مشروع مبارك لاسكان الشباب هام وعاجل وياريت راى الاخوه فى المنتدى

**حسام كرم** · 15-01-2008 02:33 PM

مشروع اوراسكوم لتكسين 50 الف وحده سكنيه

شركه اوراسكوم للإسكان التعاونى

مشروع 6 أكتوبر

لتسكين 50 الف وحده سكنيه

حسب برنامج الرئيس محمد حسنى مبارك

مكان المشروع

المشروع موجود خلف دريم لاند 6 اكتوبر , ليس ببعيد عن الطريق الرئيسى

المشروع عباره عن 50 الف وحده سكينه

مساحه الوحده 63 متر مربع

بدأ المشروع بفتح باب القديم على 300 وحده سكنيه

الاستلام

بعد 12 - 14 شهر

الشروط والقيود

ان يكون مرتب الاعذب اقل من 1000 جنيه مصرى وأكبر من 400 جنيه وللمتزوج أن يكون المرتب اقل من 1500 جنيه

ان يكون المتقدم لشراء الوحده لا يوجد عقار ملك بأسمه او ايجار قديم بأسمه

لا يجوز التقدم من قبل الزوجه والزوج ولكن يجوز ان تتقدم انت ويتقدم اخوك ايضا فى نفس المشروع

لا يجوز التعديل فى العقار مثل ان تفتح شقتان على بعضهما البعض عن طريق هدم الحائط بين الشقتين

الاوراق المطلوبه للتقديم

فقط صوره البطاقه الشخصيه - ويجب ان تكون رقم قومى

مفردات مرتب يبين ان مرتبك متوافق مع الشروط

سحب استماره تقديم ب 300 جنيه , مبلغ لا يرد فى حاله الالغاء

دفع مبلغ 500 جنيه اذا كنت تريد التقسيط ولا تريد الشراء الفورى

كدفعه مقدمه تحت حساب حجز وحده سكنيه بمشروع 6 اكتوبر

شكل المبنى

المبنى عباره عن طابقان فقط , كل طابق به شقتان , لا يوجد بلكونات فى المبنى بالكامل , لا يوجد اساس اسمنتى حيث انه مبنى بنظريه الحوائط الحامله , شكل العقار من الداخل عباره عن صاله حوالى 3.3 متر × 3.3 متر , وهناك حجرتان مساحتهم حوالى 3 متر × 3 متر ومطبخ وحمام , الدور العلوى لا يوجد به سقف اسمنتى ولكن يوجد قبه " مثل المساجد " مصنوعه من الطوب الأحمر

سعر الوحده السكينه

فى حاله الدفع الفورى

الطابق العلوى 68000 جنيه

وتدفع عنك الحكومه 10000 جنيه مصرى

ليكون صافى المبلغ المدفوع 58000 جنيه مصرى

الطابق السفلى : 78000 جنيه مصرى

وتدفع عنك الحكومه 10000 جنيه مصرى

ليكون صافى المبلغ المدفوع 78000 جنيه مصرى

فى حاله الدفع النقدى الفورى يتم التعامل مباشره مع شركه اوراسكوم

فى حاله الدفع بالتقسيط

تقوم شركه تمويل للتمويل العقارى بتقسيط المبلغ

عن طريق التعاون مع بنكين منهم بنك الاهلى سوستيه جنرال

و يتم التقسيط حسب مرتبك

ونذكر هنا مثال للتوضيح ولكن هذا المثال على أن الشقه فى الدرو العلوى بالاسعار القديمه

اذا كان مرتبك 1000 جنيه

ولا تملك عقار بأسمك ولا ايجار قديم بأسمك

واردت ان تحصل على الشقه عن طريق التقسيط

لو اردت ان تقسطها على 18 سنه

عليك ان تدفع 15 الف جنيه مصرى كدفعه مقدمه

ومعه مصاريف 1500 جنيه مصرى

عليك ان تدفع ايضا شهريا فى الثمانيه سنوات الاولى 250 جنيه مصرى

وفى اخر عشره سنوات 450 جنيه مصرى

وعليك ان تدفع دفعات سنويه 2395 جنيه مصرى طوال ال ثمانيه عشر سنه تبدا مع الدفعه المقدمه تقريبا او بعدها بوقت قليل

منقول ويا ريت راى الاخوه الزملاء

**ابو سيف** · 15-01-2008 03:10 PM

الحاجات دي جميله جدا طبعا و لكن ساعات كتير جدا الواسطه فيها بتدخل تدخل رهيب لحسم الموقف

