انا احتمال كبير اشترى الاسبوع القادم شيفروليه لانوس 2010
فكنت عايز اعرف ايه هى المميزات والعيواب المنتشره للعربيه
وهل افيو احسن من لانوس؟
عرض للطباعة
انا احتمال كبير اشترى الاسبوع القادم شيفروليه لانوس 2010
فكنت عايز اعرف ايه هى المميزات والعيواب المنتشره للعربيه
وهل افيو احسن من لانوس؟
قسم الشيفورليه افيو فيه مشاكل كتيير للعربية ديه
خليك فى الانوس احسن عربية محترمة من كله
دي تقريبا مشاركة من المشاركات الحديثة فى قسم الشيفورليه اللى بيشتيكوا فيها من الافيو
http://www.nilemotors.net/Nile/138566-a.html
بجد حاجة مش كويسه لما عربية عامله 900 كيلو(تسعمائة كيلو فقط لاغير)
وتكون فيها عيوب كده
والله يا اخي انا حدود معلوماتي ودي من معارفي عندهم افيو اشتكوا منها كتير وخصوصاً من الفرامل ومكوناتها وفي الأخر باعوها وخسرو فيها
علي الإجمال الأفيو موش حلوه وبعدين لو انت معاك فلوس الأفيو انصحك بالأنيو اكسنت
والإ وفر شوية وخليك في اللانوس عربية محفوظة وزي الفل
انا لسه شاريها منذ اربعة اشهر
بس لو كان معايا فلوس ازيد كنت اكيد هادخل في حاجة اعلي زي الانيو اكسنت او النيسان صني
سيبك من الافيو دي خالص مع ان شكلها حلو اوي بس كلها مشاكل و وجع قلب و خش قسم الشيفروليه و بص بصه برضه و زي ما قال الاستاذ wahm لو معاك فلوس الافيو جيب النيو اكسنت او وفر و جيب اللانوس او الفيرنا و برضه بص بصه علي اللوجان و الساجا
انا هقول حاجه غريبه بلاش لانوس هتقولى ليه هقولك علشان كلها من سنه 99 لحد انهاردا واحد ودا عيب جوهرى عربيه حاسس انها اصبحت 128 فيات .... العربيه كعربيه ممتازه بجد بس شكلها عادى ومنتشره جدااااااااااااااااااااااا ااااااا وموديل 2010 ذى موديل 2001 شكلهم واحد
من وجهه نظرى دا العيب الوحيد ال فيها
كلامك صح طبعا , بس لو فكرت في الموضوع من وجهه نظر تانيه او عكسيه هتلاقي ان بسبب انتشار العربيه بالطريقه دي قطع غيارها اصبحت متوفره جدا و تقريبا اكتر من اي عربيه تانيه
وده بالإضافه الى ان العربيه من سنه 99 شغاله زي الفل وملهاش اي مشاكل خطيره زي كتير من العربيات صاحبه العلامات التجاريه المشهوره جدا من سنين
وبعدين الفيات 128 من السبعينات وهي ماشيه في شوارعنا واثبتت قدرتها على الاستمرار , ولكن طبعا مع تقدم الوقت بيظهر الاحدث والاعلى تقنياً وده اللي بيخلي العربيه دي بتفقد مكاناتها تدريجياً بالنسبه لبعض الناس , لكن بشكل عام تقريبا مفيش حد فينا معداش على الفيات 128 سواء بالتملك او حتى التجربه
شكرا والله يا جماعه
والله افدتونى بقدر كبير
وان شاء الله ابقى من اعضاء شيفروليه لانوس
مبروك مقدما علي العربية بس انا سمعت من التجار الكبار ان في شهر مايو كتير من موديلات السيارات سيتم تعديل الشكل فيهم وهاينزلوا موديل 2011 يعني تستلم العربية مايو 2010 و تتسجل علي انها موديل 2011 ومن العربيات دي
1-هيونداي فيرنا
2- شيفروليت افيو
3-هيونداي النترا
والتعديل هايكون من برة ومن جوة(صالون العربية)
دخلت علي النت وشفت فعلا الاشكال الجديدة ( للاحسن طبعا)
فنصيحة تأني وبلاش تستعجل& اسأل اكتر علشان ما تزعلش لما يتغير شكل عربيتك,,,علي فكرة مش كل التجار هيقولولك الكلام دة علشان ما يوقفوس سوق ال old shape اللي عندهم