ناس كتير ببتكلم عن عيوب ف عربيه واللى عنده العربيه دي بستغرب اوي
عرض للطباعة
ناس كتير ببتكلم عن عيوب ف عربيه واللى عنده العربيه دي بستغرب اوي
انا حاجتى احسن حاجه و عربيتى ديه انا منقيها من 100 عربيه يبقى انا بفهم احسن منكم و اللى بيقول العربيه وحشه مش بيفهم و اى حد بيعيب فى العربيه يبقى حقود او ماعندوش نور البصيره اللى نور طريقى فى الليالى القاتمه و هدانى انى اشترى العربيه ديه تقوم تيجى انت و تقولى العربيه فيها مشكله لأ المشكله عند حضرتك و بس انا الوكيل بتاعى احسن وكيل انت فاكرنى عبيط زى التانيين و بعدين انا عملت دراسه مستفيضه للسوق و عارف انا بقولك ايه سيبك من الكلام ده
انا عربيتى احسن عربيه
و الكاسيت اللى عندى احسن كاسيت
انا الافضل انا الاطول
انا الارفع انا الاتخن
انا الاسرع انا التنين
الفل احلى ولا الياسمين؟
ياباشا الموضوع ده طبيعه بشريه
الحكم المطلق علي الاشياء دة طبعنا ياما احسن حاجة ياما اوحش حاجة و مينفعشي حد يعدل علي رأي حد او يعيب في حاجة حد
العربيه الناس في مصر بتجيبها بصعوبه بالغه زي الشقه كدة يعني معظم اللي بيجيب عربيه بيغيرها بعد 10 او 15سنه فمعني ان حد يوقله انها وحشة او اضحك عليه فيها معناها انك بتقوله انك هتقعد 15 سنه مضحوك عليك
الفكر الديموقراطي ووقبول الآخر والأعتراف بالعيوب الخاصة بك او بما تمتلك .. قيم غير متأصلة في حياتنا كشعب بصفة عامة !!!
قسم شيفروليه العكس تمامأ و خصوصاً السيارة الأفيو
الي بيدافع عنها بيتهاجم من ملاكها زي حلاتي كدة
لان الي بيدافع يا اما مش عنده يا اما لسة جايبها جديدة مامشيش بيها 2000 كم على بعض
فعلا انا شوفت الموضوع ده كتير هنا في المنتدي في عده أقسام
ومش كده كمان اللي يقول ويطلع عيب في عربيه معينه يبقي عدو النجاح
ويبقي جاي من توكيلات تانيه علشان يشوه سمعة العربيه
يعني فالنفرض ان شخص فعلاً اشتري عربيه وطلع فيها مشكله
وعايز ينصح الآخرين بكل صدق من العربيه دية ومن هذه المشكله
الزملاء الآخرين بيقوموا بمهاجمة بكل ماأوتوا من قوه ويطلعوه
عدو النجاح وهو الغلطان ومش بعيد يعملوا مواضيع يتريقوا
علي اللي بينقض العربيه بأسلوب ساخر ومستفز جدا بس
بيكون بصوره غير مباشره زي مثلا في قسم من الأقسام
واحد عامل موضوع ساخر عن ان شبكه الموبيل بتفصل
وده نتيجه سوء المقصات والمساعدين في العربيه وخد سخريه
من كل عضو يخش علي الموضوع ليضيف لمسة السخريه الخاصه به علي الموضوع
ياجماعه مش كده ربنا يباركلكم في عربياتكم ويبعد عنكم كل شر
بس أعلموا جيدا زي ماأصباعكم مش زي بعضيها كذلك السيارات مش زي بعضها
ديما بيبقي فيه أختلاف في المنتج الواحد يعني لو عندك عربيه
مفهاش مشكله فده ميمنعش ان ممكن يكون في مشكله في عربيه
تانيه نفس موديل وماركة عربيتك وصاحبها بيشتكي منها
فنصيحه أخويه سيبوا اللي عايز يتكلم يتكلم طالما ان عربيتك
كويسه وعجباك ومتخليش حاجه زي كده تزعلك وتخليك تكتب اللي يزعل منك الآخرين
وربنا يباركلكم في عربياتكم وفي شقي عمركم