شحن البطارية في المنزل

**amrelsaqqa** · 08-04-2010 06:03 PM

طب يا عمرو باشا تفتكر تصميم الدايرة دي لغير المتخصص هايكون ممكن ؟
طب وطريقة تنفيذها إزاي أصلا؟

سهلة ان شاء الله
المكونات متوفرة ومش غالية

عندك ترانزستور c1061 ده هيبقى شكله كدة

والكتاوت او الريلي ابو خمس اطراف

بحيث التلات اطراف زي ما متوضح في الرسمة و الطرفين التانيين زي مكانهم في الرسمة فوق الترانزستور

والمقاومتين المتغيرة

وبنفس قيمهم في الرسمة بالاوم

والمقاومات

والدايود اللى على شكل مثلث ده مش مهم اوى وممكن برضه نجيبه ونوصله على اطراف الكتاوت زي ما مرسوم

الفكرة بس ان انا معنديش بطارية اجرب عليها دلوقتى
وبرضه مش عارف المقاومات هتبقى كام وات والترانزستور هيستحمل التيار ولا لا

انا هقولك على حاجة
انت اشحن تانى كدة و وصل الافوميتر توالى على وضع الاميتر عشان نعرف بنشحن بكام امبير بالظبط ونبقى على نور

بس شوف افوميتر محترم يكون فيه رينج لحد 20 امبير و لاحاجة

بعد كل ده طبعا لو نفعت الكتاوت بتاعت الدينامو وعرفنا طريقتها هتبقى اسهل بكتير

انا بيتهيالى ممكن يكون فيه كتاوت 14 فولت مخصوص للموضوع ده بحيث تتوصل توازى مع البطارية والكتاوت يشتغل اول ما البطارية تشحن و ال3 اطراف الباقين بتوعه يكونوا متوصلين بحيث يقطعوا الكهربا بتاعت الشحن اول ما يشتغل

**eng_ahmedryad** · 08-04-2010 06:17 PM

المشاركة الأصلية كتبت بواسطة tompina

ماشي يا أحمد باشا .. طب والليدات بتاعة قياس الشحن اللي بتبقى مع الكهربائية .. بتتجاب منين ؟

بسيطة جدا ، أحنا لو عرفنا التيار اللي بيشحن البطارية قد أيه ، هانجيب ليد يتحمل التيار ده ويتوصل توالي مع الطرف الموجب في إتجاه التيار ، طول مالتيار رايح للبطارية هايفضل منور ، أول لما دايرة الشحن تفصل ، الليد هايفصل لأنه ليه إتجاه زي الدايود بالظبط .

**tompina** · 08-04-2010 06:19 PM

بس يا باش مهندس عمرو أنا لسه مشتري بطارية جديدة من يومين بس والله ومشحونة على الدينامو والحمد لله ..
هي مشحونة على الآخر .. أفضيها إزاي بس؟
أنا علي دلوقت إني أشوف موضوع الكتاوت والجهاز بتاع مقدار الشحن أبو ليدات .

**amrelsaqqa** · 08-04-2010 06:27 PM

طيب وهى مشحونة كدة على الاخر شوفها بتطلع كام فولت ( اكيد اكتر من 12 بشوية ممكن 14 او 13.8 )

انا عمال اجرب على بطارية الموبايل :d

لما يكون الموبايل هيفصل بتكون مطلعة 3.6
ولما تكون مشحونة بتدى 4.1
وهى اصلا 3.7 فولت

ولما بوصل عليها الشاحن و رغم انه 6 فولت بس الافو برضه بيفضل يقيس فولت البطارية يعنى مثلا بيقيس 3.7

(الكلام ده و الشاحن والبطارية والافو توازى كلهم مع بعض لحد ما تتملى و تدى 4.1 )

انا هرسم الفكرة اللى في دماغى اللى اعتقد انها تنفع واشوف رايكوا

هتكون باستخدام كتاوت بس ان شاء الله ..

**tompina** · 08-04-2010 06:35 PM

المشاركة الأصلية كتبت بواسطة amrelsaqqa

طيب وهى مشحونة كدة على الاخر شوفها بتطلع كام فولت ( اكيد اكتر من 12 بشوية ممكن 14 او 13.8 )

انا عمال اجرب على بطارية الموبايل :d

لما يكون الموبايل هيفصل بتكون مطلعة 3.6
ولما تكون مشحونة بتدى 4.1
وهى اصلا 3.7 فولت

ولما بوصل عليها الشاحن و رغم انه 6 فولت بس الافو برضه بيفضل يقيس فولت البطارية يعنى مثلا بيقيس 3.7

(الكلام ده و الشاحن والبطارية والافو توازى كلهم مع بعض لحد ما تتملى و تدى 4.1 )

انا هرسم الفكرة اللى في دماغى اللى اعتقد انها تنفع واشوف رايكوا

هتكون باستخدام كتاوت بس ان شاء الله ..

