الموضوع: استفسار عن سحب العربية

المشاركة الأصلية كتبت بواسطة yssryaae

السلام عليكم اخوانى اعضاء المنتدى
من فترة بحس ان عربيتى تقيلة اوى فى السحب مش عارف ليه ولازم احرق بنزين عشان العربية تسحب معايا عربيتى على فكرة لانوس اوتوماتيك كورى 97 وعامله 127000 كيلو ياترى فيه اسلوب للقيادة خاص بالسيارات الاوتو ولو عندى مشكلة فى السحب ياترى من ايه

اسباب ضعف السحب كتيييييييير , على سبيل المثال وليس الحصر :-

1- عيب رشاشات
2- خشونه في بلي العجل
3- طقم دبرياج متهالك
4- بوجيهات رديئه واسلاك بوجيهات سيئه
5- علبه بيئه مسدوده او علب شكمان وحشه
6- فلتر هواء مش نضيف
7- فلتر بنزين وحش او مخنوووق
8- زيت موتور رديئ وبالتالي ضعف الحاله العامه للموتور بعد فتره من الزمن
9- احيانا عرض الكاوتش والنقشه المرسومه عليه بيأثر على سحب العربيه , خاصه مع الكاوتش العريض بطريقه مبالغ فيها , لانه بيزود احتكاك الكاوتش بالأسفلت وبالتالي محتاج لموتور قوي
10- ضعف او مشكله في البطاريه او البوبينه
11- جوده البنزين المستخدم
الخ ,,,,,,,,

ياخبر ابيض كل الحاجات طيب اعرف منين ان المشكلة فى حاجة من دول لان ممكن يكون كل حاجة سليمة ماعدا حاجة واحدة اوصلها ازاى واشكرك على ردك

المشاركة الأصلية كتبت بواسطة yssryaae

ياخبر ابيض كل الحاجات طيب اعرف منين ان المشكلة فى حاجة من دول لان ممكن يكون كل حاجة سليمة ماعدا حاجة واحدة اوصلها ازاى واشكرك على ردك

كل حاجه من دي ليها اعراضها وهحاول اقولك ازاي تعرف المشكله تحت كل نقطه باللون الأزرق

1- عيب رشاشات
الدخان المائل للون الأسود عند التدوير صباحا مثلا , مع تأخير الدواره

2- خشونه في بلي العجل
صوت زنه او خشونه في حركه العربيه خاصه مع السرعات فوق ال40 كم/ساعه

3- طقم دبرياج متهالك
ضعف في سحب العربيه والسرع بتقل بشكل ملحوظ مع المطالع

4- بوجيهات رديئه واسلاك بوجيهات سيئه
دخان ابيض عند التدوير صباحاً , واحيانا رائحه بنزين خفيفه مع الدخان

5- علبه بيئه مسدوده او علب شكمان وحشه
علبه البيئه اهم اعراضها , هي سخونه منطقه فرامل اليد من جوه الكابينه في الصيف بشكل ملحوظ

6- فلتر هواء مش نضيف
شكل ولون الفلتر كافي لمعرفه حالته طبعا

7- فلتر بنزين وحش او مخنوووق
لما بيتفك كل ده بيبان , وكمان حسب الفتره اللي هو اشتغلها

8- زيت موتور رديئ وبالتالي ضعف الحاله العامه للموتور بعد فتره من الزمن
طبعا انت اكيد عارف بتستعمل زيت ايه , هو المفضل بالنسبه للدايو (الموبيل , الشيل) لكن مش التعاون وكالتكس ومصر للبترول

9- احيانا عرض الكاوتش والنقشه المرسومه عليه بيأثر على سحب العربيه , خاصه مع الكاوتش العريض بطريقه مبالغ فيها , لانه بيزود احتكاك الكاوتش بالأسفلت وبالتالي محتاج لموتور قوي
سهل التشخيص لان الكاوتش ليه مقاسات طبيعيه معروف للكل

10- ضعف او مشكله في البطاريه او البوبينه
سهل التشخيص وده بيبان في كفاءه البطاريه عند التدوير مثلا او مع تشغيل التكييف

11- جوده البنزين المستخدم
سهل التشخيص لانك عارف بتحطلها ايه

بالإضافه لكلامي

ممكن الأيدل كنترول محتاج تنضيف , ويتعمل ايدل ليرن بعد التنضيف

المشاركة الأصلية كتبت بواسطة mohammad_alshamy

كل حاجه من دي ليها اعراضها وهحاول اقولك ازاي تعرف المشكله تحت كل نقطه باللون الأزرق

