سلام الله عليكم
يعني ايه فلاتر رياضية
وايه الفرق بينها وبين العادية
وهل يركبو لأي عربية
وايه التأثير اللي هيختلف عن العادي
وشكرا لكم
وجزاكم الله كل الخير
سلام الله عليكم
يعني ايه فلاتر رياضية
وايه الفرق بينها وبين العادية
وهل يركبو لأي عربية
وايه التأثير اللي هيختلف عن العادي
وشكرا لكم
وجزاكم الله كل الخير
وعليكم السلام
لو حضرتك تقصد فلاتر الهوا الرياضيه فهى بتزود سحب السياره وتقلل الوقت المطلوب من 0 الى 100 بس مش بنسبة كبيره ده غير انها بتعمل صوت جميل بالنسبة لناس وناس تانية بتكرهه بس لما تشد يعنى على ار بى ام عالى فوق 3000 تقريبا (انا بحبه)
وهو صوت هجومى ورياضى واعتقد على حد معلوماتى انها بتتركب للسيارات التى تعمل بنظام الحقن الالكترونى لكن الكربراتير الله اعلم فى ختلاف فى النقطه دى
ودى صور للرياضى
http://www.v-tuning.com/images/P1010027.jpg
http://www.subaru4you.co.uk/images/p...ilters-big.jpg
ودى صور العادى
http://image.superstreetonline.com/f...ock_filter.jpg
http://www.explorerforum.com/photopo...ir_box_001.jpg
http://www.2carpros.com/how_to/image...air_filter.gif
وبردو مستنين اراء الخبراء وتصحيح وتكملة المعلومات :36_1_1[1]:
كلامك كله صح الفلاتر مش بتركب غير االعربيات الحقن الالتكرونى وصوته جامد اووى
جزاكم الله كل خير
شكرا لكم
تمام كدة
للعلم هو بيعمل صوت زئير حلو , ويقال انه بيزود قدرة المحرك من 2-5 احصنة والله أعلم
بتركب للعربيات الكرباراتير برضو
كان في موضوع في قسم متسوبيشي هدور عليه
انا قرات الموضوع كويس
انا هتكلم عن خبرتى انا من موضوع دراستى بصفتى انى مهندس ميكانيكا
الموضوع ليه اسمه فلتر هوائى معايا او ايه و ظيفته
الاول بس نعرف دورة الاحتراق الداخلى للموتور بتكون عباره عن ثلاث اشواط المهم فى شوط قلى هو دخول شحنة وقود و شحنة اكسجين للتساعد على الاشتعال صح لانى من غير اكسجين الوقود مش هيحترق صح كده طيب الموتور عاوز شحنة اكسجين نقيه من الاتربه و عوالق الجو علشان الاتربه و العوالق بتعمل على تسلخ البستم من الداخل
يبقى ملهاش علاقه فى القدره الحصانيه للمحرك الموضوع فلاتر يعنى تنقية الهواء فقط لا غير للمحرك
الفلتر الرياضى ملهاش علاقه فى القدره الحصانيه للمحرك
يارب اكون وافقة فى الشرح المبسط
الكلام دة مش صحاقتباس:
المشاركة الأصلية كتبت بواسطة engahmedsayed
اى محرك فى الدنيا له كفائة حجمية volumetric efficiency و دى بتمثل قدرة المحرك على ملء حيز غرفة الحريق بزيج الهوا و الوقود و عادتا بتبقى الكفائة الحجمية نسبة بتختلف حسب تصميم الموتور... يعنى لما نقول على مكنة 2000 سى سى ان كفائتها الحجمية 85% يبقى المكنة دى بتقدر تسحب 1700 سى سى مزيج هوا و بنزين فى حيز ال 2000 سى سى
طيب ال 15% دول ضاعوا ليه؟؟؟... دول ضاعوا نتيجة المقاومة اللى فى منظومة مكونات ممرات السحب بدءا من مواسير السحب و فلتر الهواء و عمة الفلتر و الresonaor و البوابة و منافولد السحب نفسة و فتحات وش السلندر المؤدية لىصبابات السحب
