الموضوع: ليه الناس بتزعل لما حد ينتقد عيوب سيارة

المشاركة الأصلية كتبت بواسطة solycar

فى ناسبتعتبر العربية زى المدام بالضبط

الاتنيين مدفوع فيهم دم قلبه

الاتنييين لازم يستحملهم بحلوهم و يرضى بمرهم عشان ميحسش انه اخد على قفاه و لتضحك عليه

ههههههههههههههههه
تعبير سليم جدااا

يا جماعة احنا مشكلتنا كمصريين اننا احسن ناس تتكلم و تناقش و تحلل و تقيم ..انما تيجي علي ارض الواقع عشان ننفذ كلمة او شعار من اللي احنا كنا متكلمين فيهم بقالنا اسبوع ..فص ملح و داب
احنا محتاجين التفعيل ..عايزين نفعل جزء صغير من كل الكلام لان احنا اقوالنا بتتناقض تماما مع افعالنا الا من رحم ربي
يعني مثلا اي مناقشة تبدأ بالبيت الشعري الشهير للشاعر احمد شوقي
الخلاف في الرأي لا يفسد للود قضية
تلاقي المناقشة قلبت بخناقة و الود باظ و القضية ضاعت و يمكن لو البيت الشعري ده متقالش مكنش حصل اللي حصل
لو حطينا كل حاجة في حجمها الطبيعي المواضيع مش حتأفور مرة واحدة و طبعا انا مختلف تماما مع من يضع عربيته في كفة زوجته لأ طبعا هناك فرق كبير - لان الزوجة دي عرضي و طولي و اسمي فأي توجيه اهانة ليها بتكون كبيرة من الكبائر و تقوم حرب كمان
يعني ممكن حد يهيني و لو اعتذر اسامحه انما حد اهان زوجتي فالأمر مختلف تماما فمينفعش احسبها كده ان من ينتقد سيارتي كمن انتقد زوجتي..يبقي كده فيه خلل جوايا و لازم اصلحه و بعدين كمان فيه فرق كبير جدا بين اني بشتري عربية و بدفع فيها دم بس عارف ان فيه عربيات تانية احسن انما لما بدفع في زوجتي دم قلبي ببقي عارف (علي الاقل وقتها ) ان هي احسن واحدة في الوجود

والغريب كمان في بعض الحيان ، ممكن يكون واحد لسه شاري عربيته جديده وعجباه جدا - أكيد لأنها لو مش عاجباه ماكنش اشتراها - ويبدأ ينصح الناس أنهم يشتروها ، وبعد مرور وقت معين يبدأ يكتشف فيها بعض العيوب ، ومع ذلك يفضل ينصح بشرائها لأن من وجهة نظره أن العيوب دي بسيطة وهينة بجانب أمكانيتها الرهيبة ، لكن ده من وجهة نظره فقط ، والمفروض من باب الأمانة أنه ينقل تجربته صحيحة ، لأن جايز العيب اللي هو حاسس أنه بسيط ، ممكن يكون عيب خطير بالنسة لحد تاني ، لكن هانقول أيه ، مراية الحب عامية .

المشاركة الأصلية كتبت بواسطة eng_ahmedryad

والغريب كمان في بعض الحيان ، ممكن يكون واحد لسه شاري عربيته جديده وعجباه جدا - أكيد لأنها لو مش عاجباه ماكنش اشتراها - ويبدأ ينص الناس أنهم يشتروها ، وبعد مرور وقت معين يبدأ يكتشف فيها بعض العيوب ، ومع ذلك يفضل ينصح بشرائها لأن من وجهة نظره أن العيوب دي بسيطة وهينة بجانب أمكانيتها الرهيبة ، لكن ده من وجهة نظره فقط ، والمفروض من باب الأمانة أنه ينقل تجربته صحيحة ، لأن جايز العيب اللي هو حاسس أنه بسيط ، ممكن يكون عيب خطير بالنسة لحد تاني ، لكن هانقول أيه ، مراية الحب عامية .

+++111111