السلام عليكم ورحمة الله وبركاته انا استلمت اللوجان يوم 28 مارس واستلمت اوراقها يوم 29 ورخصت يوم 30 ولان شغلى فى مرسى علم فسافرت بيها النهاردة لمرسى علم الرحلة ابتدت الساعة 5 صباحا من العاشر من رمضان وكانت العربية عاملة 390 كم ووصلت مرسى علم الساعة 2 ونصف مساءا طبعا فى السرعة ما زادتش عن 120كم ودى بتكون بعد 3000 rpm بحاجة بسيطة وطبعا مشيت مسافات طويلة على 85 كم ده بعد ما دفعت مخالفة سرعة مع اول رادار قابلنى ملخص الرحلة: المسافة المقطوعة: 756 كم متوسط السرعة : 78 كم الكمبيوتر بيدخل التوقفات ايضا فى حساب متوسط السرعة استهلاك البنزين: 5.5 لتر\100 كم كمية الاستهلاك: 41.7 لتر (بنزين 92) تقييمى للوجان فى هذه الرحلة: العربية مريحة جدا فى القيادة وناعمة جدا السحب : انا شايفه عادى يعنى مش ممتاز ولا سيئ الثبات: ممتاز مع العلم انى لم ازد عن 120 كم\ساعة التكييف: جميل جدا ولكنه يؤثر على اداء العربية ويؤثر بشكل كبير على ارتفاع صوت الموتور اللى هوه اصلا عالى وأكبر عيب فى العربية دى انها مابتعرفش اماكن الرادارات