1- عيب رشاشات
الدخان المائل للون الأسود عند التدوير صباحا مثلا , مع تأخير الدواره

2- خشونه في بلي العجل
صوت زنه او خشونه في حركه العربيه خاصه مع السرعات فوق ال40 كم/ساعه

3- طقم دبرياج متهالك
ضعف في سحب العربيه والسرع بتقل بشكل ملحوظ مع المطالع

4- بوجيهات رديئه واسلاك بوجيهات سيئه
دخان ابيض عند التدوير صباحاً , واحيانا رائحه بنزين خفيفه مع الدخان

5- علبه بيئه مسدوده او علب شكمان وحشه
علبه البيئه اهم اعراضها , هي سخونه منطقه فرامل اليد من جوه الكابينه في الصيف بشكل ملحوظ

6- فلتر هواء مش نضيف
شكل ولون الفلتر كافي لمعرفه حالته طبعا

7- فلتر بنزين وحش او مخنوووق
لما بيتفك كل ده بيبان , وكمان حسب الفتره اللي هو اشتغلها

8- زيت موتور رديئ وبالتالي ضعف الحاله العامه للموتور بعد فتره من الزمن
طبعا انت اكيد عارف بتستعمل زيت ايه , هو المفضل بالنسبه للدايو (الموبيل , الشيل) لكن مش التعاون وكالتكس ومصر للبترول

9- احيانا عرض الكاوتش والنقشه المرسومه عليه بيأثر على سحب العربيه , خاصه مع الكاوتش العريض بطريقه مبالغ فيها , لانه بيزود احتكاك الكاوتش بالأسفلت وبالتالي محتاج لموتور قوي
سهل التشخيص لان الكاوتش ليه مقاسات طبيعيه معروف للكل

10- ضعف او مشكله في البطاريه او البوبينه
سهل التشخيص وده بيبان في كفاءه البطاريه عند التدوير مثلا او مع تشغيل التكييف

11- جوده البنزين المستخدم
سهل التشخيص لانك عارف بتحطلها ايه

والله مش عارف اقولك ايه انت شخصت العربية بالكامل وانا شاكك فى حاجتين بعد ماقريت كلام حضرتك وهما
فلتر الهوا وفلتر البنزين لانى مش غيرتهم من زمان هغيرهم واشوف النتيجة ولو محصلشى تقدم هعمل باقى الخطوات واحدة واحدة وربنا يكفينى ويكفيك ويكفى كل الاعضاء شر الطريق واشكرك على ردك القيم

المشاركة الأصلية كتبت بواسطة taty652003

السلام عليكم ورحمة الله وبركاته

شوف يا اخى انت لازم تقول بعض حاجات مثلا
1- ان صوت الموتور بيبقى عالى وانت بتقرص على الغيار - كده يبقى عيب اسطوانه دبرياج بتفوت

2-ممكن يكون بوجيهات بس لازم يكون فيها تقطيعه او نتشه وانت بتقرص على الغيار -كده بوجيهات

3-ممكن رشاشات بس بيكون لها ظواهر فى الجكمان ان حريق الجكمان بيبقى ( نى ) يحرق فى العين مثلا او رائحة الجكمان تحرق فى العين

4-لو مغير تيل فرامل قريب ممكن يكون العجل تقيل مثلا - او رجلشت على فرامل يد -بس لازم تشم ريحة تيل بيتحرق

5-عارف ان ممكن يكون ظبط الهوا بتاع الكوتش يقلل السحب

6- ممكن يكون فلتر الهوا مكتوم

7- فى حاجة بس مستبعده وربنا يكفيك شرها فى الفتيس مش حقولهالك

8-ممكن نقص كهرباء من الاسبلتير بيسموها بالعاميه ( سنة افنس )

انت بقى شوف ايه اقرب حاجه انت شايفها

وربنا ييسر لك الامور

واعرف اننا بنجتهد واخشى انى اكون تعديت على الاخوة الافاضل فى المنتدى فمعذرة الى الاخوه

اشكرك على ردك فعلا صوت العربية عالى وانا باخد الغيار لكن باقى الحاجات اللى حضرتك ذكرتها مش موجودة البطارية تمام والعربية بتدور من اول مرة والكاوتش مقاسه مظبوط والحرق طبيعى والبوجيهات والاسلاك لسه جديدة

المشاركة الأصلية كتبت بواسطة yssryaae

ربنا يكفينى ويكفيك ويكفى كل الاعضاء شر الطريق واشكرك على ردك القيم

اااااااامين يارب العالمين