الموضوع: لمستخدمى القاهره - الاسكندريه الزراعى , احترس من الرادار الليلى !!

قدر الله وماشاء فعل

المشاركة الأصلية كتبت بواسطة mada121977

ازيك يا احمد بيك
انت قصدك على الفلاش اللى عند قياده مرور الطريق الزراعى اللى قبل شبرا .. اللى بعده نقطه شرطه عسكريه .صح؟
احب ابشرك (بما ان اخوك من مرتادى الطريق الزراعى اللى بقعد عليه اكتر مابقعد فى بيتنا ) ان الفلاش فشنك ماتقلقش :)

الله يسلمك يا باشا , ايوه هو ده بعينه وحتى عنده قراطيس واضواء تحذيريه زى بتاعت اعمال الطريق كدا تقريبا تبع الشرطه العسكريه فعلا

طيب هو طالما فشنك مشغلينه ارهاب ولا ايه ؟ , دا انا صورتى هتطلع تحفه من هول الصدمه

ربنا يطمنك والله

المشاركة الأصلية كتبت بواسطة BASKOTA

فداك يا أحمد
ده كأس وداير
هههههههههههههههههههه
ان شاء الله بسيطة ومعتقدش ان الفلاش ده هزار
الفلاش ما بيهزرش

مهو الحمد لله شربت منه سابقا ظلم برده :) , وقعدت اقول للظابط فين طيب اليافطه اللى ممنوع الانتظار اللى هاخد عليها مخالفه بص حواليه وقالى هو ممنوع وخلاص

والفلاش اهه طلع بيهزر , تقريبا دى دراسه بتعملها الشرطه لجمع عده صور لمستخدمى الطريق فى اوقات مختلفه لدراسه حالتهم النفسيه بعد معاناه استخدام الطريق الملعون ده ويظهر انى اتاخدت كعينه

المشاركة الأصلية كتبت بواسطة y2y1500

تعيش وتاخد غيرها يا كبيييييييييييييييير
كل سنة وانت طيب
تقفيلة شهر مارس ودخلة شم النسيم والذى منه

اااه عيد يعنى :) , طيب يا سيدى وماله خلى الاولاد تتبسط واهو الشعب فى خدمه الشرطه واولاد رجال الشرطه برده

المشاركة الأصلية كتبت بواسطة NFS

ابقى تعالى جربه فى مره والله يا مصطفى , ولا تقولى موست وانتد ولا غيره ده ادرينالين طبيعى يا ابنى , تقريبا ده الطريق الوحيد اللى فى مصر اللى عادى فيه تشوف عربيه نقل بتشد مع ملاكى وبتقلب نور للناس علشان تعدى

المشاركة الأصلية كتبت بواسطة pro_samir

انت اتحسدت ولا اية ، بطل تحكي كتير عن موضوع تجنب المخالفات دة ;)

انا اتخضيت من كلامك الصراحة لأن انا كل يوم علي الزراعي خصوصا بالليل بس طالما في شبرا يبقي لسة الدنيا أمان

اصل كنت عامل فيها مواطن شريف , بس يظهر ان عاجلا او اجلا لازم الحكومه تصبح على بأى حاجه

بس متقلقش اهو طلع فشنك

المشاركة الأصلية كتبت بواسطة zakiali

في المخالفات يهبروا أما في المرتبات يحفٌوا ليه المخالفة متكنش علي قد دخل المواطن يعني ايه مخالفه ب 300 جنيه والمواطن متوسط دخلة 1000 جنيه مثلا ده لو فوق المتوسط وراكب عربية 128 وعنده اسره صغيره حاجه غريبه بجد يعني يدفع المخالفة وبقيت الشهر يجوع

والله هو قيمه المخالفه نفسها مش مشكله , بس الكلام ده لما يتوفر لى الجو انى فعلا معملش المخالفه

انا شخصيا مبحبش الجرى وسواقتى هاديه جدا , بس علشان ابقى ماشى براحه والاقى العربيات النقل بتعدى من يمينى وشمالى والناس كلها راكبه عندى على الشنطه يبقى انا بنتحر فلازم غصب عنى اجرى علشان ابقى بعيد عن بطش الناس اللى بتحاول تعدى منك بالعافيه

لو الناس تتقبل بس ان فى حد بيبقى عايز يمشى فى نص الطريق على حد السرعه هيبقى الحياه كلها تمام لكن للأسف الحركه دى بتستفزهم شويه

المشاركة الأصلية كتبت بواسطة waelfarid

قدر الله وماشاء فعل

الحمد لله على كل حال

منغير ماتحلف الطريق ده سمعته سبقاه, انا مشيت عليه مره واحده و كانت الصبح, و حلفت منا ماشى عليه تانى, كملت لاسكندريه ورجعت صحراوى.

العربيات النقل اللى يظهر عندها خلاف مع المقطوره لأن مشهد ان العربيه تبقى فى الشمال والمقطوره فى النص وبتحاول تسيب العربيه ده شوفته كتير جدا امبارح

انت لخصت فى سطر كلام كتيير و احاسسيس كتييير, بتيجى للواحد من هول الصدمه لما بيشوف المشهد ده.

و حمد لله على السلامه.

الطريق ده باسوق عليه مرتين أو ثلاثة أسبوعياً و للأسف بقيت عامل زي سواقين الميكروباص من كتر السفر عليه، أمشي بسرعة و أتجاوز من اليمين و ماحدش يكسر عليا إلخ إلخ...
و من كثر تقمصي لشخصية سائقي الأجرة بافكر أحول العربية غاز، و صاحبي ركب معايا آخر مرة قال لي متوقع ألاقيك بعد كده راكن العربية على جنب و مشمر البنطلون و بتغسل العربية بجردل
و أكتر جزء بيعجبني في الطريق مطلع كوبري قها للاتجاه القادم من بنها

المشاركة الأصلية كتبت بواسطة د.محمود صلاح

لأي سفرية دلوقتي اعلم تماما انك هتتلدع رادار

+11111111111111111111
ربنا يستر

المشاركة الأصلية كتبت بواسطة abo_hosni

الطريق ده باسوق عليه مرتين أو ثلاثة أسبوعياً و للأسف بقيت عامل زي سواقين الميكروباص من كتر السفر عليه، أمشي بسرعة و أتجاوز من اليمين و ماحدش يكسر عليا إلخ إلخ...
و من كثر تقمصي لشخصية سائقي الأجرة بافكر أحول العربية غاز، و صاحبي ركب معايا آخر مرة قال لي متوقع ألاقيك بعد كده راكن العربية على جنب و مشمر البنطلون و بتغسل العربية بجردل
و أكتر جزء بيعجبني في الطريق مطلع كوبري قها للاتجاه القادم من بنها

سبحان الله .. أنا أصبت بنفس المرض الي عند حضرتك ، بس في طريقي للشفاء منه

الطريق ده بجد سره باتع .. بتلاقي نفسك بتتحول تلقائياً لسائق ميكروباص من غير ما تحس

بس بالنسبة لنا في المنصورة .. مفيش قدامنا غيره ، فلازم نستحمل