معايا 90الف وعايز اجيب bmw

السلام عليكم ورحمة الله وبركاته

معايا 85 الف وعايز اجيب بي ام 318i موديل 2000 او 2001 بس على حسب الاسعار اللي بشوفها في فرق كبير بتبدا من 100 وانت طالع وممكن توصل 145
معروض عليا واحده صاحبها طالب فيها 88000 موديل 2000 يا ترى السعر الطبيعي بتاعها هو 100 والا ممكن تنزل لتحت ال 90 مع العلم ان اغلب اللي عارضين عربياتهم للبيع مش عارفين يبيعو باكتر من 100 عشان باتصل باعلانات بقالها اكتر من شهر ولسه عربياتهم ما باعوهاش
ايه رايكم يا جماعه

انا من عشاق الموديل ده بس الهم من كل ده انك تخودها للتوكيل تكشف عليها هي مكلفة بس مش هيسيب سنتي الا لما يكشف عليه

اقتباس:

---

المشاركة الأصلية كتبت بواسطة moon47777

السلام عليكم ورحمة الله وبركاته

معايا 85 الف وعايز اجيب بي ام 318i موديل 2000 او 2001 بس على حسب الاسعار اللي بشوفها في فرق كبير بتبدا من 100 وانت طالع وممكن توصل 145
معروض عليا واحده صاحبها طالب فيها 88000 موديل 2000 يا ترى السعر الطبيعي بتاعها هو 100 والا ممكن تنزل لتحت ال 90 مع العلم ان اغلب اللي عارضين عربياتهم للبيع مش عارفين يبيعو باكتر من 100 عشان باتصل باعلانات بقالها اكتر من شهر ولسه عربياتهم ما باعوهاش
ايه رايكم يا جماعه

---

لأ هو السعر الطبيعى الخاص بالفئة ده بيكون من 100000 جنية فيما فوق لكن لن يتعدى ال 115000 جنية, ده حتى الأسعار بتاعت التجار فى السوق بنفس الشكل ده. العلم لله هو ممكن يكون بيبيع لظروف لكن نصيحة من أخ السيارة ده لازم تكشف عليها حلو قوى لأن اذا كان فيها شىء لا قدر الله هتصرف عليها بغباء لأن قطع غيار ال e46 نار جدا جدا جدا, كلام عن تجربة و خذه ثقة. بالنسبة انها ممكن تزل الى تحت ال 90000 جنية ده من المستحيل و حضرتك كلامك بيثبت كلامى ان حضرتك من شهر بتتصل و بتسأل و الأسعار زى ما هى بالأمانة هو ده السعر الطبيعى لل bmw لأن حضرتك ان شاء الله اما تركب السيارة وتسوقها هتعرف يعنى ايه يا bmw وهتعرف قيمتها, و حضرتك سيبك من الناس اللى بتفتى. حتى فى الحرفيين الأسعار من 100000 جنية فيما فوق. حضرتك ممكن تشترى e36 موديل 1997 بالمبلغ ده و هتكون ممتازة وأسعار قطع غيارها معقولة جدا جدا. يعنى نسبة الأسعار من e36 الى e46 بنسبة 1 : 3.
اكشف على العربية حلو قوى يا باشا اذا كنت ناوى. التوكيل تقريبا بيعمل الكشف العام ب 300 أو 400 جنية. وخسارة المبلغ ده أحسن من خسارة الأكثر منه اذا اشتريت بدون كشف جيد و اذا كان ميكانيكى يبقى لازم يكون ميكانيكى شغال فى ال bmw و يكون شغال فى الفئة ده وبيفهم فيها. بالتوفيق

اقتباس:

