ايه الحل مع سيارات النقل المحملله بالرمل؟؟؟

**amir** · 04-04-2010 03:02 PM

طيب نقول ان موضوع الرمل ده بسيط
اخره خربشه للعربيه و بوظان لرادياتير و دهان و فوانيس؟
طب الطوب و الزلط و ربنا ما يوريكم ابدا
طلقات رصاص موجهه و غايه في الخطوره
و الادهي و الالعن
مسافر اسكندريه من فتره
و طالع الطريق علي 6 الصبح كده
ماشي محترم علي 100 و ماسك شمال
الطريق فاضي و كله تمام
الاقي مره واحده باشا نقل بمقطوره بقي ولا بعربيه كارو مش فارقه
الاقي البيه لازق في الاكصدام بتاعي و ناوي يكمل!!!!!!!!!
و الله العظيم اول مره اشوف عربيه نقل في المرايه بالشكل ده لازق فيا
عربيتي اوتوماتك
جيت اهدي علشان اوسعله من الشمال و امسك انا الملاكي اليمين
مش مديني فرصه و بيزود سرعته
قمت كابس بنزين
العربيه نطت جابت 120
و رميت يمين
الباشا طالع مني برضو !!!!!!!!!!
طبعا مش عايز اقعد احكي منظري كان عامل ازاي
يا جدعان ده مش بي ام ولا مرسيدس
ده عربيه نقل كبييييييييره
يارب رحمتك بالبلد

**د.محمود صلاح** · 05-04-2010 08:27 AM

المفروض في قوانين المرور في اي بلد محترمة الزام النقل بتفطية الحمولة بالذات لو فيها رمل وزلط

**Abdm** · 07-04-2010 11:36 AM

المشاركة الأصلية كتبت بواسطة age

هو موضوع الغاء المقطوره وقف ولا ايه معدش في كلام عنه

هو أية أخر حاجة فى موضوع مواعيد سير النقل
هو مش كان من 8 باليل لغاية 6 الصبح حصل أية والدنيا اتغيرت من فترة وبقوا يمشوا بالنهار معانا

**amir** · 07-04-2010 01:51 PM

المشاركة الأصلية كتبت بواسطة abdm

هو أية أخر حاجة فى موضوع مواعيد سير النقل
هو مش كان من 8 باليل لغاية 6 الصبح حصل أية والدنيا اتغيرت من فترة وبقوا يمشوا بالنهار معانا

زي نفس الاسلوب في التعامل مع اي شيء
تركيز اعلامي و حشد للرأي العام بطريقه مستفزه
تحويل الموضوع لموضوع جدلي
و بعد كده الناس لوحدها بتزهق من المتابعه كونه بقي موضوع ممل و تداول من جمبع النقط او التغطيه بموضوع اخر

**Eng_Mostafa_89** · 07-04-2010 08:06 PM

المشاركة الأصلية كتبت بواسطة goldenfish7

عندك حق..اقولك على موقف يضحك

مرة كان فيه كمين

وانا بصراحة على قد ما قدر بحاول اكون ملتزم الى ابعد درجه عشان ماتعرضش لموقف من واحد غلس من اياهم

المهم الظابط بص على العربية من بره ومالقاش حاجه مخالفه من الحاجات الكبيره زى الفامية وكده

وبعدين قالى اركن

قولت خيييييييير

ركنت. قالى الرخص

خير يا باشا

قالى البيه:الدبدوب اللى انت حطه على الزجاج ده ممنوع :pointiy2[2]:

قولتله: اشيل الدبدوب ياباشا

الدبدوب ده يا جماعه عباره عن حته بتاعه كده اساسا كانت ميداليه مفاتيح..تخيلوا تكون ديه حجمها ايه.

تقريبا ابوه قاله علمني الهيافه يابا ,فقاله روح للدبدوب واتصدر

انما حاجه زى موضوعنا ده ولا ليه دعوه بيها

طيب ودة اخد فلوس ولا عمل اية
ولا ادالك مخلفة على الدبدوب
دة لو وقع معايا كنت ظبطة

**Amr Axel** · 07-04-2010 08:23 PM

ههههههههه مرور هههههههههههههه كان بقي فعل ماضي

و مفيش للعربيات النقل غير 3 حلول
الاول تمشي بعيد عنهم خالص لحد ما يغور
و الحل التاني تخاطر و تعدي من جنبه بسرعة
اما التالت و ده مستحيل يحصل ان الحكومة تمنع العربيات النقل الغير معزولة صح بمعني مش متقفلة كويس من ورا عشان يصلحوها
و يخلو مستوي الرمل والدبش ميكونش عالي اوي بالاضافة انها يتحط عليها من فوق صاج تقيلة تتربط بالعربية عشان مفيش حاجة توقع او تتغطي كويس المهم مفيش حاجة تطير منها
بس انسي لسببين اولا المرور عمره ما هينفذها و التااني وحتي لو المرور نفذها الناس مش هتنفذها الا لو اتقرصوا و عشان يتقرصوا لازم المرور يشد هههههههههههههههه بقولك ايه انسي الموضوع احسن و استعين بحل من اول اتنين لأننا هنبقي في دايرة مغلقة في الحل التالت

-

-

-

الموضوع: ايه الحل مع سيارات النقل المحملله بالرمل؟؟؟

LinkBack

أدوات الموضوع

عرض

-

-

المواضيع المتشابهه

كومبريسور الهواء فى سيارات النقل

أخيراً : سيارات النقل من 12 ليلا حتى 6 صباحا

ما هوا الحل في سيارات الحوادث؟؟؟

مقارنة بين سيارات الربع النقل في مصر اسعر وموصفات؟

إقرار قانون التأمين الإجباري علي حوادث سيارات النقل السريع

الكلمات الدلالية لهذا الموضوع

المفضلات

المفضلات

ضوابط المشاركة