السلام عليكم انا عندى لانوس 2 موديل 2007 من فترة لمبة check نورت و رحت لتوكيل و صلحوها وبعد كدا 15 يوم رجعت لمبة check نورت تانى وفى الفترة دى صوت العربية عالى و لمبة الزيت تمام و الحرارة تمام
عرض للطباعة
السلام عليكم انا عندى لانوس 2 موديل 2007 من فترة لمبة check نورت و رحت لتوكيل و صلحوها وبعد كدا 15 يوم رجعت لمبة check نورت تانى وفى الفترة دى صوت العربية عالى و لمبة الزيت تمام و الحرارة تمام
لمبة ال check مش هي اللي بتبوظ عشان يصلحوها
اللمبة دى لما بتنور معناها وجود خلل معين
ولما بيتصلح العطل بتنطفى اللمبه
المفروض كنت تعرف ايه اللي تم وكانت منورة بسببه عشان تعرف دلوقتى هل منورة بسبب نفس العيب ولا لا
الحل انك تسيبك من التوكيل لو العربيه بره الضمان وتروح لحد عنده اسكانر يعملك اسكان عشان يحددلك الخلل
الف شكر يا جماعة لسرعة الرد وجزاكم الله خير انا لما وديت العربية فى الاول لتوكيل و سألت على اللى بايظ فيها محدش فهمنى حاجة و هاخد ان شاء الله العربية و روح لحد عنده سكانر وربنا يسهل و بالنسبة لحساس الحرارة معرفش لما وديتها التوكيل هم اشتغلوا فى المنطقة دى و لا على هشوف الفيشة وقولك
انا عندي نفس المشكلة لحد دلوقتي بس عربيتي لسة في الضمان واخر مرة في التوكيل قالولي لازم نغير حساس الماب وانا مستني لحد لما يجي ويغيروه
حساس الماب تأثيره المباشر على سحب السياره
فلو السحب عندك مش كويس
يبقى ماب فعلا
وقد يتصاحب عدم وجود سحب جيد بصدور أصوات غير مرغوبه فعلا
وبالتالى لو الأخ / صاحب الموضوع
كان عنده السحب مش كويس بالأضافه الى صدور أصوات غير مرغوبه
فمن الممكن أن يكون العيب عنده فى الماب
أو خرطوم الماب نفسه مفصول من عند البوابه
وبالتالى اللمبه حتنور مع فقد لأشارة الماب
يعنى ممكن يكون الحساس نفسه سليم
بس العيب أن الخرطوم بتاع الفاكيوم مش واصله من البوابه
يااااااااااااه ..
فكرتوني بالذي مضى لما كانت لمبة التشيك دي رفيقة دربي ومنورة علطول زيها زي لمبة الحزام مثلا !
لما غيرت الضفيرة كله رجع زي الفل وابتدأت أستمتع بالعربية فعلا
طب الحمد لله و عقبالي لما استمتع بالعربيهاقتباس:
وابتدأت أستمتع بالعربية فعلا
ليه يا باشا مالها عربيتك ؟
أنا كل اللي غيرته عندي ضفيرة ورادياتير وماستر دبرياج وفردتين كاوتش وفانوس ورا وقدام و3 علامات دايو وتيل فرامل وغطا قربة وعشرات اللترات من المياه الخضراء و70 % من خراطيم دورة التبريد الكاوتش والكوعة الألومينيوم اللي جنب وش السلندر وحساس تي بي إس وقواعد موتور وطبات موتور ومارش ورشاشات وبوجيهات وكابلات بوجيهات وفردة كلاكس وإنذار ... بس .. والعربية بقت زي الفل !
بس انا يا بشمهندس سمير كان ومازال عندي نفس المشكلة لمبة الماتور بتنور وسحب العربية تقريبا صفر وبعد 3 ثواني تبقي العربية زي الفل روحت التوكيل حطوها علي الاسكانر وقالوا حساس الماب بايظ ولازم يتغير واستنيت شهر لحد ما الموافقة جت بس كان في شرط اساس في الموافقة علشان يغيروا الحساس والشرط هو " اني اعمل صيانة ال 40000 الاول " وطبعا كان ردي وحش جدااااااااااااااااااااااا ا علشان انا تقريبا بعمل في اليوم الواحد من 20000 او 25000 كم في اليوم والعربية عمله لحد دلوقتي 32750 كم .
فانا مستني رد التوكيل الله يخرب بيتهم لحد دلوقتي علشان مشكلة الحساس .
هو حضرتك بتروح حلايب وشلاتيناقتباس:
علشان انا تقريبا بعمل في اليوم الواحد من 20000 او 25000 كم في اليوم
صد رد يوميا ..................؟
متهيألى ...بل أنا متأكد أن فيه صفر زائد فى كل رقم من دول
وهذا هو الدليل على تأكدى
اقتباس:
والعربية عمله لحد دلوقتي 32750 كم .
طيب ماتحل خرطوم الحساس من الجانبين وأنفخ فيه هواء بأى شكل لتسليكه وروقه كويس جدااقتباس:
بس انا يا بشمهندس سمير كان ومازال عندي نفس المشكلة لمبة الماتور بتنور وسحب العربية تقريبا صفر وبعد 3 ثواني تبقي العربية زي الفل
وثبنه مكانه تانى كويس
وجرب
وبرضه
حل فيشته الكهربائيه ونظفها كويس بمنظف ألكترونيات
سواء الفيشه نفسها أو بيتها على الحساس
وركبها تانى كويس
وجرب
قبل موضوع تغيير الحساس نفسه
لعل يكون هذا هو السبب
ومتغيرش حساس ولا غيره