بالتوفيق فى البيع ان شاء الله
وفعلا السعر كويس لو مافيش
مشاكل فى فك الحظر
عرض للطباعة
بالتوفيق فى البيع ان شاء الله
وفعلا السعر كويس لو مافيش
مشاكل فى فك الحظر
معلهش مش فاهم
إزاى مسموح بفك الحظر وغير مسموح بنقل الملكية
مش المفروض أن القصود بالحظر هو حظر البيع ونقل الملكية؟
لو مفيش نقل ملكيه يبقي ملوش لازمه فك الحظر
يا جماعة المقصود بحظر الجمارك هو الحظر عن أى شيئ مثل قيادة السيارة أو بيعها أو أى توكيل لها فى أى شيئ .
ولما يتفك الحظر من غير نقل الملكية يبقى مسموح لآى شخص يقود السيارة مع الإحتفاظ بأسم المعوق على الرخصة لمدة 5 سنوات من تاريخ أول ترخيص لها .
يعنى السيارة بتفضل بأسم المعوق بعد فك الحظر والى يشتريها يتعمله توكيل بالسيارة
انت كلامك صح يا mr_sasa
وربنا يوفقك في البيع
ياريت يا جماعة تأكيد على الكلام دا... ضرورى علشان عايز عربية
الكلام مؤكد 100 × 100 فك الحظر شغال ولكن نقل الملكية واقف لغاية مايعدى 3 سنوات على الفك
انا بعتذر لحضرتك
بس الواحد المعرفة دا مش هو الدليل خاااالص
لما فك الحظر اتلغى اتعمل له قرار ونزل ف الجرنال والصحف والموضوعات عالنت اعدت تتداوله فترة
لكن موضوع فك الحظر بتاع الواحد المعرفة مع احترامى لكلام سعادتك مش هو اللى يؤكد الكلام
يريت مصدر يكون جايب مين اللى قرر و رقم القرار
ويريت كمان لو مصورينه ولا حاجة
لكن انا مسمعتش عن فك الحظر بتاع حضرتك دا
كلام غير منطقى بالمرة
معلش اعذرني يعني اذا كان المتحدث عاقل يبقى المستمع ( اللى هو انا ) مجنون
طيب هو هيعمل فك الحظر ليه؟
مادام مفيش نقل ملكية
وانت حضرتك عايز تفهمنى ان ال 9700 جول علشان الرخصة تفضل باسمه
وميبقاش مكتوب عليها ( لا يقودها الا مالكها )؟
معلش مش فاهم حاجة خالص
ومع احترامى لكلام حضرتك
يا جماعة محدش يصدق اى كلام الا لما يبقى بيه قرار
ومحدش يعمل الموضوع دا الا لما يشوف كوووووووول حاجة بعنيك
والله انا اتقرصت ف حاجة زي كده
ومش عاوز حد يتقرص منها
معلش الاخ صاحب الموضوع انا ماقصدش والله اتلاف الموضوع
ولكن انا قلت ف البداية
لو فعلا هتبقى زيها زى اى عربية ف مصر
( يعني ليها ملف ف المرور ) واللى هيشتريها هيسجلها باسمه
يبقى سعرها ممتاز
لكن اى حاجة تانية غغير كده
بلاااااااااااااااش
وكلام حضرتك مش مظبوط
ويريت لو انا مابفهمش تجيب القرار اللى يثبت كلام حضرتك