الموضوع: مشكلة الخوازيق اللى فى الطريق

لأمعلش انا مش معاك ان مفيش حل , فى حل وصدقنى محدش غلطان غيرنا علشان احنا ساكتين , واحد ساكت ومش بيشتكى خلاص محدش هيعملو حاجه

وزى مقلتلك انا قررت اكتب الموضوع دا لما لقيت الخزوق بتاع مطلع الدائرى اتصلح و اكيد دا معناه ان حد اتكلم


هديك مثال , طريق الدائرى من المريوطيه كان زى الزفت فى مواعيد الذروه , وفجاه سمعت فى راديو مصر ان ناس كتير عمالين يشتكو وبجد الناس اللى قايمين على الأذاعه قامو بمجهود و انا شخصيا كنت بقول زيك لكن اتحلت , وفجاه الطريق بقا ماشى و بقالى اسبوعين على كدا ,

يبقا نتكلم ونطلب على الأقل يبقا عملنا اللى علينا


ياريت لو ح عنده اقتراح يقولنا عليه , ازاى ممكن نحقق طلبنا دا

وبعدين على فكرا انا بستغرب جدا لما اسمع كل لما واحد يقترح حاجه التانى يرد عليه يقوله ," يعنى هيا البلد كلها مشاكلها اتحلت علشان نفكر فى دا "


والنبى كفايه احباط

عموما لأن واضح ان فى حملة احباط وانا شخصيا مقتنع بأن لازم نتكلم علشان يبقا فيه حل فانا هعمل اللى عليا و هكلم اذاعة راديو مصر فى برناممحهم الصباحى و هفضل اكلمهم حتى لو عشر مرات وبجد من المرات اللى انا سمعتهم فيها بلاقى الناس بتستجيب و بنسبه مش قليله بيبقا فيه حلول

نسبة نجاح المحاوله بتتوقف على عدد الأصوات المطالبه بالحل , بس طالما الناس مش فاضيه و انا مقدر ظروفكم فانا هتصل لوحدى

على الاقل هبقا حاولت وعملت اللى عليا

انا ليا تجربه شخصيه من اكتر سنتين

لاحظت ان فى الشارع اللى ساكن فيه و اللى هوا شارع كبير , كوم رمل على جنب الطريق و كل يوم عمال يكبر لأن طبعا الناس قررت تعمله مقلب

وبالصدفه بحكى لوحد صاحبى قالى اتصل بالرقم دا , و الحقيقه مش فاكر كويس كان مكتب ايه المهم كان مكتب شكاوى تابع للحى , المهم ردو عليا و قالولى احنا هنشيلها

مره يومين ولاحظت ان الرمله اتشالت , وبعدها فى نفس اليوم خبطت على الباب واحد شكله عادى جدا قالى من فضلك امضيلى ان شكوتك انتهت ومضيتله , ولقيته كدا عمال يرادينى قولت اديله فلوس , لقيته بيقولى " ممنوع يا باشا انا بس كنت بحاول اقنعك ان احنا فى خدمتكم "

و الله العظيم الكلام دا فى مصر و كنت صاحى وواعى


علشان بس انا عارف ان فى ناس محبطه اوى - ربنا يخليكم لينا يارب