للإخوة اللي مصرين على إنه يوجد فرق بين الياباني و الكوري

**ahmedfd** · 15-01-2008 10:23 AM

http://www.jdpa.com/NeWs/ReLEaSeS/pr...asp?ID=2006082

اللينك ده من موقع J. D. Power إحدى مؤسسات McGraw Hill
و بيتكلم عن الجودة في صناعة السيارات من ناحية الإعتمادية و العيوب و الأعطال و أرجو إن الأخوة يلاحظوا إن تاريخ التقرير منتصف 2006 يعني حتى قبل هيونداي ما تطرح كل الموديلات الجديدة في برنامج 24/7 أي طرح 7 موديلات جديدة كلياً خلال 24 شهر.
ما علينا، زي ما حضراتكم شايفين إن هيونداي تأتي مع BMW و كرايسلر و Lexus و بورش و تويوتا ضمن السيارات الأقل أعطالاً و تأتي ضمن GMC و جاجوار و Lexux و نيسان و بورش ضمن السيارات ذات أقل مشاكل في التصميم.

بالنسبة للجودة بصورة عامة تأتي Lexus و بورش في الطليعة في قطاع السيارات الفخمة و تويوتا و هيونداي و هوندا في قطاع السيارات العادية (طبقاً للتقرير).
بصورة عامة الترتيب بورش في الصدارة تتبعها Lexus ثم هيونداي ثم تويوتا ثم جاجوار.

و تقول الدراسة أن هيونداي دخلت ضمن أعلى 3 ماركات للمرة الأولى في تاريخها خاصة مع طرح موديلات توسان و سوناتا و أزيرا و إلنترا و تيبورون.
و يوجد رسم بياني يوضح هذه المعلومات بالأرقام.
أرجو أن يتسع صدر الإخوة لهذه المعلومات و شكراً.

**grandh135** · 17-01-2008 06:27 PM

اكيد هيونداى تطورت كتير بدليل اقتحام سياراتها امريكا واوروبا معقل السيارات المحترمة..لكن هل كل الموديلات بنفس الجودة ..

**ahmedfd** · 18-01-2008 07:36 PM

كلام مظبوط بس ماتنساش إن كل شركة بتنزل موديلات معينة تناسب كل سوق يعني صعب نشوف الأزيرا في مصر زي ما صعب نشوف الكامري و بنفس المنطق صعب نشوف الماروتي في السويد أو أمريكا.
أما كون سيارات سيئة بالمطلق فأنا الحقيقة غير مقتنع بهذا الكلام... يعني ممكن في قرية مصرية صغيرة اللي يجيب توك توك يبقى حقق حلم حياته و تكون بالنسبة له و لإحتياجاته و الأهم إمكانياته أحسن وسيلة إنتقال في الدنيا بينما لو سألت مواطن في الخليج المفهوم مختلف تماماً... أنا شايف إن كون عربية حلوة و عربية وحشة بالمطلق كدة كلام غير سليم..
الفكرة إنت بتسوق أنهو عربية في أنهو سوق و لأنهو عميل...
أنمنى أسمع رأي حضرتك على هذا الكلام..
و شكراً على الرد

**tutankhamoun** · 18-01-2008 07:56 PM

هذا هو رأيي منذ زمن و كنت أختلف مع الأخوة الذين يرشحون سيارة لأحد الأعضاء لمجرد أنها ياباني بغض النظر عن السيارة نفسها خصوصا إن دولة مثل كوريا تقوم بإنتاج منتجات ذات جودة عالية و لا تقوم بالتقليد الأعمى مثل الصين
و أحترم بشدة من الكوري الهيونداي نظرا للجودة التي يقدمونها في سيارتهم و إهتمامهم بتقديم منتج ذات عمر ليس بالقصير و جاء هذا التقرير ليثبت صحة كلامي
و شكرا يا أستاذ أحمد على نقل هذا الخبر

**Chicco** · 18-01-2008 09:42 PM

كلام جميل بس إسمحولي اختلف معاكم :o.
لو السؤال هل هيونداي اثبتت نفسها كمنافس قوي و في طريقها لتصبح وسط الصفوة تبقى الاجابة بالتأكيد نعم..... لو السؤال هل الالانترا في مصر منافس قوي للانسر أو حتى كورولا .....ماشي
لكن السؤال هل فيه فرق بين الياباني و الكوري.... يبقى اه فيه فرق.... و واضح كمان و الموضوع ده اتقال فيه كلام كتير قبل كده و في الاخر ناس زعلت

**Ahmed Anwer** · 18-01-2008 10:28 PM

شكرا يا أ / أحمد ،،

علي الموضوع ،،

بس هوا لن يكون ذو تأثير ،،

بسبب كلمة قريتها في منتدي سيارات أمريكي ،، و كانوا بيتكلموا علي Jdpower تحديدا ،،،

( الجوائز لا تعني شئ ،، السمعة تعني كل شئ )

