السلام عليكم لقيت انهاردا تسريب بنزين من عربيتى الللانوس 99 وكزلك ريحه بنزين جامده جوا العربيه بس لما موشر البنزين جيه لاقل من النص وقف التسريب
عرض للطباعة
السلام عليكم لقيت انهاردا تسريب بنزين من عربيتى الللانوس 99 وكزلك ريحه بنزين جامده جوا العربيه بس لما موشر البنزين جيه لاقل من النص وقف التسريب
طبعا بيقل بشكل ملحوظ وطبعا حد بيبقى ماشى على الطريق جمبى ويقولى وانزل اشوف وفعلا الاقى تسريب
التانك مخروم و محتاج يتلحم
أكشف على جودة تركيب طلمبة البنزين على التنك ( من جوه الصالون ) تحت شلتة الكنبه الخلفيهاقتباس:
بس لما موشر البنزين جيه لاقل من النص وقف التسريب
وغير جوان أو سيل حبك الطلمبه على فتحة التنك
أن تطلب الأمر ذلك
لو التسريب بعد ما تفول العربية
يبقى جوان طرمبة البنزين
بحوالى 20 جم
على فكره
ممكن يكون فيه عيب فى جسم التنك فعلا من أسفل السياره
شرخ أو خرم علوى ( فى نص التنك أو فوق النص بشويه مثلا )
بحيث لما بتستهلك النص الفوقانى من البنزين
والبنزين يبقى تحت الشرخ أو الخرم ( اللى فى المنطقه أعلى النص )
بيبدأ يمتنع وجود تسريب واضح للعين المجرده
ولكنه ( مع وجوده )
بيأثر برضه على أستهلاك البنزين بطريقه غير مباشر ه
المهم
1- تعامل مع جوان الطلمبه الأول وشوف الوضع عامل أزاى وعالج صح ..........وتابع
2- نظف التنك برضه من تحت بطن السياره وبدره بأى وسيله
وفول وشوف
البودره اللى على التنك أتبلت من منطقه باينه قدامك فوق نص التنك
يبقى تعامل مع التنك ( حسب الحاله )
باللحام أو التغيير
وأعتقد لو كان العيب جانبى فى التنك ( نتيجة خرم أو خبطه ) وده الأقرب للمنطق
حتقدر تعالجه باللحام برضه
وطالما العيب مش فى قعر التنك ( وانا واثق من هذا )
يبقى صاج التنك محمل وكويس ( ويمكن لحامه بدون قلق )
امبارح تم تشخيص التسريب من انه جوان طلمبه البنزين وانهاردا وانا مروح جبت الجوان بس لقيت الجوان دا ورقه كدا هل السبب ى البتاع دا فعلا
أيوة .. هو ورقة كده لونها بني تقريباً
المهم .. إرفع شلتة الكنبة بإيدك هاتطلع معاك وهاتلاقة الفتحة بتاعة التنك .. شم الإسفنج اللي كان ملاصق للفتحة دي .. لو لقيت ريحة بنزين طازة .. يبقى هو السبب ..
وعلى فكرة .. أنا اتعرضت لحاجة شبه اللي عندك نتيجة عدة إحكام إغلاق الخلوص بين الطرمبة وجسم التانك