مشكلة الخوازيق اللى فى الطريق

**watzmann** · 05-04-2010 10:10 AM

اللى مش مقتنع ان فيه امل يروح ويشوف الجروب فيه كام واحد وناس اول مره اشوفها انضمو فى اقل من 12 ساعه من انشاء الجروب وكمان ناس ايجابيه ونفسها يبقا حال شوارعنا احسن من كدا

كل واحد لو دور فى ذاكرته عن موقف ايجابى سمع عنه او شافه فى الكام سنه اللى فاتو هيقتنع بانه لازم يشتكى ويتكلم لآن انشاء الله فيه حل , وابسط واسهل مثال اللى حصل فى دمياط

وزى مقلتلكم البلد بتدفع كتييير و الله فى الطرق وهيسمعو اقتراحتنا وهيعملوها

فى ناس محبطه بردو ممكن ترد دلوقتى وتقول الوضع مختلف حيث ان الخوازيق فعلا موجوده مش لسا هتتعمل هقولك صح الخوازيق موجوده بس انت لسا عايش وعربيتك لسا سليمه علشان خاطر النبى يا اخى بلاش تستنى لما يجرالك حاجه انت وعربيتك علشان بعد كدا تروح تتكلم وساعتها هتلاقى نفسك لوحدك علشان المتحمسين حضرتك احبطهوم

مستنيكو على الجروب يرجاله

**تامر.محمد** · 05-04-2010 10:34 AM

المشاركة الأصلية كتبت بواسطة watzmann

انا ليا تجربه شخصيه من اكتر سنتين

لاحظت ان فى الشارع اللى ساكن فيه و اللى هوا شارع كبير , كوم رمل على جنب الطريق و كل يوم عمال يكبر لأن طبعا الناس قررت تعمله مقلب

وبالصدفه بحكى لوحد صاحبى قالى اتصل بالرقم دا , و الحقيقه مش فاكر كويس كان مكتب ايه المهم كان مكتب شكاوى تابع للحى , المهم ردو عليا و قالولى احنا هنشيلها

مره يومين ولاحظت ان الرمله اتشالت , وبعدها فى نفس اليوم خبطت على الباب واحد شكله عادى جدا قالى من فضلك امضيلى ان شكوتك انتهت ومضيتله , ولقيته كدا عمال يرادينى قولت اديله فلوس , لقيته بيقولى " ممنوع يا باشا انا بس كنت بحاول اقنعك ان احنا فى خدمتكم "

و الله العظيم الكلام دا فى مصر و كنت صاحى وواعى

علشان بس انا عارف ان فى ناس محبطه اوى - ربنا يخليكم لينا يارب

طب ما نحاول نشوف القصة دي و نجرب

**ابو فرح** · 05-04-2010 12:32 PM

مفيش حل تحيا مصر وابقى قابلنى

**watzmann** · 05-04-2010 12:51 PM

طيب طالما مفيش حل , انت ايه رايك المفروض نعمل ايه ؟

نقفل على الموضوع ونسكت خالص , هيبقا دا رايك لو حد يهمك عربيته اتقلبت بسبب مطب ونقره ؟

هيبقا دا رايك لو انت اللى عربيتك لقدر الله جرالها حاجه بسبب مطب؟

شوف انا معاك ان المحبطات من حوالينا كتيير و مثال على ذلك رسالتك , لكن كل اللى ممكن اقولهولك اهى محاوله و زى مبيدفعو فلوس كتيير اوى علشان يعملو كبارى وطرق اكيد ممكن يصلحو الكلام الفاضى اللى قالب حياتنا
ولو المحاوله مجبتش نتيجه يبقا صدقنى ربنا انشاء الله هيسترها معانا و احنا ماشين اهو على الأقل احنا حاولنا نغير

شكرا

**hish172005** · 06-05-2010 02:06 AM

وياريت حد يكلمهم عن سياخ الحديد اللى بعرض الطريق وعن الكبيات اللى فى صلاح سالم ونفق الازهر....انشاء الله يابلد هيجيلك الولد..

**bishoy02010** · 06-05-2010 02:13 AM

ياريت بجد يكون فيه حل بس هيحلوا إيه ولا إيه ؟؟؟!!!

**sv065** · 09-05-2010 09:39 PM

والله ياباشمهندس من كتر كبر كل المواضيع بقت مش فارقة والناس عندها حالة لا مبالاة لأن مفيش حد يسمعك ولا يشوفك ولا حتي يكلمك

طب فين فلوسنا اللي بندفعها من دمنا وعرقنا للضرائب اللي المفروض بيقولوا انها بتتردلك في صورة خدمات .. أنهو خدمات دي؟؟.. ده بند الطرقات ده بند هايف جدا في بحور البنود اللي فلوسها الله أعلم بيها بتروح فيين

الله يرحمنا

**powerofhelll** · 10-05-2010 03:20 PM

دي شكليات احنا الي مش عارفين نتعايش معاها يعني لو كل يوم عملت حفره سبها زي ما هيا و كل واحد يحفر جنيك هنشيل الاسفلت و نريح دمغنا من الصداع ده هو ده الحل مش عايزين اسفلت في مصر