تم تغيير التيل 160جم
بوجيهات 85جم نوع فرنساوي 3شمعه
فلتر هواء40جم
فلتر بنزين 35جم
كنت لسه مغير بطاريه,جبت هانكوك 45 بدون القديمه 450جم
التوكيل نضف شويتين.
عرض للطباعة
تم تغيير التيل 160جم
بوجيهات 85جم نوع فرنساوي 3شمعه
فلتر هواء40جم
فلتر بنزين 35جم
كنت لسه مغير بطاريه,جبت هانكوك 45 بدون القديمه 450جم
التوكيل نضف شويتين.
ربنا يباركلك فيها يا اخى بس بخصوص البطارية مش 45 قليلة مش احسن لو جبت 55 فما فوق
و هل سعر التيل امامى و خلفى معا 160 أم ماذا و هل صينى أم المانى لأنى اعرف ان التوكيل عندة قطع غيار المانى مثل المساعدين المونرو
سعر التيل الأمامى فقط 160 جم و يوجد تقليد صينى ب 80 جم رغم أن الأصلى صينى برضه و لا تسألنى ما الفرق عشان التوكيل نفسه مش عارف !!!
160 كتير أنا جيبت الألمانى من برة ب110 جنية
بالنسبة للبطارية فأنا فى طريقى لتغيرها وهأخد القرار دة النهاردة بعد الكشف أن شاء الله
بطارية الشيرى 60 أمبير ساعة يعنى البطارية بتاعتك يا نوفو صغيرة على العربية - كنت جيبت ال 70 أمبير ساعة مناسبة ليها تماما
أنا طبعا شفت موضوعك يا باشمهندس خلف بتاع التيل و معلوماتك قيمة جدا يا باشا بس أنا مش عارف أعمل حاجة برة التوكيل عشان قصة الضمان اللى أنت عارفها
محمد باشا أنت فين ياعم ولا سلام ولا كلام
أخبارك أية اتمنى أن تكون بخير
الصراحة بالنسبة لموضوع التيل دة فية نوعين فى التوكيل لشيرى A11 موديل 2006 ولازم يبقى معاك العربية علشان يعرفوا أنت بيرطكب عليها أية
المهم نوع ب 80 ونوع ب 160 وطبعا سعر غالى لأنى جبت الألمانى ب 110
موضوع التوكيل وعلشان الضمان أنا معرفشى انت لو غيرت التيل برة التوكيل هيتكلموا معاك ولا لاة أنا مجربتش الموضوع دة لأنى أصلا مبروحشى التوكيل خالص والضمان مش فعال معايا - بس أنت ممكن تسأل وتشترى دماغك والألمانى طبعا احسن
بالمناسبة - مارش العربية هو هو مارش البيجو 504 ما عدا القلة والقلة دية مبيحصلشى فيها حاجة خالص - يبعنى لو قدر الله وحصل حاجة فى المارش ممكن تجيب مارش البيجو 504 وتركبة فيها
أنت شفت ممدوح باع الكاسيت بتاع العربية ب 150 جنية بس - مع أنى شايفة كاسيت كويس ويستاهل اكتر من كدة :-(
السلام عليكم يا محمد
انت بتقول انى بعت الكاسيت بتاع عربيتى الشيرى A11 ب 150 جنية انا كنت عارضة على السعر دة لكن كنت هنزل فية طبعا و بالفعل انا بعتة عشان اخلص ب 75 جنية مع إنى و اللة مشغلتش فية شريطين تلاتة و هو مختلف عن اللى فى العربية الكاملة زى عربيتك انت و محمد ابو عمار يعنى هو ببكرة و تسجيل عاااااادى جدا فميجبش اكتر من كدة
حاجة فى منتهى الغرابة التسجيل و السماعات ميجيبوش لو كانوا جداد اكتر من 120 جنية دة اية الإسترخاص دة شوف الإسبرانزا بينزل معاها اية اللى عجبنى فى A11 إنها اثبتت كفائتها و كل اللى معاة العربية بيشهدلها و لولا كدة مكنتش جبتها و ادينى غيرت السماعات و الكاسيت و ظبط فيها شوية حاجات بشئ و شويات
معلهش يا باشمهندس خلف فأنت و الأخ ممدوح واحشنى جدا جدا بس ظروفى هذه الأيام مش مضبطة خااالص بسبب قرب إنتقالى لعمل جديد إن شاء الله و بالتالى فأنا أقوم حاليا بتخليص كل ما ورائى صباحا ومساءا
ولكن على فكرة أنا متابع المنتدى يوميا و لكن سريع سريع حيث أقوم بالقراءة فى عجالة جدا
المهم أدعو لى ربنا يوفقنى فى الفترة الجاية
ربنا يوفقك يا محمد فى عملك الجديد و يعينك على ما انت فية و صدقنى انا مستنى تظبط امورك عشان نتقابل فى الشيخ زايد
ربنا يوفقك ويهديك غلى ما فية خير لك فى الدنيا والأخرة
ممدوح باشا - غريبة قوى موضوع الكاسيت أبو بكرة دة - المهم مبروك عليك الكاسيت والسمعات الجديدة عقبال الجى أم والبازوكا :-)
أية رأيكم فى رحلة بورسعيد يتاعت يوم السبت - حد فيكم جاى هيبقى يوم جامد قوى وفرصة نشوف أخبار قطع الغيار الأستيراد نظمها اية ونقعد مع بعض كلنا
