سواقه الستات(الحريم) هل كان لك تجربه معاهم !!!

**magdawy76** · 09-04-2010 07:28 PM

أنا بيتهيألى الستات بيعتقدوا ان المرايات فى العربيات عشان تظبيط الماكياج فقط.

**romeo_6887** · 10-04-2010 01:55 AM

ده رأيي و بحياديه تامه
الفئات اللي المفروض متسقش عربيات من اساسه :

1- سواقين الميكروباصات و التكسيات ( مش عايز ادعي علي حد )
2- الشباب الفرافير اللي بيسوقوا عربيه بابي او العربيه اللي جابهالهم بابي ( يا عيني )
3- اللي لسه بيتعلموا ( يروحوا يتعلموا صح الاول و بعدين يسوقوا و يقرفونا معاهم )
4- الجنس الناعم او الجنس اللطيف عموما ( بلاش كلمه حريم طالما بتضايق )

و ده رأيي الشخصي و بالنسبه لرقم 3 انا قصدي مفيش حد يسوق عربيه في وسط الناس و هو لسه جديد مش متمكن او اللي لسه مطلع رخصه جديد بكيلو برتقان و علبه سجاير كينت

**ahmed-moga** · 10-04-2010 02:47 AM

لسه الموضوع ده حصلي امبارح هانم شيك محترمه راكبه

باجيرو وماشيه ومديه أشاره شمال وهي كانت في الشمال

وأنا في اليمين الكلام ده كان بعد ميدان التحرير وكنت داخل

علي الكورنيش من تحت الكوبري بتاع 6 أكتوبر وفوجئت بالهانم انها بعد

ماكانت مديه شمال وطمنتني لقيتها راحت داخله يمين مره واحده وقفلت

عليه في زاويه قاتله وكل ده علشان تطلع الكوبري ومش

مشكله اللي جاي وراها في اليمين يولع بجاز لولا ستر ربنا رميت

اقصي اليمين وطلعت معاها الكوبري أجبار بس بعد مانشفت

دمها فضلت لمده 10 ثواني ايدي علي الكلاكس مسبتهوش

ورحت رامي عليها شمال وقارص وطالع قدام منها علشان

اوسع للي جاي ورا مني لأني قفلت عليه غصب عني طبعا وطبعا

عشان هيه ارتبكت من صوت الكلاكس بتاعي فهدت من

سرعتها جدا وده اداني ميزه اني اقدر اطلع من الموقف ده بسرعه

لأني عارف الفرق الشاسع اللي بين عربيتها وعربيتي وان لو

مكنتش خلتها هدت جدا كان زمانها شيلاني ومدخلاني في حديد

الكوبري ورمياني براه وأتضحلي في لحظتها انها غشيمه جدا

ومبتعرفش تسوق راحت راميه شمال فابوز الحديد بتاع أول الكوبري خدلها

أخر الباب الشمال و الرفرف الشمال كله لأنها داخله علي أخر لحظه في زاويه غلط ووقفت قدمها في الطلعه

علشان اشوف ايه اللي حصلها واديها كلمتين في عضمها

لقيتها بتقولي من غير ماتقول حاجه انا اللي غلطانه ومش

عايزه حاجه منك وياريت حضرتك نمشي بسرعه علشان

ممعيش رخصه سواقه ورخصة العربيه نستها في البيت

بالزمه ده كلام

**the-hero** · 10-04-2010 10:42 AM

ياجمعاة الستات ديه تعتبر ميزة فيهم مش عيب ازاى عاوز تقارن براجل الست بتبقي غالبا طيبة سازجة قليلة الخبرة والاحتكاك وغير كدا وكدا بيميلن الى العاطفة
فبديهى تقع فى مشاكل كتير فى كل العالم وده ميعيبهاش ابدا ابدا
واعتقد ان فيه برضوا رجاله بشنبات بيعملوا ااكتر من كدا
وانا فى اختبار الرخصة واحد وهوكاسر العجل وطبعا المعلم خايف العربية تبطل فدايس بنزين كتير ودايس دبرياج كتير برضوا والعربية صوتها عالى جدا جدا وماشية براحة فظابط بيقوله ياخى حرام عليك خف رجلك ساب دبرياج مرة وحدة عمل خمساية مشفتش زيا وكان هياكل كل اللى وقفين وخبط تربيزة الظابط وانا كنت هموت من الضحك

**the-hero** · 10-04-2010 10:47 AM

كليب جامد جدا
والله وشتغلت

**zoro007** · 10-04-2010 01:38 PM

طيب بمناسبة الفديو دا فاصل أخر يبين النوعيه اللى احنا بنتكلم عليها هههههه

[youtube]http://www.youtube.com/watch?v=X8be3i-nJZ4[/youtube]

واعتقد ان فيه برضوا رجاله بشنبات بيعملوا ااكتر من كدا
وانا فى اختبار الرخصة واحد وهوكاسر العجل وطبعا المعلم خايف العربية تبطل فدايس بنزين كتير ودايس دبرياج كتير برضوا والعربية صوتها عالى جدا جدا وماشية براحة فظابط بيقوله ياخى حرام عليك خف رجلك ساب دبرياج مرة وحدة عمل خمساية مشفتش زيا وكان هياكل كل اللى وقفين وخبط تربيزة الظابط وانا كنت هموت من الضحك

انته بنفسك قلت فى اختبار السواقه يعنى لسه بيتعلم هتلاقيه مسقش العربيه الا مره او اتنين فى حياته

انما تعمل ايه فى اللى بيسوقوا بقالهم سنين ولسه علم فى المتبلم !!!