-
بدل فاقد رخصة قيادة
السلام عليكم
يا جماعة انا اتسرقت امبارح شنطتى اتسرقت و فيها كل ورقى رخصة السواقة و رخصة العربية.و رحت المرور عشان اطلع بدل فاقد عارفين عملوا فى ايه
اولا رخصة العربية كانى بجدد الرخصة شهادة بيانات و دفع مخالفات و تغيير نمر العربية اما رخصة السواقة فالموظف المحترم قالى اسمك مش موجود على الكمبيوتر فى ناس قالولى معنى كده تنى هامتحن اختبار السواقة من اول و جديد كانى بطلع رخصة لاول مرة اعمل ايه و اجيب اسمى ازاى الرخصة اتسرقت وانا مش عارفة رقمها و انا استحالة امتحن تانى دا حتى حرام ممكن اعمل ايه عشان اجيب رقم الرخصة
-
ربنا يخلف عليك بالخير
حضرتك ممكن تحاول تدور تاني في الكمبيوتر أو تخلي حد يتوسطلك -للأسف- عند الباشا الموظف عشان يدور صح ويصبر شوية
لو مش كده فالأمر لله الامتحان مش صعب علي أي الأحوال طالما لك فترة بتسوق
-
اعمل محضر او مذكرة فى القسم وروح بصورته للموظف تانى ولو قالك مفيش اطلع على رئيس الوحدة وهو ان شاء الله يحل لك مشكلتك ده لو ضابط اخلاق وابن ناس
....................*
محمود عينو
-
رقم الرخصة ....انا طلعتها برقم الرخصة بدل فاقد ... و اذا ما كانتش
موجودة برضه على الكمبيوتر يبقة ملفك ضاع منهم و هتضطر اسفا انك تطلعها تاني من اول و جديد
بس لو معاك صورة منها ادخل للضابط و هوه ممكن يتفهم الموقف و يساعدك ...
فيه حاجة بس ... انا لما طلعتها بدل فاقد ..كانت الرخصة الجديدة لمدة شهر فقط .. و بعد الشهر ده تطلع الرخصة الدايمة بنفس الاجراءات حتى تاريخ انتهاء الرخصة المقفودة ..يعني هتطلعها مرتين ..
مش عارف اذا كان الموضوع ده لسه مستمر و لا ايه ..انا عملت كده من سنة تقريبا ... بس لقيت الرخصة القديمة و بقة عندي رخصتين :)
و ربنا يعينك
Content Relevant URLs by
vBSEO 3.6.0 PL2