لدي اوبترا سوداء و لدي سؤال

**bebobero** · 15-01-2008 01:37 PM

لدي اوبترا سوداء و لدي سؤال طبعا انا اركن العربية في جراج و لكن في مكان سيئ جد(كل يوم اجي انزل الاقيها مزنوقة و حولها 10 عربيات و اقعد 20 دقيقة اطلعها و طبعاً في مرة خدشتها من الجنب و دة طبعاً علشان الراجل اللي كان بيدخل العربية و يطلعها مشي! و مرة كنت راكنها تحت الباب نزلت لقيتها مخدوشة من الجنب التاني(فوق الكاوتش بالظبط) مما ادى إلى انه شكلها وحش في الأجناب و مش عارف اعمل ايه في ناس قالت رشها في التوكيل بس انا سمعت ناس تانية قالت مارشهاش علشان مش هتعرف تجيب نفس اللون اللي هو Pearl) Black) و ناس تانيه قالت ماترشهاش عشان لما تيجي تبيعها مش عارف ايه الصح أرجو المساعدة

سؤال كمان انا عايز اجيبلها جنوط و سبويلرو فرش (مش عارف الجلد احسن ولا القماش و عند مين و فين) و Body Kits مش عارف منين و بعدين عايز اشارات في الجنب دي اعملها ازاي و برضو سمعت عن الدلايات ممكن حد يقولي دي ايه؟
عايز بلأه حسبة للتكابف و منين علشان ماحدش يضحك علية!

و الف شكر ليكم جميعا

**bebobero** · 15-01-2008 01:55 PM

برده عايز اعرف برضه سعر الوش بتاع الشكمان دة بيبقى شكله جامد بس هل بيأثر بأي شكل على الشكمان نفسه؟

**mina_ramsis** · 15-01-2008 02:02 PM

بص سا سيدى انا اول ما جبت العربية واحد ابن حلال خبطهالى فروحت التوكيل غيروا الرفرف و رشوه بس الصراحة طلع على ابوه يعنى لو جبت الكوريين نفسهم مش هيعرفوا اذا كان مرشور و لا لأ ( على فكرة انا عندى اوبترا سوداء اوتوماتيك اسبورت باكيدج )
اما بخصوص الجنوط فانا جايب العتب و الجنوط و وش الشكمان بس اخدوا الجنوط القديمة ب 5000 جنيه 1500 جنوط و 3500 عتب

**شاهين - بنز** · 15-01-2008 02:16 PM

المشاركة الأصلية كتبت بواسطة bebobero

و بعدين عايز اشارات في الجنب دي اعملها ازاي و برضو سمعت عن الدلايات ممكن حد يقولي دي ايه؟

متأكد إن العربية ترخيصها ملاكي ؟؟

**bebobero** · 15-01-2008 02:25 PM

مش فاهم يعني ايه؟

**theking2690** · 15-01-2008 02:37 PM

اصل الدلايات ديه بتاعت العربيات القديمه و النص نقل و التاكسيات و شكلها بيخلى العربية فلاحى موت يعنى تحس ان العربيه شاريها من معرض الفلاح الفصيح فى كفر ابو زلومة و طالع بيها من هناك على هنا فهمت بقى سؤال شاهين بنز نوع ترخيص العربية ايه

**TAMER KHASHABA** · 15-01-2008 02:37 PM

الدلايات من التوكيل ب 115 جنيه من غير التركيب

**theking2690** · 15-01-2008 02:38 PM

هو انت قصدك على اشارات الجنب اللى فى المرايات و لا قصدك على ايه بالظبط

**bebobero** · 15-01-2008 02:46 PM

ممكن صورة للدلايات دي عشان انا اصلاً معرفش هي ايه بس كنت بسأل و انا اقصد اشارات الالتفاف لأني ما عنديش و برضه عايز اسأل على الشبورة

**amr mokhtar** · 15-01-2008 03:45 PM

المشاركة الأصلية كتبت بواسطة bebobero

و مش عارف اعمل ايه في ناس قالت رشها في التوكيل بس انا سمعت ناس تانية قالت مارشهاش علشان مش هتعرف تجيب نفس اللون اللي هو Pearl) Black) و ناس تانيه قالت ماترشهاش عشان لما تيجي تبيعها مش عارف ايه الصح أرجو المساعدة

بلاش ترش حاجة و صدقنى الخدوش دى بسيطة و بعضها ممكن يتعالج بالبوليش او ورنيش التلميع و بعدين موضوع الرش هيطلاعها بره الفبريقة بتاعتها يعنى لو حبيت تبعها هيبقى اسمها رشة رفرف و انت عارف اللى بييجى يشترى هيعملهالك مصيبة كأن كل عربيات البلد ما فيهاش خربوش

أول خربوش ظهر فى العربية عندنا كنت زعلان جدآ بعد كده الواحد بيقول الحمد لله انها حاجات بسيطة
و ربنا يحفظهالك و يباركلك فيها

الموضوع: لدي اوبترا سوداء و لدي سؤال

LinkBack

أدوات الموضوع

عرض

-

-

-

-

-

-

المواضيع المتشابهه

سؤال عن شيفورليه اوبترا 2012

سؤال بالنسبة لكاسيت اوبترا 2010

سؤال بخصوص فرامل اوبترا

سؤال في اوبترا اوتماتك

سؤال عن اربة فتيس سيارة اوبترا؟

الكلمات الدلالية لهذا الموضوع

المفضلات

المفضلات

ضوابط المشاركة