السادة خبراء الاوبل ارجو الافادة عن الفرق بين الفيكترا 2000cc موديلات التسعينات والفيكترا 2000ccc cdx موديلات عام 2001 وما فوقها وهل فى منهم مجمع محلياً....وشكراً
السادة خبراء الاوبل ارجو الافادة عن الفرق بين الفيكترا 2000cc موديلات التسعينات والفيكترا 2000ccc cdx موديلات عام 2001 وما فوقها وهل فى منهم مجمع محلياً....وشكراً
الموضوع ده كبير جدا بس هحاول علي قد مااقدر والرجاله تكمل ان شاء الله .
الفيكترا ال2000 سي سي من مو 96 الي مو 99 موتورها (الموتور الاسود) سنجل كام ,8 صباب , حوالي 100 حصان - كمالياتها بقي قول زي مانت عاوز ..
الفيكترا ال2000 سي سي السي دي اكس الماني فقط وماتجمعتش في مصر ولذلك هي قليله جدا موتورها (ايكوتك)دبل كام,16 صباب,137 حصان -كمالياتها خياليه عاوزه موضوع لوحده .
++ طبعا كل اجزاء وكماليات الموديلين يركبوا مكان بعض .
تصحيح صغير هو مش 100 حصان هو 115 حصان
[QUOTE=hellboy;3872524827]
كمالياتها بقي قول زي مانت عاوز ..
بصراحة مش شايف فيها أي كماليات أقولها زي ما أنا عاوز..العربية كانت معايا وهي عادية جدا في الكماليات
السى دى اكس
على حد علمى
دى فيها كماليات بالعبيط مش موجوده فى الأوبل غير فيها
و يفيدك اللى معاه العربية دى او فيكترا بى
السى دى اكس منزلتش غير بى منزلش منها ايه
من 96 لحد 2004 لما الفيكترا الجديده نزلت اسمها بى
بس من 96-99 بى 1
و من 2000-2003 بى 2
على ما اعتقد
متشكر اوى لسرعة الاجابة...طب وموديلات بى1 بيكون فيها مواتير ايكوتيك ولا الموتور الاسود فقط...وشكرا مرة اخرى
لأ الأيه موتور ابيض المونيوم
الموتور الأسود نزل مع الفيكترا بى
و الأيه نزلت بايكوتك بس بره مش فى مصر خالص
طب يا رجالة بأختصار كدة ... هوة أيه عيوب الفيكترا بى 2000 سى سى موديلات التسعينات ؟
هل بتاكل بنزين ، قطع غيارها زى ال 1600 ؟ تكييفها وسحبها كويسين؟
أصل ساعات الاقى أسعارها أرخص من ال 1600 مش عارف ليه
تصحيح للاستاذ tanany ادخل على الموضوع ده وحتلاقي ان ال cdx
نزلت موديلات a
Opel Vectra A page
بالمختصر المفيد عيوب الفيكترا ال2000 سي سي موديلات التسعينات مقارنه بنفس الموديل ال1600 سي سي هي ان استهلاكها للبنزين عالي شويه - حساساتها اكتر - ضريبتها اعلي وده اللي خلي سعرها ارخص من ال1600 .
سحبها حلو طبعا واحسن من ال1600 لان الموتور اكبر وجسم العربيه تقيل علي ال1600 - تكييفها معقول بس طبعا مش زي الياباني ( عيب معظم الالماني) -معظم اجزاء الموتور الخارجيه مشتركه بين ال1600 وال2000 سي سي زي الفلاتروشجره الميه ..
يعنى لو الموتور 1600 اتوماتيك يبقى احسن من الموتور 2000 اتوماتيك موديل التسعينات...؟؟؟
انا من يومين كان معايا صنى 2008 (مكملتش ال 30000 كلم) وفضلت معايا يوم
بالأمانة انا مش راضى اتكلم علشان محدش معاة صنى يزعل بس هتكلم على التكييف , انا جربتة بالنهار وبالليل علشان تبقى التجربة ادق بالأمانة تكييف الفكترا برقبتة
هو اة شغلة حساس ومقرف ولما بيعطل بيقرف الدنيا وقطع غيارة غالية بس لو مظبوط ومفهش عك التكييف تلاجة وسيبك من المقولة بتاعة اليابانى والتايوانى والهندى :star1:
بص يا سيدي الفاضل ، عائلتي كلها راكبة أوبل ، كورسا 1600 وأسترا 1600 وفيكترا 2000 بي1 و2000 بي 2...أفضلهم على الاطلاق هي ال 2000 بي2 اللى بموتور إيكوتك....العربية دي فيها موتور وهمي بمعني الكلمة!!!!!! وتحسها أكتر على طريق سفر ، مفيش أي حد يقدر يسد معاها إلا فئات عالية زي المرسيدس والبي إم دبليو ، بس أهم حاجة إنها تكون بحالة ممتازة ومش متهانة.
