الشراء من اميريكا من موقع www.amazon.com

**zakiali** · 03-04-2010 07:33 PM

عاوز أسأل أهل الخبرة عن كيفية الشراء من موقع امازون وهل معترفين بالشحن لمصر أو لا؟ وهل لو اشتريت لابتوب مثلا أو أي جهاز كهربائي أو موبايل بيبقي عليه جمارك أو لا ؟ اصل الأسعار عندهم مغريه جدا يعني الابتوب اللي بنشتريه هنا ب 4000 بره ب 1500 بس !!!!!

يريت حد يفيدنا في القصىة دي .

**factorialx** · 03-04-2010 07:46 PM

اللي أعرفه إن أمازون ما بيعتش على مصر لازم يكون في عنوان في أمريكا ليك يبعتلك عليه الحاجه في حل للمشكله دي إن يكون ليك قريب في أمريكا تبعت على عنوانه الحاجه أو تشترك في خدمة أراماكس أو دي إتش إل في مصر و هما يكون ليهم عنوان هناك لما تشتري الحاجه تروح على عنوانهم و بعدين تيجي على مصر

طبعا اللاب بكرتونته هيبقى فوق ال 2 كجم هما بيحسبوا ب 500 جرام تمن الشحن + الجمارك و الذي منه

بس أنا مجربتش الحوار ده خالص دي اللي عرفته من النت و ياريت لو حد عنده تصحيح يقوله

**hazoom2006** · 03-04-2010 07:55 PM

هو لازم يكون عندك فيزا وعنوان فى امريكا بيتبعت عليه من امازون وبعدين شركة شحن بتشحنه على مصر

لو انت عايز تشترى حاجة من بره فى ناس بيعملو الموضوع ده فى مقابل مبلغ معين وناس مضمونه 100%

**zakiali** · 03-04-2010 08:00 PM

المشاركة الأصلية كتبت بواسطة factorialx

اللي أعرفه إن أمازون ما بيعتش على مصر لازم يكون في عنوان في أمريكا ليك يبعتلك عليه الحاجه في حل للمشكله دي إن يكون ليك قريب في أمريكا تبعت على عنوانه الحاجه أو تشترك في خدمة أراماكس أو دي إتش إل في مصر و هما يكون ليهم عنوان هناك لما تشتري الحاجه تروح على عنوانهم و بعدين تيجي على مصر

طبعا اللاب بكرتونته هيبقى فوق ال 2 كجم هما بيحسبوا ب 500 جرام تمن الشحن + الجمارك و الذي منه

بس أنا مجربتش الحوار ده خالص دي اللي عرفته من النت و ياريت لو حد عنده تصحيح يقوله

انا أسمع ان شركة ارامكس بتعملك قصة العنوان البريدي اللي في أمريكا ده مدي الحياة بمبلغ كويس غالبا 35$ أو حاجه زي كده أنا اقصد هل فيه حد جرب يشتري لاب من هناك مثلا وهل السعر النهائي بعد الشحن بيفرق كتير فعلا ولا هنا بيحطوا عليه هنا في مصر ضرايب وجمارك وشوربة وسلطات وخدمة ورسم تنمية لحد ما يبقي أغلي من السعر هنا ؟؟

**zakiali** · 03-04-2010 08:35 PM

محدش جرب خالص القصة دي يا جماعة ؟؟

**eng.octooo** · 04-04-2010 12:54 AM

طيب هوة اية المواقع الى بتشحن مباشر لمصر ؟؟؟

والشحن عن طريق الوزن ازاى ؟؟ وبكام

**Kareem_A** · 04-04-2010 01:01 AM

ايا كانت الطريقة , طالما مش حد جايبه معاه و هو جاي

هتلاقي انه سعره وصل لنفس السعر هنا و ساعات كتير بيبقى اكتر شوية

في مواقع ممكن تجيبلك لغاية باب البيت , بس هتلاقي ان حضرتك بتدفع جمارك و ضرايب و الضرايب في امريكا نفسها غير طبعا ان الوزن بفلوس و الشحن طبعا بفلوس

الطريقة الوحيدة للاستفادة من فرق السعر , هي ان حضرتك تبعته على عنوان حد هناك تعرفه و يجيبه و هو جاي

**AhmedGen2** · 04-04-2010 01:12 AM

على حسب الوزن ...

