السلام عليكم ،
أخوكم لسه في مرحلة التفكير في العربية (ناوي اشتري على شهر ٧ إن شاء الله) ، ومحتار بين سيراتو الجنط ١٧ (١١٥ ألف) وبين هوندا سيتي (١٣٠ ألف) .
طبعا الكلام متضارب وانا محتار . دي أول عربية اشتريها . ساعدوني .
عرض للطباعة
السلام عليكم ،
أخوكم لسه في مرحلة التفكير في العربية (ناوي اشتري على شهر ٧ إن شاء الله) ، ومحتار بين سيراتو الجنط ١٧ (١١٥ ألف) وبين هوندا سيتي (١٣٠ ألف) .
طبعا الكلام متضارب وانا محتار . دي أول عربية اشتريها . ساعدوني .
انا أفضل سيراتو ومش هقولك سيراتو عشان هيا عربيتى ومتحيز
بالعكس انا شايف انها تستحق وشايف كمان ان الهوندا سيتى متتقارنش بيها مع كامل الإحترام لهوندا :)
طبعا وجهات نظر وكل واحد ليه حرية الاختيار وربنا يوفقك
هوندا طبعا . انا مش فاهم بتقارن الهوندا بدى ازاى
انا بعتها بعد شهر و دة رقمى 0105061753
ما فكرتش في الفلونس خالص ؟؟
هوندا سيتي او فليونس
او لانسر
وجود الاستفتاء في قسم كيا اعتقد هيكون ظالم للهوندا
كأنك رايح للوكيل وبتقولة اشتري عربيتك ولا عربية تانية!!
حط نفس الاستطلاع في قسم هوندا برضة وشوف متوسط الاراء
انا لو هاختار هاختار الهوندا
أنا حطيت الموضوع هنا وهاضيفه كمان في هوندا بس كنت حابب آخد اراء من ناس اكتر قبل ما أضيفه هناك .
الموضوع فى قسم كيا وهوندا متقدمة فى التصويت
امال لو اتحط فى قسم هوندا
والله انا كنت بردو محتار كدا
و قبل ما اشتري الكيا ,,, روحت معرض و اتفرجت علي السيتي
بصراحه التابلوه بتاعها مش عاجبني
بالاضافه طبعا انها اصغر من السيراتو و مش استيب ترونك
و مفيش فتحه سقف و واطيه طبعا و قطع غيارها اغلي
و الحمد لله استقريت علي السيراتو و اشتريتها و الحمد لله
العربيه ممتازه
سيراتو طبعا من ناحية:
1- السعر
2- الاوبشنز و الرفاهية
3- الوكيل وقطع الغيار
4- السيتي ما اثبتتش كفائتها زي السيفيك
5- الكيا اثبتت كفائتها وبدات عصر جديد ابتداءا من السيراتو و توقع منها كتير الايام الجاية
6- انت بتتكلم في فئة 1600 احسن بكتير من 1500
7- الوسع والشكل الخارجي
*الشعب المصري للاسف لمابيشبط في حاجة مبيسيبهاش زي الاودي تدي المرسيدس والبي ام بالجزمة بس تلاقيها في مصر تتعد عالصوابع (هو ده الشعب المصري لما بيقفش في حاجة مابيسيبهاش حتي لو في احلي منها)
أنا مش فاهم الفكرة من انه يقول انها وحشة ويسيب رقم تليفونه . هو ايه الموضوع ؟
كلامك ياباشا فيه شيء من الصحة
الاودي مش رقم واحد في اي سوق في العالم لان ببساطة عربية متقدمة تكنولوجي بطريقة مبالغ فيها والنتيجة صيانتها مش سهلة ومش اي حد يفهم فيها.....نيجي للمرسيدس والبي ام نفس الحكاية البي ام متقدمة عن المرسيدس تكنولجيا فابتلاقي صيانة المرسيدس بصفة عامة اسهل وعلشان كدة سوقها اعلي ....بالنسبة للمقارنة انا باميل للهوندا اكتر وحتي سعرها العالمي اقرب لواقع السعر المصري عكس السيراتو يعتبر سعرها غالي شوية مقارنة بالسعر العالمي
وشوفوا اللينك ده فيه مقارنة بس مع سيراتو 2000 سي سي والاسعار كمان(السيتي اغلي من 2000 سي سي السيراتو)
[flash=http://www.caradvice.com.au/33990/comparison-honda-city-holden-cruze-kia-cerato/]width=350 height=400[/flash]
طيب من غير زعل او هجوم, طيب احنا ممكن نطبق الكلام ده هنا
الناس شبطانه فالسيراتو و مش عايزه تسبها, و فى حاجه تانى (الهوندا سيتى مثلا)........ بس تلاقيها فى مصر تتعد على الصوابع (هو ده الشعب المصري لما بيقفش في حاجة مابيسيبهاش حتي لو في احلي منها):colsmil:
يعني ايه "دي" هيا سيراتو كلمه ابيحه؟؟؟
اصل انا كنت مسافر من شهر
بصراحة لن استطيع التصويت لعدم تجربتى للاثنين بس الراجل( ده) مستفز. لو عندك حاجة عن السيراتو قولها وخلى الكل يعرف ويستفيد.مش هو ده الغرض من المنتدى برضو.وبعدين لو كل واحد عمل زيك كده وساب نمرة تليفون يبقى الراجل يشترى اى عربية فيهم ويجربها وحتى لو طلعت خربانة خالص هيبقى اوفر له من كل المكالمات دى.شوف بقى هيتصل بكام عضو ويحكى معاهم فى الموبايل.ولا حضرتك ليك اسهم فى شركة محمول.وبعدين يا سيدى اتكلم وقول كل اللى عندك عن السيراتوومتخافش والاعضاء هتتناقش معاك بموضوعية برضو يعنى مفيش حد هيطلعلك من شاشة الكمبيوتر يضربك.دا اى الاستفزاز( ده).