---

المشاركة الأصلية كتبت بواسطة thebuccaneer

لأ هو السعر الطبيعى الخاص بالفئة ده بيكون من 100000 جنية فيما فوق لكن لن يتعدى ال 115000 جنية, ده حتى الأسعار بتاعت التجار فى السوق بنفس الشكل ده. العلم لله هو ممكن يكون بيبيع لظروف لكن نصيحة من أخ السيارة ده لازم تكشف عليها حلو قوى لأن اذا كان فيها شىء لا قدر الله هتصرف عليها بغباء لأن قطع غيار ال e46 نار جدا جدا جدا, كلام عن تجربة و خذه ثقة. بالنسبة انها ممكن تزل الى تحت ال 90000 جنية ده من المستحيل و حضرتك كلامك بيثبت كلامى ان حضرتك من شهر بتتصل و بتسأل و الأسعار زى ما هى بالأمانة هو ده السعر الطبيعى لل bmw لأن حضرتك ان شاء الله اما تركب السيارة وتسوقها هتعرف يعنى ايه يا bmw وهتعرف قيمتها, و حضرتك سيبك من الناس اللى بتفتى. حتى فى الحرفيين الأسعار من 100000 جنية فيما فوق. حضرتك ممكن تشترى e36 موديل 1997 بالمبلغ ده و هتكون ممتازة وأسعار قطع غيارها معقولة جدا جدا. يعنى نسبة الأسعار من e36 الى e46 بنسبة 1 : 3.
اكشف على العربية حلو قوى يا باشا اذا كنت ناوى. التوكيل تقريبا بيعمل الكشف العام ب 300 أو 400 جنية. وخسارة المبلغ ده أحسن من خسارة الأكثر منه اذا اشتريت بدون كشف جيد و اذا كان ميكانيكى يبقى لازم يكون ميكانيكى شغال فى ال bmw و يكون شغال فى الفئة ده وبيفهم فيها. بالتوفيق

---

شكرا يا باشا على اهتمامك وردك
ثانيا هي العربيه دي اللي عاجباني جدا الموديل اللي قبلها ما بحبوش ......انا بحاول الاقي واحده منها تحت ال 95 الف
ثالثا شكرا على النصيحه بتاعت الكشف في التوكيل انا على فكره مهندس ميكانيكا سيارات وشغال في توكيل فورد يعني موضوع الكشف ده ان شاء الله امرو سهل بس الاقي حاجه في حدود السعر بتاعي ده وانا اروح اتفرج عليها

اقتباس:

---

المشاركة الأصلية كتبت بواسطة hobaz

انا من عشاق الموديل ده بس الهم من كل ده انك تخودها للتوكيل تكشف عليها هي مكلفة بس مش هيسيب سنتي الا لما يكشف عليه

---

شكرا يا باشا على النصيحه
وشكرا مره اخرى على مرورك الكريم

اقتباس:

---

المشاركة الأصلية كتبت بواسطة moon47777

شكرا يا باشا على اهتمامك وردك
ثانيا هي العربيه دي اللي عاجباني جدا الموديل اللي قبلها ما بحبوش ......انا بحاول الاقي واحده منها تحت ال 95 الف
ثالثا شكرا على النصيحه بتاعت الكشف في التوكيل انا على فكره مهندس ميكانيكا سيارات وشغال في توكيل فورد يعني موضوع الكشف ده ان شاء الله امرو سهل بس الاقي حاجه في حدود السعر بتاعي ده وانا اروح اتفرج عليها

---

لا شكر على واجب. وربنا يوفق فى الشراء. عالعموم انا مش قصدى شىء لكن بالمبلغ اللى مع حضرتك هيكون صعب شوية, لأن زى ما حضرتك اتصلت بالناس و زى ما شوفت الأسعار ما فوق ال 100000 جنية, و حضرتك دور فى كونتاكت كارز و كار كوم و ربنا يكرمك وتلاقى عربية نظيفة يا باشا. وعلى فكرة ال e36 من أحسن ال bmw اللى نزلت و موديلات ال 1996 الى 1998 ممتازة. حضرتك ممكن تلاقى e46 1999 بداية الشكل ده ب 85000 جنية الى 100000 جنية.