بالفعل سؤال مهم لو عاد بنا الزمان للوراء هل ياترى كنا حانشترى أيضاً نيسان صنى أم سيختلف الإختيار سأبدأ بنفسى و رأى هذا ليس مفروضاً على أحد بل كل منا يعبر عن وجهة نظره و إختياره بمنتهى الصراحة والموضوعية
أنا كنت سأشترى نيسان صنى أيضاً لو عاد بى الزمان للوراء
موضوع مكرر ولكن سأقول لك انى كنت سأشتريها أيضاً لأنها سيارة قيمة
الهدف من طرح الموضوع فى الوقت الحالى أن النيسان الصنى أصبحت اليوم منتشرة بشكل كبير و بالفعل العربية غزت شوارع المحروسة و بالتالى زاد عدد ملاكها و بالتالى الإستطلاع سيكون ذات قيمة اليوم لزيادة ملاك الصنى و سيصبح هذا الموضوع مرجعاً لمن يفكر فى شراء الصنى هذه الأيام و الهدف فى النهاية تحقيق أقصى إستفادة ممكنة لأعضاء المنتدى بمختلف أقسامه
و أرجو من كل المشاركين فى الموضوع المشاركة فى الإستطلاع قبل أى مشاركة جديدة
لو عاد بى الزمان اكيد كنت هشترى الصنى او اى حاجه لنيسان لانها شركه محترمه و تتميز بالمصداقيه فى المعامله و الامانه عن طريق توكيلها و الاهم من ذلك طرح السيارات فى السوق المصرى بسعر معقول جدا بالمقارنه باسعار نفس الفئه لشركات استغلاليه . و نقطه فى غاية الاهميه و هى اهتمامها بالجوهر ... اقصد الثبات والامان فى المقام الاول ونجد ذلك فى اول فئه للنيسان وهى الصنى ال ex saloon اما باقى الشركات فنجد فرق سعر رهيب للعفشه الثابته و الوساده الهوائيه و لا نجدهم اصلا الا فى الفئات العاليه جدا......
سبحانك اللهم وبحمدك ، أشهد أن لا إله إلا أنت أستغفرك وأتوب إليك
نعم ..... كنت هشتريها تانى - و ده رأيى لحد دلوقتى عامل حوالى 5500كم فقط -
اوعدكم اقول رأي بصراحة بعد ما اجربها شوية هي كدة معايه بقلها 3 أيام ولحد دلوقتي شايف ان شرائها كان اختيار سليم والحمد لله
انا بحترم شركة نيسان جدا وهاشترى اى عربيه من منتجاتها على حسب الفلوس.
أن شاء الله حكرر الإختيار تانى لانى مشوفتش منها حاجه خلتنى أكرها
فى هذا الرنج من السعر نعم ساشترى صنى مره اخرى
بدون شك كنت هاشتريها تانى لانها سياره محترمه جدا
انا كان نفسي اجيب النيسان اقبل السبرانزا بس جبتها كاش والنيسان كنت ها اقسط بس لو كان معايا تمنها كاش كنت جبتها
ربنا يرزقها بها المرة الجاية إن شاء الله
الحمد لله علي نعمه اللا نهائيه
انا لو كان معايا الفرق ساعه الشرا كنت اشتريت السوبر صالون
و لو رجع الزمن بيا كنت جيبت اللي فيها abs
بس لو كان قلبي اجمد ساعتها كنت جبت الجين تو
و حاليا بفكر لو هغير في الجين و التيجو و التيريوس كعربيات اداء قوي /عاليه عن الارض
او كتفكير اقتصادي اي عربيه 1100 سي سي
لكن الصني للاسف ذات الشكل الجديد مش داخله دماغي كشكل
يمكن علشان عيني خدت علي الشكل الكلاسيكي القديم
ده الفانوس الخلفي بتاع 2005 كان جامد عن2007 (ما قبل الشكل الجديد)
و يمكن مش عاجبني علشان بيفكرني باللانسر بومه من قدام
و يمكن مش عاجبني علشان عربيتي بقت شكل قديم بسببه
بس الصني صني برضو و نفندها بالارقام علشان مننساش ان دي عربيات بنبيع و نشتري فيها مش العكس
1-قطع غيار رخيصه(جوه التوكيل او براه) و ارخص من نظرائها و اشرحلكو ازاي
ضيف تمن العربيه علي تمن قطعه الغيار و جرب و قارن كده؟!!
