مشروع مبارك لاسكان الشباب هام وعاجل وياريت راى الاخوه فى المنتدى

**حسام كرم** · 16-01-2008 02:09 PM

انا يا جماعه معايا بعض الصور الى صورتها بنفسى
بس انا مش ضليع اوى فى رفع الصور فى الشكل الجديد للمنتدى
فياريت لو تدلونى على الطريقه ارفعها لكم

**محمد المشد** · 16-01-2008 02:19 PM

والله انا شايف ان المشروع خطوة جيدة ولا اقول ممتازة ، لان هناك بعض الشباب فعلا لايتجاوز راتبهم ال400 جنية ، لاتستغربوا هذه حقيقة ليس كل الناس تبدا بمرتبات كبيرة ، واعتقد ان ساويرس نجح فى هذة الخطوة وارجوا من الاخوة المقبلين على الزواج الموافقة بالسكن فى شقة على قدر امكانياتة ومن ثم اذا فتح الله عليه ينتقل لمكان اوسع اخر ويبيع الشقة التى اشتراها ، وبصفة عامة يكفى ان المسكن صحى ومحترم ويحترم ادمية البشر
ولى تعليق بسيط وهو ان بعض الاخوة اشار الى ان المبنى عمرة قليل لانة مبنى على اساس نظرية الحوائط واقول له وله الحق فى سؤال اى مهندس ان هذه النظرية من انجح النظريات المعمارية فى العالم واليك ساعة بج بن بلندن مبنى بهذه النظرية والاهرامات والكثير من المبانى الشهيرة فى العالم

**حسام كرم** · 16-01-2008 02:26 PM

بالفعل يا اخ محمد فانا بيت العائله فى السيد زينب ومبنى بنظام الحوائط الحامله وهو مكون من 7 ادوار ومبنى من سنة 40 والحمد لله كويس حتى الان
واعتقد ان اوراسكوم مش هتضحى بمركزهاوسمعتها كشركه من اكبر شركات المقاولات فى العالم وبتعمل مشاريع فى اوروباوراس مالها عشرات المليارات بمبانى مخالفه لاشتراطات البناء لانه لو حدث شيى فى هذه المبانى ستكون فضيحة للشركه

**moudy2002** · 16-01-2008 03:04 PM

شكرا اخى حسام على التوضيح المتميز
طب دلوقتى ياباشا لو انا عايز احجز فى الشقق دة . ممكن تقلنا اعمل اية دلوقتى .
يعنى اية هية الاجراأت المطلوبة علشان احجز
ولكم جزيل الشكر

**emadno1** · 16-01-2008 03:44 PM

انا شايف ان المشروع دة حلو و كمان كاستثمار حيبقى حلو جدا
انا مثلا ساكن فى مدينه نصر و معايا حاليا 130000 و بدور على شقه كويسه بس مش لاقى حاجه جنبى خالص و ملقيتش غير فى زهراء مدينه نصر مساحة 77 متر و تشطيب اى كلام لو عاوز تاخد حاجة اكبر بتوصل لى ارقام خرافيه.

فياريت لو حد يعرف حاجة كويسه قريبه يقولى

و بالنسبه للمشروع دة ممكن حد يقولى التقديم ازاى و فين و امتى.

**حسام كرم** · 17-01-2008 08:51 AM

اسف يا اخ عماد ويا اخ مودى على التاخير فى كتابة الرد
التقديم فى هذا المشروع كان شغال منذ فتره واغلق الثلاثاء الماضى
وسيفتح مره اخرى يوم الاحد الموافق 20/1/2008 ولااعرف سبب الاغلاق او اعادة الفتح الا ان البعض يرجح انه لزيادة الاسعار نظرا للاقبال الشديد على هذه الوحدات وزيادة اسعار مواد البناء
والاوراق المطلوبه هى صورة البطاقه ومفردات المرتب فقط + مبلغ 800 جنيه عباره عن 500 جنيه كمقدم لحجز الشقه و300 جنيه مصاريف اجراءات التمويل العقارى وفى حالة عندم انطباق الشروط على المتقدم يرد مبلغ 500 جنيه فقط
ويتم التقديم فى شركة اوراسكوم للاسكان التعاونى
والعنوان عمارة اوراسكوم 160أ شارع 26 يوليو اخر شارع جامعة الدول العربيه ميدان سفنكس