عموما يا ريت تقولنا مكان التقديم بتاع الورق فين؟؟؟ لحد امتى؟؟؟

**TAG_Turbo0** · 15-01-2008 03:16 PM

الى حضرتك بتوصفه ده عششمش شقق بوصف حضرتك يطلع مساحه الشقهصافى لا يتجاوز 40 متر مربع
يعنى المتر معدى الالف جنيه فى مبانى حوائط حامله يعنى مفيهاش خرسانات مسلحه بمعنى أخر أرخص انواع المبانى
وبعدين موضوع القبب ده ليه مميزات وعويب
مميزاته انه بيعمل زى تكييف طبيعى _يعنى الشقه دافية فى الشتا وطراوه فى الصيف_
بس عيبه انه غير مريح للساكن وخوصا فى غرف النوم _تحس انك نايم فى قبر_

دى وجهه نظرى القاصره بما انى معمارى

**hero** · 15-01-2008 03:51 PM

المشكلة مش في كدة...
هل هناك نسبة من الارض تملك لصاحب الشقة....ولا هو بيشتري الحيطان والطوب فقط وفي حالة انهيار المبني او عدم صلاحيتة ...يبقي خلاص راحت علية الفلوس...ولا لية نصيب في الارض علي الاقل...

**bimmeraddict** · 15-01-2008 06:48 PM

الموضوع مقلق............لية دورين بس(أكيد لو يطولوا يبنوا برج كانوا بنوا)........كمان المبنى من غير أساسات يعني عمرة الافتراضي قليل........كمان السعر مش رخيص أوي(مش لقطة)..............أنا حاسس والله أعلم أن أوراسكوم عاملة الموضوع دة يا أما تسقيع أراضي لحد ما سعرها يرتفع أو ........عشان تاخد اعفائات ضريبية؟
ولا المالك لة حصة في الأرض؟؟؟؟لو كددة يبقى فية حاجات كتير تتغير

**bassam nagy** · 15-01-2008 07:06 PM

المشاركة الأصلية كتبت بواسطة حسام كرم

المشروع موجود خلف دريم لاند 6 اكتوبر , ليس ببعيد عن الطريق الرئيسى

هو على فكرة خلف مدينة الانتاج الاعلامى الماجيك لاند والتقديم فى شركة اورسكوم فى اخر شارع جامعة الدول العربية من ناحية العجوزة

تم تعديل المرفقات بواسطة الادارة
(1)

**sokasoon** · 15-01-2008 11:51 PM

الموضوع فاشل جدااااا بعدين دى ماتنفعش طبعا

لو مساحة الشقة 63 متر وده كمان مش صافى المساحة

صافى المساحة مش هيزيد عن 55 متر تقريبا وكمان الاسقف قبب

ومافيش اساس خسارة فيها الفلوس

**ابوشريف** · 16-01-2008 12:02 AM

بالمقارنه بالمواصفات المذكوه فانا شايف ان الاسعار مبالغ فيها مش فرصه ابدا

ومتستحقش الاهتمام ده كله

**الريس** · 16-01-2008 03:39 AM

اللي رافضين و بيقولو عشش و بتاع
بالراحة شوية .. لو انت شاب و محيلتكش غير 15 الف جنيه
ممكن سعادتك تجيب بديل افضل؟ و لا هو تقفيل الابواب في وش الناس
انا اكره النظرة الفوقية للاشياااااااااااااااااااا اااااء
و اتمنى من كل الاعضاء الا ينزلقوا لتلك النظرة المبنية على ظروف كل منهم و ليس على واقع اغلب الشباب

**sokasoon** · 16-01-2008 05:55 AM

المشاركة الأصلية كتبت بواسطة الريس

اللي رافضين و بيقولو عشش و بتاع
بالراحة شوية .. لو انت شاب و محيلتكش غير 15 الف جنيه
ممكن سعادتك تجيب بديل افضل؟ و لا هو تقفيل الابواب في وش الناس
انا اكره النظرة الفوقية للاشياااااااااااااااااااا اااااء
و اتمنى من كل الاعضاء الا ينزلقوا لتلك النظرة المبنية على ظروف كل منهم و ليس على واقع اغلب الشباب

ايوه بس لو شاب وهيتجوز قولى مين ديه

اللى هترضى تقعد فى شقة 50 متر

ده لو الشقة ماكانتش اقل من 150 متر مش هترضى بيك

احنا بنتكلم عن الواقع مش خياااااااااااال

انما لو شاب اعذب مافيش مشكلة انما للزواج لا

الموضوع: مشروع مبارك لاسكان الشباب هام وعاجل وياريت راى الاخوه فى المنتدى

LinkBack

أدوات الموضوع

عرض

مشروع مبارك لاسكان الشباب هام وعاجل وياريت راى الاخوه فى المنتدى - انشر الموضوع فى :

-

-

-

-

-

المواضيع المتشابهه

اول موضوع ليا فى المنتدى وياريت المشورة السريعة

اسكان الشباب ومشروع مبارك!

مشروع مبارك لاسكان الشباب (المزايا و العيوب)

الكلمات الدلالية لهذا الموضوع

المفضلات

المفضلات

ضوابط المشاركة