الجهاز اللي معايا قديم خالص ومش بيطلع لي نسب سليمة .. دا بيدي نسب تقريبية .. عموما هاشوف هاينفع يطلع وللا إيه ؟
وكنت عاوز أعرف الأفو أنالوج الديجيتال زي اللي معاك بكام ؟

**amrelsaqqa** · 08-04-2010 06:42 PM

المشاركة الأصلية كتبت بواسطة tompina

الجهاز اللي معايا قديم خالص ومشبيطلع لي نسب سليمة .. دا بيدي نسب تقريبية .. عموما هاشوف هاينفع يطلع وللا إيه ؟
وكنت عاوز أعرف الأفو أنالوج الديجيتال زي اللي معاك بكام ؟

انا كنت جايبه من فترة بس تقريبا كان بـ 25 جنيه او 30 بالكتير

بس مش فاكر ده كان ارخص حاجة ولا كان فيه ارخص من كدة

بس واحد مخترع زيك لازم يكون عنده

**tompina** · 08-04-2010 06:49 PM

المشاركة الأصلية كتبت بواسطة amrelsaqqa

انا كنت جايبه من فترة بس تقريبا كان بـ 25 جنيه او 30 بالكتير

بس مش فاكر ده كان ارخص حاجة ولا كان فيه ارخص من كدة

بس واحد مخترع زيك لازم يكون عنده

إيه ده ؟ بس ؟
دا أنا كنت فاكرة بـ 280 جنيه وللا 300 ..
أنا نازل أشتري واحد وجاي !
إستناني .......

**amrelsaqqa** · 08-04-2010 07:02 PM

المشاركة الأصلية كتبت بواسطة tompina

إيه ده ؟ بس ؟
دا أنا كنت فاكرة بـ 280 جنيه وللا 300 ..
أنا نازل أشتري واحد وجاي !
إستناني .......

فيه انواع غالية اوى وفيه انواع رخيصة اوى بـ 12 جنيه
ابو 30 ده شغال كويس

مستنييييك
بس لما تبقى تقيس التيار قيس من الفتحة اللى مكتوب عليها 20 امبير عشان ما تحرقش الفيوز بتاعه
واتأكد من الرينج دايما قبل قياس اي حاجة

**tompina** · 08-04-2010 08:03 PM

المشاركة الأصلية كتبت بواسطة amrelsaqqa

فيه انواع غالية اوى وفيه انواع رخيصة اوى بـ 12 جنيه
ابو 30 ده شغال كويس

مستنييييك
بس لما تبقى تقيس التيار قيس من الفتحة اللى مكتوب عليها 20 امبير عشان ما تحرقش الفيوز بتاعه
واتأكد من الرينج دايما قبل قياس اي حاجة

اشتريته يا باشا بـ35 ومارضيش ينزل الخمسة جنيه بتاتا (ماتنساش إننا في إقليم ولازم يستغلوك) واشتريت فيللر بالمرة عشان أظبط خلوص الجاب في البوجيهات ..
المهم .. همتك معايا يا بطل لاحسن إنتا خوفتني إنه يتحرق .. بصراحة القديم اللي كان معايا كنت باتغابى عليه .
اللي معايا ده ماركته إكسيل ..
هاشوف الأول الخرج بتاع الباور سبلاي بعد تطويل السلك عامل كام .

**amrelsaqqa** · 08-04-2010 08:08 PM

دى الدايرة اللى اعتقد هتنفع مع كتاوت 14 فولت
بس ده بفرض ان الكتاوت بيشتغل عند نقطة محدد سواء 14 او 12 (مش يكون بيشتغل عند 6 فولت و7 فولت و8 فولت .. )

لو الكتاوت 12 فولت هنوصل مقاومة في المكان المشار اليه في الرسمة بحيث يبقى على المقاومة جهد 2 فولت

لسه محتاجة تتجرب بس بنسبة 80% ان شاء الله هتنفع

في الجزء الاول من الرسم
لو البطارية فاضية واتوصلت وبعدين شغلنا الباور
الجهد هيكون اقل من 14 و بكدة الكتاوت هيفضل مقفول على الوضع العادى
بحيث البطارية متوصلة من خلاله على الوضع العادى بتاعه

في الجزء التانى من الرسمة
لما الجهد يوصل لـ 14 فولت والبطارية تتشحن يبدأ الكتاوت يشتغل يقوم الدراع اللى جواه يتحرك ويفصل البطارية ويشغل اللمبة بتاعت اتمام الشحن

----------

بس لو الباور اشتغلت من غير ما البطارية تتوصل هيكون الجهد 17 لأن مفيش بطارية فالكتاوت هيشتغل على طول ويفصل اسلاك البطارية واللمبة الخضرا هتشتغل (يعنى اللمبة بتدل على حاجتين اما وجود بطارية مشحونة او عدم وجود بطارية )

في الحالة دى لو وصلنا بطارية اثناء ما الباور شغال عمره ما هيحس بيها لأن سلكها مفصول مسبقا والجهد الكلى هيفضل 17
عشان كدة فيه زرار ريسيت اللى بضغطة عليه يفصل الباور ويشغلها تانى بحيث الكتاوت يفصل ويحس بالبطارية ويبدأ يشحنها

يعنى البطارية تتوصل قبل تشغيل الباور
ولو اتوصلت وهو شغال يبقى نضغط على زرار ريسيت

الموضوع: شحن البطارية في المنزل

LinkBack

أدوات الموضوع

عرض

-

-

-

-

-

المواضيع المتشابهه

إحذر ..! البطارية السائلة تتلف بعد تغيير مياه البطارية

::: وحدى فى المنزل :::

شغل على الكمبيوتر من المنزل

بمناسبة موضوع شحن البطارية فى المنزل

مغامرات لمبة البطارية ولمبة البطارية ...؟

الكلمات الدلالية لهذا الموضوع

المفضلات

المفضلات

ضوابط المشاركة