يا فتاح يا عليم يا رزاق يا كريم - يا سيدي خلاص عرفنا انك ماشي بقالك شهور بتقول عليها زبالة
بس مش واخد بالك انك الوحيد اللي فاضل من الجيل دة ؟؟؟؟
يعني قصدي ان كان في ناس كتير تدخل ترمي الكلمتين ويختفوا - بس الحقيقة ان كلهم اختفوا خالص - والوحيد اللي لسة بيدخل يرمي الكلمة دي ومعاها رقم التليفون هوا انت ؟؟؟؟
طيب ما تتعب شوية وتكتب وتشرح للراجل انت مش طايق العربية لية ؟؟؟؟؟ واهي فرصة تقعد تشتم فيها شوية :3_3_102[1]:
انا بدات احس انك لا اشتريتها ولا حتي ركبتها - ارحمنا بقي وقول حاجة مفيدة مرة - خليك موضوعي
وصباح الفل علي رجالة السيراتو
علي فكرة لو قعدت تشتم فيا 100 سنة مش حزعل منك - عشان انا عارف اخرتها اية :mahf(5):
الهوندا طبعا اسم معروف لكن من اول السيفييك قبل كده لا ؟؟؟
السيتي 1500 سي سي وتقفيل تايلندي ووكيل مش قوي شوية في قصة احتكار بيع قطع الغيار وكمان شكلها بصراحة خاصة من الخلف ......على العموم دي اذواق روح شوف الاثنيين واركبهم وشوف انهي اللي هترتاحلها
شوفتوا بقي - دخلوا رمو الكلمتين شتيمة في السيراتو ثم اختفاء تاااااااااااام - ههههههههه
ماصل عندهم حق برده يا عتريس باشا عربية كوري وتقفيلها تعبان وكلها بلاستيك وفي سوق العربيات متساويش تعريفة والغلابة هما اللي بيجيبوها وبيدفعوا فيها فوق ال 100 الف جنيه وسيبك كمان ده حتى التوك توك الهندي احسن منها ........:mahf(5):سيب اللي يكلم يكلم والشتيمة ما بتلزقش
:POINTIy2[2]:
مشكلة الهوندا فى قطع غيارها انها غاليه
لو مش فارق معاك موضوع قطع الغيار يبقى اكيد الهوندا افضل
السيراتو كويسة بالنسبة لسعرها وقطع غيارها سعرها كويس
لكن بكل المقاييس (باستثناء اسعار قطع الغيار) الهوندا فى رايى تكسب
شوف انت هترتاح لايه فى الاتنين ومبروك مقدما
الهوندا ماركة محترمة جدا
بس انا كنت حجيب دايهاتسو(ودي تقفيل ياباني) بس تراجعت لعدة اسباب منها سعر اعادة البيع -قطع الغيار-الوكيل-عدد الناس اللي بتصلح-توافر قطع الغيار
واعتقد كل دة حيكون في صالح الكيا
مفيش وجه للمقارنه هوندا ( اليابانى ) احسن من الكيا ( الكورى )
بس فيه حاجه مهمه عوزك تعرفها
1- الهوندا سيتى مجمعه فى تايلند
2 - قطع الغيار بانسبه لليبانى مش محتاج كلام طبعا غالى
3- اعاده البيع بالنسبه للسيتى ضعيف مقارنه بالسيراتو
بالرغم من انى نويت احجز كيا
(وجه نظر)
النتيجه النهائيه لاختبار السيتي والكروز والسيراتو
1Matt votes; Cerato, Cruze, City
2Paul votes; Cruze, Cerato, City
3Nadine votes; Cruze, Cerato, City
4David votes; Cerato, Cruze, City
-------------------------------------------------------------------
يعني السيراتو والكروز اثبتو كفائتهم عن السيتي
ناخد براي المتخصصين الخواجات ولا ايه؟؟؟
الاخوة الاعضاء تقريبا قالوا اللى انا كنت هاقوله لأنى فكرت فى الاثنين و لقيت السيراتو بالنسبه لأحتياجاتى و ميزانيتى تكسب للأسباب التاليه
1- انا مش بجرى و عندى اسره فمحتاج عربيه و هى مليانه متكحش معايا و يكون فيها اعلى درجات الامان و ده لقيته فى السيراتو الخليجى (كويتى) بأن فيها 10 ايرباج
2- عايز العربيه تشد معايا و تدينى احساس المانوال علشان سعات الواحد بيشغل Prodigy و بيسخن عليها (فى حدود المعقول)
3- عايز عربيه اوسع ما يمكن و ده لقيته فى السيراتو عن السيتى
4- عايز اعلى اوبشنز ممكنه و برضه لقيته فى السيراتو الخليجى 10 سى دى و وصله iPod علشان انا عندى CDs كتير و معايا iPhone
5- عايز لما ابيع العربيه كمان 5 سنين لما اخلص القسط تجيب سعر معقول و ماغلبش فى بيعها و ده طبعا فى السيراتو
6- قطع الغيار مش فارقه معايا علشان انا ناوى أأمن على العربيه
و بالتالى لقيت السيراتو الخليجى و بالتحديد اللى عند ناشيونا موتورز هى انسب شئ لى طبقا لمعادله انا عملتها فأنصحك انك تكتب اولوياتك فى ورقه و تجمع مواصفات العربيتين و اديلهم نقط و اللى النقط بتاعتها اعلى جيبها ... انا عملت كده و ناويت على السيراتو ان شاء الله و ربنا يوفقك
والله النيسان تييدا احسن و عن تجربه و بعديها السيتي لأن الكيا سارقه مقدمه سيتي !!!