يا جماعة استهدوا بالله ده شيطان
انا ما قريتش الردود كلها وماعرفش انتوا مختلفين في ايه
بس واضح ان النقاش على التيار المستمر والمتردد
يا جماعة بكل بساطة كهربة البيت دى
بتبقى تيار متردد
الشدة والاتجاه مع الزمن يعنى يعلى ويوطى ويقلب السالب موجب و الموجب سالب مع الزمن و يتكرر الموضوع ده بصفة دورية
وده له اشكال كتير اهمها الموجة الجيبية ( sinusoidal )
التيار ده بيبقى جاهز انه يشغل معظم الاجهزة الكهربية على طول على جهد 220
فيه اجهزة بقى الكترونية صغيرة او نوع تانى من الاجهزة محتاجة تيار ثابت او مستمر dc التيار ده يا اما ييجى من بطارية
يا ما ناخد التيار المتردد ac وندخله على مجموعة دواير تحوله للdc
اول حاجة هييجى محول خفض يخفض الجهد مثلا لـ 12 مع بقاءه ac
بعد كدة تيجى الدايرة بتاعت التوحيد اوالتقويم rectification
ودى الدايرة وبيسموها بردج
http://www.electrical-res.com/ex/10-..._rectifier.jpg
خرج الدايرة دى بيبقى عامل كدة
http://www.arabteam2000-forum.com/up...1250699139.gif
تمام
كدة التيار ده ثابت الاتجاه ( لان مفيش جزء سالب )
بس لسه متردد الشدة
وده بنعتبره dc بس ده مينفعش لانه متذبذب ومينفعش مع الاجهزة الالكترونية بالذات
بعد كدة لازم تيجى عملية التنعيم smoothing بمكثف يشحن ويفرغ في الفراغات اللى في الصورة بحيث الاقواس المقلوبة تتساوى شوية
ويبقى الخرج عامل كدة
http://www.kpsec.freeuk.com/images/ripple.gif
برضه لسه
عشان يبقى regulated dc لازم يبقى ثابت تماما
نقوم نوصله على regulator او zener لحد ما يبقى عامل كدة
http://nortonkit.net/tutorial/images/dc_graph.gif
ودى صورة الدايرة كاملة
http://www.eleinmec.com/figures/016_04.gif
لو كلكوا اتفقتوا معايا في الكلام ده
يبقى مفيش اي خلاف انما ده كان سوء تفاهم بسيط
وياريت تفتكروا اننا اخوة قبل كل حاجة :):) :)