2- عربيه بدور و امشي او ادور و اسافر مش شايل هم حاجه
3- استهلاك بنزين حلو لموتور 1600 و اوتوماتك كمان (بس الناس في المنتدي واخده فكره وحشه كسماع عنها)
4-مراكز خدمه مختلفه و متعدده الافرع و معامله شيك و محترمين
5-اللي بيقول الكنبه ضيقه ده في حاله لو حد قاعد وراك و انت مرجع الكرسي للاخر غير كده عادي جدا جدا جدا و الكنبه بتاخد 3 اشخاص بالغين مستريح
فاضل ايه تاني؟
انشاء الله بس ها اجيب تيجواقتباس:
المشاركة الأصلية كتبت بواسطة mohamedhamam
ربنا يرزقك بما تتمناه إن شاء الله
طبعا
سيارة ممتازة أعطالها نادرة
ثباتها على الطريق محترم
إرتفاعها عن الأرض جيد
موتورها قوى وتسارعها ممتاز
خاماتها جيدة جدا
عمرها الإفتراضى طويل والدليل داتسون بتاع السبعينات
اه كنت هشتريها تانى
السلام عليكم
انا اصريت اكتب بالعربي علشان لا ازعل اي حد من الي زعلوا مني
انا اذا رجع بيا الزمن كنت بردة كنت هاشترى نيسان صنى بس يمكن كنت عملت upgrade to سوبر صالون
و الله اعلم
أحمد كمال
I spent 20 mnts writing the above arabic words,
Cheers
و الله انا كنت زيك تماماقتباس:
المشاركة الأصلية كتبت بواسطة ahmadkamal
لكن دلوقتي الحروف علي الكيبورد ممسوحه و مع ذلك حافظ اماكنها
و ان شاء الله الزعل يروح بس الفكره ان مشاركاتك مش كل الناس بتقدر تقراها
شكرا
ايوه كدة يا راجل خلي البساط احمدي وعلشان كمان تعود ايدك على العربياقتباس:
المشاركة الأصلية كتبت بواسطة ahmadkamal
شكرا جميعا
ارجو انكم تستحملوني و غلطاتي الاملاية و بطئي الشديد في الكتابة
شكرا مرة أخري
أحمد كمال
شكرا لاستجابتك يا استاذ احمد و انا حاسس بيك (اصلى لما الموبيل بيكون بالعربى بحس انى مش فاهم حاجه خالص) بس عموما خلينا بالعربى لتعم الفائدهاقتباس:
المشاركة الأصلية كتبت بواسطة ahmadkamal
معلش برده انا حاسس انك متاخد شويه لان الناس نزلت فيك لوم بس يا سيدى ولا يهمك المهم ان انت تفيد الناس برده و ربنا يجعله فى ميزان حسناتك
مقدميش حاجه احسن وفي نفس المعدل خاصه فيما هو غير السوبر صالون
لكن لو كنت هجيب ما هو في سعر السوبر صالون ممكن كنت افكر في حاجه تانيه
ما شاء الله عليها ثبات و أمان و منافسة فى السعر
ان شاء اللة نيسان
الصنى هذه الأيام غزت شوارع المحروسة و إنتشرت بشكل كبير و سعرها زاد 2000 جنيه من أول إبريل و بيقولوا حايزيد تانى أول مايو وكده يبقى فترة التخفيض خلال الفترة الماضية إنتهت و من المتوقع أن يزيد سعرها خلال الفترة القادمة لو إستمر الطلب عليها بنفس معدلات هذه الأيام