هتحس بأقصى استفادة فعلاً لو وزن الحاجة خفيف زى البروسيسور/مكنة حلاقة/رامات/كارت شاشة/موزر بورد .. الخ انما الحاجة لو وزنها تقيل هتلاقى مفيش فرق ويمكن أكتر كمان.

ادخل موقع ارامكس واقرا عن خدمة الشيب اند شوب وتجول فى الموقع كدة هيجبلك من الآخر.

**zakiali** · 04-04-2010 01:56 AM

المشاركة الأصلية كتبت بواسطة ahmedgen2

على حسب الوزن ...

هتحس بأقصى استفادة فعلاً لو وزن الحاجة خفيف زى البروسيسور/مكنة حلاقة/رامات/كارت شاشة/موزر بورد .. الخ انما الحاجة لو وزنها تقيل هتلاقى مفيش فرق ويمكن أكتر كمان.

ادخل موقع ارامكس واقرا عن خدمة الشيب اند شوب وتجول فى الموقع كدة هيجبلك من الآخر.

انا لما دخلت موقع ارامكس فيه طريقة حساب الشحنه علي حسب الوزن يعني مثلا لو قلنا ان لابتوب وزنه 2.5 كجم بالكرتونه يبقي مصاريف الشحن هتبقي 550 ج بس لو جاي من أمريكا .. بس هل هيبقي علي الطرد ضريبة في مصر ؟؟

هو ده السؤال .

**thedeveloper87** · 04-04-2010 02:54 AM

المشاركة الأصلية كتبت بواسطة zakiali

انا لما دخلت موقع ارامكس فيه طريقة حساب الشحنه علي حسب الوزن يعني مثلا لو قلنا ان لابتوب وزنه 2.5 كجم بالكرتونه يبقي مصاريف الشحن هتبقي 550 ج بس لو جاي من أمريكا .. بس هل هيبقي علي الطرد ضريبة في مصر ؟؟

هو ده السؤال .

على فكرة نصيحة ماتجبش من بره.
بالنسبة ل amazon
أولا - أنا اشتريت كتاب (حط 100 خط تحت كلمة كتاب) فيه سي دي حسبولي جمرك 50 جنيه والكتاب كله على بعضه ب 400 جنيه. فما بالك بلابتوب

ثانيا - الطريقة اللي هيجي بيها اللاب توب ، ماتضمنش هييجي متكسر أو سليم.
ثالثا - طبعا مفيش ضمان ، لو حاجة لا قدر الله باظت فيه خلاص كده شكرا!

اشتري من هنا أحسن ، أو لو تعرف واحد من هناك يجيبلك يبقى خير

بالنسبة لأرامكس فهو غالي جدا

1. انت بتشتري عنوان ليك في أمريكا
2. بتتحاسب على أول نصف كيلو بمبلغ معين وكل نصف كيلو زيادة بمبلغ (مش فاكر كام بصراحة)

الموضوع: الشراء من اميريكا من موقع www.amazon.com

LinkBack

أدوات الموضوع

عرض

-

-

-

-

-

المواضيع المتشابهه

موقع الإستعلام عن بيانات أي مركبة على الإنترنت قبل الشراء لمنع بيع السيارات المسروقة

موقع الشراء من الانترنت لجميع قطع غيار السيارات الالماني و سيارات اخرى ...

استفسار فى الشراء من موقع amazon

مساعدة في الشراء من موقع امازون

كيفية الشراء من موقع امازون ؟

الكلمات الدلالية لهذا الموضوع

المفضلات

المفضلات

ضوابط المشاركة