اذا من البديهى اننا كل ما قللنا المقاومة دى المكنة حتسحب خليط اكتر (او بشكل ادق هوا اكتر) و بالتالى الكفاءة الحجمية حتزيد و علية خرج المكنة حيزيد... من ضمن طرق تقليل المقاومة دى هو تغيير الفلتر القاسى بفلتر رياضى... هنا بنقلل المقاومة اللى بيعملها الفلتر الاصلى بالresonator و تصميم العمة (و مواسير السحب لو الفلتر ركب بماسورة ستانلس) و بالتالى الهوا بيمر بسهولة اكبر الى داخل المكنة و الكفاءة الحجمية بتزيد
طبعا فيه طرق تانية لزيادة الكفاءة الحجمية منها تركيب بوابة اكلر او منافولد سحب بتصميم فيه زوايا حادة اقل او توسيع فتحات وش السلندر porting
و طبعا ممكن تركب تربو او سوبر شارجر و هنا الكفاءة الحجمية بتعدى 100% لان نظريا المكنة بيبقى فيها كمية هوا اكبر من سعة المكنة اساسا
انت ازاى مدرستش الكلام دة فى قسم ميكانيكا السيارات؟؟
MMamdouh
استاااااااااااااااااااااا ااذ
استاذ
يبقى المفروض يبقى اسمه شفاط مش فلتر
يا استاذى العزيز ياعنى ايه كلمة فلتر
كلمة فلتر يعنى تنقية و الفلاتر دى انواع كتيير حسب استخدامه
يعنى على سبيل المثال
فلتر الزيت بقى المفروض يبقى رياضى علشان يعلى كفائه الحصانيه للمحرك
فلتر البنزين يبقى المفروض رياضى علشان يعلى كفائه الحصانيه للمحرك
انا مش شايف انو ليه قدره عليه قله ممكن يكون جودته اعلى فى التنقيه
الهواءفى حدود و ظيفته
و اى موتور ليه تصميم ميقدرش تخرج حساباته
و شكرا
على الرد و الايضاح
و المناقشه لا تفسد الموضوع
هو مش بيشفط هوا... هو بس مش بيقاوم مرور الهوا خلال عنصر الترشيح بتاعة بنفس درجة مقاومة الفلتر الاصلىاقتباس:
المشاركة الأصلية كتبت بواسطة engahmedsayed
ما احنا اتفقنا فى الاول ان توليد القدرة من المحرك مرتبط بشكل مباشر مع كمية البنزين اللى تقدر تحرقها... و بما ان البنزين محتاج هوا (او اكسجين تحديدا) يبقى الاعتماد الاساسى على كمية الهوا و البنزين اللى تقدر تحرقها فى الدورة الواحدة... بالتالى كل ما زادت كمية او حجم مزيج الهوا و البنزين اللى داخل للمكنة كل ما زادت القدرة المولدةاقتباس:
يا استاذى العزيز ياعنى ايه كلمة فلتر
كلمة فلتر يعنى تنقية و الفلاتر دى انواع كتيير حسب استخدامه
يعنى على سبيل المثال
فلتر الزيت بقى المفروض يبقى رياضى علشان يعلى كفائه الحصانيه للمحرك
فلتر البنزين يبقى المفروض رياضى علشان يعلى كفائه الحصانيه للمحرك
فلتر الزيت ملوش علاقة باداء الموتور لان دورة التزييت مش من عناصر تحويل الطاقة اللى فى البنزين الىقدرة حصانية من خلال عملية الاحتراق... و فلتر البنزين لا يمثل عنق زجاجة بالنسبة لدورة المحرك لان احتياج الموتور للهوا اكبر بكتير من احتياجة للبنزين (اكبر ب14.7 ضعف) بالتالى النقطة الاهم هى فلتر الهواء
