الموضوع: عايزين يدفعونى مخالفة مش بتاعتى

هههههههههههههههههههه
حصلت معايا من 4سنين وانا برخص العربية النوبيرا بتاعتى وكنت جايبها زيرو ولقيت على النمر اللى انا معلقها مخالفة(6 بنود يودوا فى داهية) باسم واحد تانى كانت معاه النمر قبلى يعنى حتى من قبل ما اشترى العربية رحت واخد تقرير المخالفة وداخل لوكيل النيابة فكتب لى مكتب فنى رحت المكتب الفنى وبعد فحص ومحص كتبوا لى لم يستدل على سيارة اخرى لصاحب المخالفة و رجعت لوكيل نيابة المرور راح مأشر عليها 25 جنيه (من 250 جنيه) يا فندم المخالفة مش بتاعتى مش انا اللى عاملها يرد عليا الباشا ده اللى اقدر اعمله معاك او تعمل معارضة وتستنى لما يحددوا ميعاد ليها وهتكون فى خلال 3 شهور كده احسن ولا تعيش معانا فكان ردى لا ادفع وامرى لله ودفعت غصب عنى علشان ما يبقاش فيه ديل ارجع للمرور وقرفه تانى
حسبى الله ونعم الوكيل
............................*
محمود عينو

يا راجل يعني هي جت على ال٢٥ جنيه ...دحنا بندفع ميت ٢٥ جنيه و حنا بنرخص بدون اي وجه حق

المشاركة الأصلية كتبت بواسطة macdiv

يا راجل يعني هي جت على ال٢٥ جنيه ...دحنا بندفع ميت ٢٥ جنيه و حنا بنرخص بدون اي وجه حق :i_angr1[1]:

يا باشا ادفع جدعنة ماشى بقشيش ماشى
لكن ادفع مخالفة ما عملتهاش علشان الحكومة مش عارفة تجيب صاحب المخالفة وتدفعه يبقى لآ
حار ونار فى جتتهم قرش صاغ مش 25 جنيه
صح ولا انا غلطان
....................*
محمود عينو

المشاركة الأصلية كتبت بواسطة eino666

يا باشا ادفع جدعنة ماشى بقشيش ماشى
لكن ادفع مخالفة ما عملتهاش علشان الحكومة مش عارفة تجيب صاحب المخالفة وتدفعه يبقى لآ
حار ونار فى جتتهم قرش صاغ مش 25 جنيه
صح ولا انا غلطان
....................*
محمود عينو

بشكل نفسي او سيكولوجي كلامك صح ،انما بشكل منطقي مش صح لان في كلا الحالتين هيطلع فلوس من جيببك اين كان السبب ،،المهم في خساره و خلاص

الى اعرفه ان المفروض تشترى حاجه من هناك شهادة بيان صرف لوحات وبيشوفو اللوحات دى بأسم مين لو بأسمك انت بتدفع المخالفه اما لو بأسم حد تانى بتديهم ما يثبت ان انت مالك السياره قبل تاريخ المخالفه وده طبعاً عن الطريق العقد المسجل لو قبل تاريخ التسجيل بتسقط من على النمر وترجع على اسم صاحب السياره القديم لحد ما يرخص عربيه فى نفس الوحده فى خلال 3 سنين لو مرخصش فى خلال 3 السنين بتسقط المخالفه من عاليه هو كمان ده الى انا اعرفه عن موضوع مخالفات الغير وناس كتير معندهاش فكره عن الموضوع ده وتلخيصاً للوقت والإجراءت بتدفع منغير كلام