوش علاقه بالدواره اصلا ... نضف الرشاشات و اكشف علي طلمبه البنزين و بالمره نضف فلتر البنزين

ترشيح زيت من عند الكاتينة

ممكن يكون سيل الكاتينه اتحرك من مكانه ... حصلتلي قبل كده

ولا اشيل العلايات واخلص

طبعا شيل العلايات عشان بتضيع ثبات العربيه ... انا مش عارف هما مخترين العلايات دي اصلا ليه ؟

**tompina** · 03-04-2010 09:20 PM

المشاركة الأصلية كتبت بواسطة romeo_6887

ده اكيد ... بنزين 80 بيضيع اي مكنه انجيكشن

يا باشا مش أي مكنة إنجيكشن .. هو بيتعب الماكينات اللي نسبة انضغاطها أعلى من الرقم الأوكتيني للبنزين الـ 80

المشاركة الأصلية كتبت بواسطة romeo_6887

انا مش عارف هما مخترين العلايات دي اصلا ليه ؟

عشان تعلي العربية طبعاً

**mahmoudysf** · 03-04-2010 09:50 PM

زي الاخوه ما قالوا الخربطة والتكسير من بنزين 80 وده اسمه تسقيف
بالنسبه ان العلايات بتخلي العربيه تروح شمال ويمين بعد 80 وكمان معاك ناس فدة مش حقيقي روح لعفشجي يشوف حالة المساعدين ايه
انا مركب علايات ورا وقدام من سنين ومفيش مشاكل وخصوصا لو معايا ناس كنت ماشي 150 في طريق بور سعيد ما كنش عندي مشاكل غير في الملفات لاكن كنت بعمل حساب
الخلاصة استحالة علايه ورا تخلى العربيه تروح شمال ويمين بعد 80 والمهندس سمير عياد مركب علايات ورا وبيقول الثبات هايل لغاية 120

**tarek_asem** · 03-04-2010 11:46 PM

انا كمان مركب علايات ورا وجبت 160 ومحستش بأي حاجه من اللي حضرتك بتقول عليها دي خالص .. والثبات على الطريق العدل مفيهوش اي مشاكل

**dr_mak** · 04-04-2010 02:47 AM

انا بجيب 160 بالعلايات عادي....حوار التعويم دة بيحصل لما تكون العربية محملة

**engoss1990** · 04-04-2010 02:48 AM

اعتقد ان لما حضرتك كنت بتمون 80 العربية كانت بتدور على طول لان الضغط اللي محتاجه بنزين 80 اقل بكتير من اللي بيحتاجه ال 92 عشان يعمل اشعال زاتي بدون شرارة
و هو ده اللي بيسبب التسقيفdetonation ان البنزين بينفجر مرتين داخل غرفة الاشتعال

**dr_mak** · 04-04-2010 02:52 AM

المشاركة الأصلية كتبت بواسطة romeo_6887

ده اكيد ... بنزين 80 بيضيع اي مكنه انجيكشن
نوع البنزين ملوش علاقه بالدواره اصلا ... نضف الرشاشات و اكشف علي طلمبه البنزين و بالمره نضف فلتر البنزين

ممكن يكون سيل الكاتينه اتحرك من مكانه ... حصلتلي قبل كده

طبعا شيل العلايات عشان بتضيع ثبات العربيه ... انا مش عارف هما مخترين العلايات دي اصلا ليه ؟

مخترعين العلايات علشان عندنا في الشرقية بيعملو جبال مش مطبات ...العربية عندي كلة متخبط بسبب الجبال والهضاب الي بيحطوها

الموضوع: شوية استفسارت

LinkBack

أدوات الموضوع

عرض

شوية استفسارت - انشر الموضوع فى :

-

-

-

-

-

-

-

المواضيع المتشابهه

استفسارت بخصوص جمارك نيسان صني 1.8

شويه استفسارت عن السيريون

استفسارت مهمه

استفسارت علشان تجديد الرخصة للبيتلز

مازدا 3 ؟؟؟؟؟؟؟ استفسارت محتاجه رد من الخبراء

الكلمات الدلالية لهذا الموضوع

المفضلات

المفضلات

ضوابط المشاركة