هو فى الواقع العكس هو الصحيح...الفلاتر الرياضية كفائتها تقل حاجة بسيطة عن الفلاتر الاصلية فى موضوع الترشيح... مهو الفلتر مش حيدخل هوا زيادة مقارنة بالاصلى من غير ما دة ياثر على اداءة من ناحية الترشيح... و هنا تبان اهمية ان الواحد يشترى فلتر من صناعة محترمة زى K&N او Simota عشان يضمن كفاءة ترشيح كويسة لان غالبا الفلاتر الرديئة بتعدى تراب كتير و دة له تاثير سلبى على المكنة زى ما شرحتاقتباس:
انا مش شايف انو ليه قدره عليه قله ممكن يكون جودته اعلى فى التنقيه
الهواءفى حدود و ظيفته
اقتباس:
و اى موتور ليه تصميم ميقدرش تخرج حساباته
كلامك صح بالنسبة لتصميم المحرك و دة لا يتعارض ابدا مع اللى انا قولتة... لو فرضنا ان تصميم الموتور الاصلى بفلترة وبعمتة بيخللى الكفاءة الحجمية للمكنة 85% و قدرتها 100 حصان مثلا... و لو انا عايز ازود الكلام دة حغير تصميم الفلتر و العمة عن طريق استبدالهم بفلتر رياضى و دة حيرفع الكفاءة الحجمية الى88% و بالتالى القدرة الحصانية حتوصل الى 103 حصان
طبعا يا باشا و كل مناقشة بنائة بيستفيد كل من يشارك فيها و كل من يشاهدها و دة هدفنا فى المنتدىاقتباس:
و المناقشه لا تفسد الموضوع
MMamdouh
الف شكر على ردك و اسلوبك معايا فى الايضاح و الشرح
و زى منا قولت المناقشه لا تفسد الموضوع نهائى و اتمنى التواصل فى طرح المعلومات و الاستفاده
اكيد يا باشا
MMamdouh
ما علينا......
:11:
الفلتر الرياضى بيساعد اكتر على مرور كمية هواء اكثر الى المحرك وبالتالى زيادة معدل الاحتراق ,لوجود كمية من الهواء كثيرة" جاهزة للاحتراق فورا"لانة بيدخل الهواء مباشر الى غرفة الحريق وبشوائب قليلة جدا
وطبعا طالما زادت نسبة الهواء فى البستم لازم من وجود كمية بنزين تقابلة لتتم عملية الاحتراق كاملة وبصورة سريعة لدخول كمية اخرى اكبر من الهواء لانة الفلتر بيعمل على ادخال كمية هواء اكبر كلما ارتفعت عدد لفات المحرك
ومن هنا قوة المحرك هاتزيد بنسبة 2-5 حصان حسب حجم الفلتر وحجم السعة اللترية للمحرك
عيوبة :
1:صوتة المرتفع قليلا حتى على السلانسية
2:بيزود استهلاك البنزين بنسة 1 لتر عن المعدل الطبيعى
مميزاتة :
1:صوتة جميل جدا وممتع
2:بيعيش اكتر بكتير من الفلتر العادى لانة بيتغير كل 100,000 كيلو
3:فرق ملحوظ جدا فى السحب عن الفلتر العادى
معنى الكلام ان انا يعني لو شلت الفلتر و حطيط خرطوم واصل بانبوبه اكسجين ،، العربيه هطير ؟؟؟
حلوه دماغك عجبنياقتباس:
المشاركة الأصلية كتبت بواسطة macdiv
هههههههه
بس العربية مش هتطير نظريا لان الموتور هيديك اقصي كفائة حسب تصميمه
والعربية تقف اول ما الانبوبه تخلص
ونبقى نغير بنزين ونغير انابيب كل شويه :011:
ياباشا الله يخليك ،،، يبقى اكيد النيتروس بيعمل حاجه شبه كده :O_stupid[1]:اقتباس:
المشاركة الأصلية كتبت بواسطة skybird
جزاك الله خير يابشمهندس ، كان نفسي أفهم الفكرة دي من زمان .اقتباس:
المشاركة الأصلية كتبت بواسطة mmamdouh
موضوع الاكسجين دا في واحد فرضه قبل كدا
و وصلنا الا انه في احتمال كبير الموتور ينفجر او يحصل حريق ما