-
وداعا لصوت الكستبانات
امبارح كنت بعمل حمله صيانه روحت للميكانيكي بتاعي كنت عاوز اغير جوان التاكيهات الموتور اللي عندي 2000 ايكوتيك سألت علي الجوان قالي خلصان روحت خليت الميكانيكي يفكه وعمله بسيليكون عضم وقبل مايعمله جبتله 4 لتر بنزين 90 غسل الجوان والغطاء ب2 لتر بنزين (بالكمبروسور) جاتلي فكره وانا عنده انا من ساعت ما جبت العربيه وانا عندي صوت التاكيهات بيبقي عالي الصبح لمده ربع ساعه ويروح روحت قولت للميكانيكي يغسلي الوش بال 2 لتر الباقيين غسلنا الوش من جوه (وش الموتور)عمودين الكامات وكله وغيرت زيت وفلتر علي طول من غير ما ادور العربيه وبعدين دورت الحمد لله صوت الموتور انعم من الفابريكا
الخلاصه :-للقضاء علي صوت الكستبانات :-
1- تفك وش التاكيهات
2- تغسل الوش من جوه ب 2 لتر بنزين مضغوط وتركز علي المنطقه اللي فيها الكستبات اللي صوتها عالي عندك وممكن تستعمل wd 40 وبعدين ترش البنزين
3- تسيب العربيه تنشف من البنزين لمده نص ساعه
4- تراجع علي الجوان بتاعك وتقفل
5-تصفي كل الزيت والفلتر اللي في الموتور وتحط زيت وفلتر جديد )انا كنت بستعمل موبيل وان وغيرته حطيت توتال كوارتز 3000 )
6- تتأكد من مستوي الزيت الصحيح
-
شكرا يااسلام باشا بس اسهل من كده انك قبل ماتغير الزيت تحط فلوش اويل وتسيبه 5 دقايق والموتور داير وبعدين تنزله وتغير زيت وفلتر هينظف كل حاجه في دوره الزيت بما فيها الاوساخ اللي جوه الكستبانات .
-
-
انا كان معايا الفلاش اويل وبعد ماعملت الحكايه دي مارضيتش ادور العربيه ابدا وخليت الفلاش للغيار الجاي
بس الطريقه دي مناسبه لما تكون الحاله مستعصيه وماينفعش معاها الفلاش وانا عملتها لما لقيت نفسي فاكك الوش وهغير زيت بالمره
-
انا فكتهم واحد و احد و غسلتهم تحت البيت
بس مأساه فى الفك و التركيب
خدت فيها يومين و فكيت الكستبان من بعضة و نضفته بفرشة تنضيف السلاح خليته جديد و بنزين 95 كمان
-
تمام ياطناني باشا بس انت عندك 8 كستبانات لكن انا عندي 16 كستبان يعني معايا اسبوع فك وتركيب
-
انا كنت هانتحر و انا بعلم كل واحد فين و عدلته ايه و البلابل مرقمها و معلم عمود التاكيهات و معلق سير الكاتينه و معلم مكانه و مأساه
-
يا طنانى
حرام عليك
ارحم نفسك
و ارحم العربية
و ارحمنا
كفاية نخفسة بقة مش كدة
سؤال و البنى جة على بالى
انت بالليل بتنام فى بيتك و لا بتاخد غطا و بتنام فى العربية
او سؤال تانى
انت فى الشتاء بتتغطى ببطانية و لا بعطاء العربية
فعلا حاسس ان كل عيشتك العربية بتاعتك
مش كدة الاعتدال يا اخ طنانى ............. الاعتدال لو سمحت
-
والله عسل
اللى حصل ان صوت العربية مره واحده قبل عربية نقل
رحت لميكانيكا و عملنا فلاش و عملنا قرود و مفيش فايده و قاللى عايزه طقم بالبلابل بتاعته
روحت البيت كان يوم خميس و استعنت على الشقا بالله و فكيت و غسلتهم و العربية ما شاء الله رجعت انعم من الزيرو متسمعش غير صوت الأيدل
عملية صعبة بس تستاهل الشقا غير ان لو اتزنقت الميكانيكى على الناصية يجى يتسلى معايا
لما رحت للميكانيكى قاللى ما شاء الله عملتها فين رديت فى التوكيل و لسعونى فى 1500 جنيه
قاللى هى زياده 300 جنيه بس بسيطه و الحمد لله
-
انا معتدل جداً بس محبش حد يستسهل و يشتغلنى فى حوار ما اتكلفش 15 جنيه و ياخد منى 1200 جنيه
دى الفكره كلها
Content Relevant URLs by
vBSEO 3.6.0 PL2