الموضوع: أهداء من رابطة مشجعي النادي الأهلي بالأسكندرية ( أروع دخلة في الدوري المصري )

احسن دخلة اتعملت فى تاريخ مصر بصراحة روعة ومش عارف اتعملت ازاى لانها صعبة جدا
بالتوفيق لنادى القرن

المشاركة الأصلية كتبت بواسطة human12

ايوه بيشتموا لو شايف انهم مش بيشتموا تبقى مشكله شخصيه بس مافيش حد مابيشتمش كله بيشتم

وناس من الاتراس دول اللى كانوا كل ماتش بيشتموا شوبير و هما اللى شتموا ابراهيم حسن و هما اللى حرقوا واحد مشجع زمالكاوى قبل كده فى ماتش يد

بلاش كده يا درش ديه حاجه واقعيه زى الماء و الهواء

مفيش جمهور فى العالم مشتمش حد , حتى لو كان برشلونة ..

و ممكن تحصل تجاوزات و مشاجرات ده شيء طبيعى , و سيبك من الناس اللى ملهاش فى الكرة دى دول و الله مبيفهموش .

لما تلاقى واحد فاكر نفسه اهلاوى و بيشتم فى الزمالك اعرف انه مبيفهمش , اصله هيشتم الزمالك ليه ؟؟

هو الاهلى ناقص بطولات علشان جمهوره يشتم الزمالك !!

الجمهور ممكن يشتم واحد زى ابراهيم حسن و انا اولهم , لانى اتوقفت اسبوع بسببه و مش عايز اوصفه تانى .

اما شوبير فعلشان منعهم من الشماريخ و خلى الامن يشد حيله على الجمهور و التفتيش كان قاصي شوية فالجمهور شتمه لما دخل المدرجات ..

لكن لما الاهلى يخسر عمرى ما اشوف واحد اهلاوى يشتم فى الزمالك بدون سبب !

عمرى ما شفت واحد اهلاوى بيشتم اتحاد الكرة لما الزمالك يكسب باخطاء تحكيمية !

و بالرغم من ان كل فرق الدورى اتحدت علشان تخسر الاهلى لقب الدورى السنة اللى فاتت و اولهم الزملكاوى ( فاروق جعفر ) الا ان الاهلى كسب الدورى بمباراة فاصلة من الاسماعيلي .

يعنى لا الاهلى بيكسب بحكام و لا اتحاد كرة و لا الكلام الاهبل ده ..

علشان كدا يا طارق بيه الاهلى احسن فريق و اعظم جمهور و سيبك من الناس اللى مبتفهمش كرة دى اصلا :)

المشاركة الأصلية كتبت بواسطة ramyso4

بصراحة أنا شايف الدخلات دي أي هبل وتقليد أعمى لكرة برى وحنا مش لاقين ناكل أصلاً ....الداخلة الواحدة سعرها ممكن يوصل ال-40,000 فليه يعني دي هي بتتشاف 5 ثواني

على فكرة النادى هو اللى بيدفع كل الفلوس مش اشخاص , و لسه الاهلى هيطور التشجيع اكتر و ده حقه .

فين الهبل اللى سيادتك بتتكلم عليه ده ؟؟

حكام ايه يا طارق بيك !! تااااااااانى موال الحكام ده .

حكام الدورى السنة دى محسبوش للاهلى كام ضربة جزاء على بعضها فى حين ان حكم مغربي حسب للاهلى ضربتين جزاء فى مباراة واحدة ..

هنا مفيش حجة , لان الحكم مش مصرى , لو كان مصرى كان كله قال اتحاد الكررررررة بيجامل الاهلى كانه فرح بلدى ..

كل جمهور و له اخطائه , لكن علشان الزمالك بس بعيد عن الانتصارات و الالقاب فاكر ان الاهلى بيكسب بمعجزات .

صدقنى و الله لو اخدتوا بطولات ورا بعضها هتعرفوا ان الاهلى لا بيكسب بحكام و لا الكلام اللى يضحك ده .

اهلللللللللللللللى اهلللللللللللللللى اوووووو اووووووو
والاتحااااااااااد سيد البلد
........................
محمود عينو