شكر لك ياصديقي بس عايز اعرف اسبابك لتمييز لانسرايا كان محركها عن الصني وكمان السوبر صالون
ايوة ياباشا ضيقه و كراسيها ضيقه و متعبه لو واحد مليان سنه مش تخين او طويل شويه
وبالنسبه للمقارنه بعربيات تانيه فهى اضيق صالون فى فئتها يعنى اضيق من السيراتو بكتييييييير و برضه اضيق من الالنترا بكتير و الاوبترا
يعنى كل العربيات اللى فئتها اكبر منها فى المساحه الداخليه بس العربيه حلوة وهو ده يعتبر العيب اللى واضح فيها بجانب صوت الماتور العالى والتقفيل المصرى والعزل يعنى والعربيه دايره صوت الماتور بيبقى صوته عالى جوه العربيه كمان و مزعج بس و التكييف معروف طول عمره فى النيسان انه بياثر فى سحب العربيه انما لو بصينا لقوة الماتور فى العادى فهو جيد و سحبها حلو و عربيه محترمه على الطرق السريعه وستابلتى عاليه (على فكرة احنا كنا حنجيبها قبل ما نجيب السيراتو بس لما اتفرجنا عليها من جوه معجبتناش خالص بسبب الضيق ده و صوت الماتور العالى و انه مسموع بوضوح فى العربيه من جوه و كمان من جوه تقليديه جدا يعنى احنا كان معانا فيرنا و بعناها و كنا بنتفرج على الصنى محسناش بفرق كبير فى الرفاهيه من جوه انما فعلا السيراتو تخطف من جوه والله فعلا مش علشان معانا انت حضرتك ممكن تتفرج عليها فى اى معرض بس تكون فئه عاليه لان الفئات الاولى خاماتها مش حلوة اوى زى الفئات العاليه وكمان الالنترا احسن و اوسع كتير من جوه)
بصراحة يا ريس انا ركبت الاتنين
واللانسر من امتع العربيات اللى ركبتها سواء كنت قاعد او سايق
صاجها اجمد وعفشتها تحفة واحساسى بيها ع الطريق انها تقيلة وكمان واسعة من جوة فى قعدتها سواء قدام او ورا (على فكرة طولى 185 سم ووزنى داخل على ال90 كجم)
أما الصنى فمشكلتها معايا انى ما باحبهاش لا شكل ولا مضمون وكمان التقفيل المصرى لامؤاخذة زى البطيخة انت وحظك ولا بتفرق فيها كماليات من عدمه
كلها محصلة بعضها وتحس لما تاخد مطب خاصة لو كان حفرة ان العربية بتتنطط كده ولا الهيونداى وعلى السرعات العالية باحس بانها خفيفة قوى بغض النظر عن عوامل الامان والسلامة اللى فيها وحتى لما بتتخبط فى اى حتة صاجها وحش بيبقى شكلها عفش وكمان سعر اعادة البيع زفتتتتتتتتتت
والصالون ضيق قدام لازم ارجع الكرسى للأخر وطبعا اللى ورايا لازم يكون عيل صغير عشان يقعد مستريح
ده احساسى وخبرتى مع العربيات اللى شفتها حواليا والله أعلم