صوت تزييق من المساعد الشمال الخلفي

**sasa_eng** · 03-04-2010 09:42 PM

السلام عليكم ورحمة الله وبركاته

أنا عندي مشكلة صغيرة

أنا شاري العربية من شهرين ونصف
العربية عاملة 94 ألف كيلو 99 كوري

وللأسف البلد متكسرة جداً نظراً لتركيب الغاز

المهم من إسبوعيين بدأت أسمع صوت تزييق من المساعد الشمال الخلفي
عندما يرجع مكانه
في حين المساعد اليميين الخلفي كويس

فما الحل يا رجال

ولو حد يعرف عفشجي كويس في بورسعيد أو بورفؤاد يقولي
وإن كانت خبرتي في تصليح الريجاتا بتقول إن معظم الميكانيكية في بورسعيد بيشتغلو في العفشة "مفيش حد متخصص"

جزاكم الله كل خير

**samirayad** · 03-04-2010 09:54 PM

فما الحل يا رجال

الحل هو تغيير المساعدين الأثنين الخلفين

لأنها عناصر تحميل مساعده لبعضها ومرتبطه ببعض أيضا

وأكيد بتاع الجنب اليمين قرب خلاص يودع هو كمان

فطالما حتعمل شغل عفشه

يبقى الأثنين بالمره

ولو حد يعرف عفشجي كويس في بورسعيد أو بورفؤاد يقولي

من خلال أقامتى السابقه ببور فؤاد

فيه راجل بتاع قطع غيار ( فى منطقة الحزب )

أسمه أبو رامى .............

بيجيب صنايعيه كويسين عنده

وممكن تروح فى الحرفييين ببورفؤاد أو بور سعيد وتسأل على عفشجى كويس

وإن كانت خبرتي في تصليح الريجاتا بتقول إن معظم الميكانيكية في بورسعيد بيشتغلو في العفشة "مفيش حد متخصص"

نعم صدقت

فهذا مالاحظته سابقا مع سيارتى الأوبل الأولى

وعلى فكره

شغل العفشه مش محتاج تخصصيه أوى

يحتاج فقط للصنايعى الشاطر
اللى عارف مدى خطورة العفشه كمكونات

وده تلاقيه ( الصنايعى ) بالسؤال الجيد عن كفاءته فى تنفيذ أعمال خاصه بالعفشه مع ناس قبل كده

**sasa_eng** · 04-04-2010 02:14 AM

جزاكم الله كل خير يا بشمهندس سمير

بالمناسبة أول مرة أعرف إن حضرتك كنت مقيم في بورفؤاد

سؤال تاني لو سمحت

هل في مشكلة لو إتأخرت في التصليح

نظراً للحالة الإقتصادية

ولكم جزيل الشكر

**samirayad** · 04-04-2010 02:28 AM

بالمناسبة أول مرة أعرف إن حضرتك كنت مقيم في بورفؤاد

12 سنه فى بورفؤاد

3 سنوات فى الرسوه ببور سعيد

5 سنوات حاليا بالأسماعيليه

ومن مواليد الغربيه
وطول عمرى عايش سواح ( على رأى حلم )

هل في مشكلة لو إتأخرت في التصليح

نظراً للحالة الإقتصادية

عادى ياأخى

وأنا تحت أمرك فى أى شىء

فنحن أخوتك

**sasa_eng** · 04-04-2010 03:34 AM

المشاركة الأصلية كتبت بواسطة samirayad

عادى ياأخى

وأنا تحت أمرك فى أى شىء

فنحن أخوتك

الله يكرمك يا بشمهندس

بس عادي دية يعني مش ها تعمل مشكلة
يعني لا تأثير على الكاوتش مثلاً

**samirayad** · 04-04-2010 07:34 AM

لا الكاوتش مش حيتأثر ولا حاجه من مساعد بيزيق

بس طبعا

حاول تغيرهم على طول فى أقرب وقت
حينما تسمح الظروف

فتعايش حاليا مع الوضع

وموت السرعه بقدر الأمكان فى الأماكن المكسره

بصفه مؤقته حاليا
لكى لايتم أجهاد المساعدين برضه