ال 1600 b1 فى الفيكترا ضعيف بعض الشئ على البودي وفى b2 الكنترول يونت بيضرب - زي ما الأعضاء اللى راكبينها بيقولوا- بس أدائها أفضل طبعاً ، لو عايز 1600 خش على الاسترا ال 1600 الاوتوماتيك وهتلاقي حالات كويسة فيها ، إبعد عن الفيكترا لو كانت حالتها دون المتوسطة لأنها رزلة جداً فى الصيانة وأعطالها كتيييييير لو متبهدلة.
تحياتي.
سلامه عليكم
انا معايا فيكترا بي 97 2000 cc اوتوماتيك
هي كويسة جدا لو مافتحتش بقها وعشان ماتفتحش بقها معاك لازم توديها عند ناس بتفهم فيها والا هاتلاقيه مركبلك حاجات غريبة في العربية ,الناس اللي بتلصم دي بتبصتك لانك مش بتصرف ساعتها كتير بس يوم ما تروح لحد بتاع اوبل ويفرجك على العربية بشغل محترم وعربيتك هاتعرف ان الفرق كبير وهاتصرف ساعتها كتير ده بالنسبة للميكانيكا
اما في الكهرباء بقى دي مشكلة ان للاسف الشديد ساعات بيبقى في صنايعية زبالة وبيعملوا حاجات غريبة وهاتلاقيه ممشيلك سلوك في حتت غريبة مع الحرارة الدنيا بتتبهدل منك
بالنسبة للتكييف لو كل حاجة فيه مظبوطة هاتلاقيه زي الفل خصوصا الخراطيم بتاعته لازم تكون مظبوطة ساعتها هاتلاقيه ثلاجة لكن لو الدنيا مش مظبوطة هاتلاقيه بقى فيه الاشاعات اللي بتسمعها عنه دي كلها
دور على فيكترا نضيفه
الف شكر يارجالة الاوبل على هذا المعلومات المفيدة ...وجزاكم الله كل خير
يا جماعة 2000cc موديل 94
مالها عربية فيكترا ايه اتوماتيك موتور 115 حصان تكنولوجيا غير معقد على الأطلاق افضل ثبات و افضل تقفيل يعيبه الماف ملوش حل تكييف جيد و الميزه انه مش بيأثر على الموتور عزم عالى جداً 170 نيوتن متر / عند 2600 لفه فى الدقيقه معامل انضغاط عالى 9.2 : 1 عربيه فراملها قوية سكاكين ورا كمالياتها كويسه يعيبها المرايات الثابته بس ناس بتغيرها بنوع تانى بتاع الأبيزا او الأسترا
عايز تعرف ايه تانى
و على عكس اقتناع الناس لما دورة ميتها تبقى شغاله صح متشفوش الحرارة مع التكييف فى عز الحر و الزحمه فوق ال 92-94
الماف دة ياباشا ملهوش حل يعنى . وايه هى نصيحتك للمحافظة عليه .ولو لقدر الله حصله حاجه هل تفضل تغييره باستراد ولا ايه افيدنى افادك الله.لان الجميع مخوفنى من الماف فى الموديل ده .
هو مش المشكله الكبرى صيانته فلتر الهوا يتنضف باستمرار و متفتحش غطا الدايرة العلبة اللى فوق لأى سببب
هو مش غالى بس قليل
يعنى من 500-750 حسب حالته
ده سعر الاستيراد .
هل فى منه جديد ام لا ؟
للأسف مفيش منه على حد علمى جديد و لو موجود هيبقى حاجة من الأتنين - اصلى و سعره نار - صينى و سعره حنين بس زباله