الموضوع: دعبسه عالنت

المشاركة الأصلية كتبت بواسطة normal

طيب أولا عايز أوضح أن الشعب المصرى عنده عقده الصينى وليه حق
بس الصين غزت العالم بمبدأ بسيط جدا وفعال
يعنى بيصنعوا قلم رصاص مثلا
بتعمل منه 5 مثلا بجودات مختلفه
وبالتالى بأسعار مختلفه
ودا شىء ذكى جدا
يعنى أصبحت الصين لها سوق فى كل البلدان
تقدر تتفق مع المصنع فى الصين ينتجلك أى برودكت على حسب فلوسك
يعنى تقله عايز القلم الفلانى الواحد يكلف 3 جنيه مصرى
يعملهولك نفس الشكل بجوده 3 جنيه
طيب لغايه هنا فى عيب على الصين
دا فى وقفه وصقفه وأعجاب بالصين مش العكس
الى بيحصل أن مصر مفهاش مواصفات قياسيه للبضائع المستورده
يقدر أى حد يستورد أى حاجه بأى جوده طالما هيرش رشه جمارك جريئه وكله بتمنه
وبردو زى مقدر يعمل كل حاجه يقدر يبيع برده بالسعر الى هو عايزه بدون رقابه
فالمستورد بيستورد حاجات ذات جوده ضعيفه يقدر يبعها بأضعاف تمنها وللأسف بيلاقى ألى يشترى
يعنى المشكله مشكلت مصر مش الصين و بلاش نظلم الصين وياريت نتعلم 1% منهم
الى عايز أقوله من كل الكلام دا أن الحكم على شىء أنه صينى يبقى وحش دا حكم سطحى و خاطىء
كل شىء صينى فى مصر وحش دا كلام صحيح
كل شىء صينى فى العالم وحش دا كلام غلط
الاسواق الامريكيه "الى ليها مواصفات قياسيه فى كل شىء" مليانه بالمنتجات الصينيه هل زى الى عنك!
فى الشكل اااه
لكن الجوده لا تقارن
يبقى لو فى حاجه معموله فى الصين متحكمش عليها إلا لما تعرف مين الى عامل معاهم الديل فاهمنى
إن كان ليه عتاب على الصين أنها لأى منتج بتكتب عليه صنع فى الصين
الكويس والوحش
ودا أضر بسمعته منتجاتها
المفروض علشان يبينوا أنها مشكله إستيراد يتكتب صنع فى الصين "كاتاجورى كذا"
نقوم نفحم أن فى بلاص بيستورد زباله ويبعهلنا

كلام صح 10000000000%