بس اتفق مع توت المبالغة فظيعة و غير منطقية في المنتدي في النقطة دي ،،

**3mr Farrag** · 18-01-2008 10:39 PM

انا معاكم في الكلام.........
يعني المقارنه تكون في نفس الفئه........
غير بصراحه هي برضوا راحه نفسيه.....يعني فيه اللي شايف ان الكوري بالنسبه ليه 100%
و مش فارقه اوي من الياباني.....و فيه اللي شايف العكس
و انا عن نفسي بحس ان الكوري عماتا ضعيف الاعتماديه من حيث الاستحمال....
و اكتر ماركه كوري.....و بجد بحترمها جداااااااااا و ماشوفتلهاش حاجه و حشه هي الكيا فقــــــــــــــــــط
و فيه حاجه يمكن ناس كتير مش واخده بالها منها .....ان ذي ما بتجلنا في جميع المنتجات ...درجه تانيه و تالته...
نفس الكلام بينطبق علي العربيات.......فيمكن تلاقي ناس كتير ممكن تشتكي من نوع و في نفس الوقت ناس بتلعن فيها

**tutankhamoun** · 19-01-2008 10:03 AM

المشاركة الأصلية كتبت بواسطة 3mr Farrag

و فيه حاجه يمكن ناس كتير مش واخده بالها منها .....ان ذي ما بتجلنا في جميع المنتجات ...درجه تانيه و تالته...
نفس الكلام بينطبق علي العربيات.......فيمكن تلاقي ناس كتير ممكن تشتكي من نوع و في نفس الوقت ناس بتلعن فيها

يا جماعة مفيش حاجة أسمها أحنا بيجيلنا درجة تانية و ناس أخرى بيرحلهم درجة أولى
الصيني صيني في كل مكان في العالم
و عن تجربة ....... و كوريا لما تصدر هيونداي في مصر هي هي نفس العربية اللي بتروح أمريكا مع أختلاف المواصفات و ليس الجودة
ياريت يا جماعة نفهم إن أحنا أخترعنا عقدة الاضطهاد و صدقناها و نرددها كل يوم
و شكرا

**Abdm** · 19-01-2008 12:53 PM

المشاركة الأصلية كتبت بواسطة tutankhamoun

يا جماعة مفيش حاجة أسمها أحنا بيجيلنا درجة تانية و ناس أخرى بيرحلهم درجة أولى
الصيني صيني في كل مكان في العالم
و عن تجربة ....... و كوريا لما تصدر هيونداي في مصر هي هي نفس العربية اللي بتروح أمريكا مع أختلاف المواصفات و ليس الجودة
ياريت يا جماعة نفهم إن أحنا أخترعنا عقدة الاضطهاد و صدقناها و نرددها كل يوم
و شكرا

أنا غير متفق مع هذة النقطة المتعلقة بالمنتج الصينى بالذات فالصين تنتج منتجات تختلف درجة جودتها حسب السوق الموجهة الية من حيث مدى الاقبال على السلع الرخيصة من عدمة وأيضا تعتمد الصين فى سياستها التصديرية على الحالة الاقتصادية للبلد المستورد وذلك عند توزيع منتجاتها من حيث الجودة من الدرجة الاولى الى الدرجة العشرين والدليل أنك تجد الصين تصدر الى أمريكا ودول أوروبا أعلى جودة وتغزو السوق الامريكى والاوروبى والى دول أخرى أقل جودة بكثير وذلك يرجع الى الحالة الاقتصادية للدول وفقر أو غنى هذة الشعوب ومدى الاقبال على المنتجات الرخيصة رديئة الجودة

**h_hezzah** · 19-01-2008 01:06 PM

بالنسبة للصينى: مش الصين هى اللى بتصدرلنا جودة اقل، انما المستوردين اللى عندنا هما اللى بيستوردوا البضاعة الصينى الرخيصة وبالتالى بتكون ذات جوده اقل.
الصينيين عندهم من كل منتج درجات جودة مختلفة وكله بتمنه.

اما عن جودة هيونداى فهى فعلا بقت من المالركات المحترمة سواء من جودة الخامات او الاعتمادية او حتى الأمان. بس علشان مانظلمش الماركة لازم نستبعد الهيونداى اللى بتتجمع فى مصر من المقارنة
يعنى عايز تحكم عليها يبقى تقارن الالانترا باللانسر والكورولا ، بس ماتقارنش الفرنا مثلا بالياريس لأنه اكيد فى الحالة دى الياريس تكسب

الموضوع: للإخوة اللي مصرين على إنه يوجد فرق بين الياباني و الكوري

LinkBack

أدوات الموضوع

عرض

-

-

-

-

المواضيع المتشابهه

مطلوب للأهمية: إعلان الكورولا الياباني اللي كان في الإهرام من كام اسبوع

اقوي مقارنه علي الاطلاق عمالقة الكوري ضد عمالقة الياباني

سؤال للإخوة اللي من بور سعيد

صني 2009 الطراز الياباني وليس الكوري

الي بيتحدو و يقولو لا يوجد فر قبين الياباني والافريقي هزه هيا الفروق من 1 الي 10

الكلمات الدلالية لهذا الموضوع

المفضلات

المفضلات

ضوابط المشاركة