لنفس السبب الذى ذكرته لك من قبل يا باشمهندس فلن أستطيع الذهاب لأى مكان خلال الفترة القادمة حيث أنى عندى شغل حتى الجمعة والسبت و ربنا يعين إن شاء الله
كما أرجو كما عودتنا دائما أن تعطينا نتائج دراساتك عن قطع الغيار بعد الرحلة إن شاء الله
و على فكرة أنا الكاسيت عندى برضه ببكرة فماذا تعنى بإستفسارك السابق
أية يا جماعة هو عربيتى سبيشيل أوردر ولا اية
1- الجنوط عندى مكتوب عليها بالأسود والأحمر كتابة شيك خالص -مش متذكر أية بالظبط - بس على ما أعتقد حاجة سبورت
2 - الكاسيت من غير بكرة غير بكرة الصوت والباقى بالمس - زراير شبة فلات
أنتم مش كدة برضة ولا أية - محمد أنا ركبت عربيتك وملاحظتش أختلاف فى الكاسيت والله اعلم
أخر الأخبار
1- سير الكاتينة يتم تغيرة على 60 إلف وسعرة 135 جنية
2- المارش مارش بيجو504 ما عدا القلة ودية مبيحصلشى ليها حاجة ولو أتكسرت ممكن تتصب زهر
3- البطارية 60 أمبير ساعة وممكن تجيب 70 وتشغل العربية زى الفل - غير كدة غلط
4- الشبكة لو حتة أتكسرت منة انا عرفت واحد ممكن يصب ليك الحتة المكسورة وتكمب بيها الشبكة وبعد كدة ترشها - جارى التنفيذ والأختبار- مشكور الأخ بشار
5- صيانة 50 إلف تكلف تقريبا 135 جنية 10/10
6- تم تسقيط موتور جولف 2000 للعربية A11 بدون تعديلات تذكر والموتور من بورسعيد والتركيب فى الحرفين وتكلف حوالى 7 إلف جنية - العربية بقت حصان وموتور ناعم دا - العربية وهيا بتقوم تلاقى الكبوت على والعربية وطيت من ورا - مشكور كريبتونكس للأفادة
7- أن شاء فى بورسعيد هبقى أشوف نظام المواتير إية
شكرا يا جماعه على تفاعلكم مع الموضوع,و احب اشكر استاذeng_mkhalaf علي مشاركاته القيمه جدا,بالنسبه لموضوع البطاريه فانا جبت نفس المقاس اللي كان محطوط فيها ,ومنصحش اي حد انه يزود لان مكان البطاريه بياخد مقاس الفابريقه بالضبط(علي فكره البطاريه لفت ..معكوسه)
بخصوص سوْال الاخ douha_wise عن ان العربيه تخرج من الضمان ولا لا...يا استاذي الناس اللي في التوكيل مش عارفه حاجه...عير اللي انته عاوزه بره ولو رحت التوكيل و قالك ميعاد تغيير التييل جه قوله مش عايز اغيره حققك و عادي جدا.
شكرا يا دوحة - وأنا فى الخدمة فى إى وقت
بالنسبة للبطارية يا نوفو فهى 60 أمبير ساعة ودية الأصلية - ومفيشى فى السوق 60 يبقى نحط 55 أو 70 وطبعا هيبقى ال 70 أفضل علشن محملشى على البطارية لكن 45 دية صعبة خالص كدة عمر البطارية هيقل خالص - أنا مستغرب أزاى الصلية عندك 45
مشكككوووووور أخى محمد خلف على أخبارك الطازة دايما و منتظرين أخبار تصبيح الشبكة الأمامية بتاعتك عشان عندى بتشاور عقلها
الأخ ممدوح : طال فراقك ووحشنا صوتك يا غالى
+1
أنا بالفعل بصيت على بطارية عربيتى الصبح و انا رايح الشغل لأنى استغربت من موضوع 45 امبير دة و لاقيتها 60 امبير و سيارتى كمان نصف كماليات يبقى كدة لو حبينا نشترى بطارية يبقى لازم نعمل كما قال محمد خلف إما 55 و انا لا أفضل أن تكون أقل منن 60 و إما 70 و هذا أفضل من وجهة نظرى و اتفق فى هذا مع محمد
ابو عمار حبيبى مين اللى مقصر انا و ألا أنت قولى بقى ؟
عموما أنا منتظر تفضى لإنى عايز اقابلك فى اقرب فرصة
شباب
باركولي
:)
من كلامكم الجميل إشتريت A11 موديل 2005
صراحة العربية تحفة
بس ليا شوية ملاحظات مش هايفيدني غيركو
إستهلاك البنزين الطبيعي بتاعها عامل إزاي ؟؟
أنا لما باحط 20 لتر بيكون الإستهلاك مش أكتر من 150 كيلو !!!
هل ده الطبيعي ؟؟ ولا فيه حاجة غلط ؟؟؟
تاني نقطة
هل قطع الغيار متوفرة ولا محتاج أروح للتوكيل ؟؟؟
لإني لما أخدت العربية من صاحبها لاحظت إن تيل الفرامل محتاج يتغير
ف هل التيل بيتباع في المحلات عادي ؟؟؟ ولا من التوكيل بس ؟؟؟
ولو ف المحلات
يا ترى إيه هي ؟؟؟
علما بإني ساكن في القاهرة - مدينة نصر
معلش يا جماعة أنا تعبتكو معايا
بس محتاج معلومات كتير نزرا لإني أول مرة أجيب الشيري :)