ممكن دكتور يترجملى تقرير الاشعة

**dr-mohamed** · 05-04-2010 11:43 AM

المشاركة الأصلية كتبت بواسطة baskota

هههههههههههههههههههههههه
معاك حق يا استاذنا
شكلهم مش دكاترة وبيضحكوا علينا وخصوصا الشاعر الصيدلى ده

بعد اللى بيعمله في العربيات بتاعته من الدايو لغاية اللانسر
وعدم معرفته بالتقرير
انا شكيت في مهنة تانية ليه

المشاركة الأصلية كتبت بواسطة pro_samir

يا دكتور ماهو لو حضرتك بتسيب الناس تسترزق في لجنة الأمتحان كانو طلعو من الكلية بحاجة مفيدة ، هيبقي مفيش مذاكرة ولا طول السنة ولا في اللجنة حتي ؟

يا دكتور سمير ما هم الاتنين مش عارفين بسبب التعاون الثقافي اللى كانوا بيعملوه في اللجنة
هما لو زاكروا من الاول كانوا عرفوا
واحد يقوله استني دكتور بشري
والتاني يقول يا ريتني كنت زاكرت الباطنة

المشاركة الأصلية كتبت بواسطة بحري

ههههههه..يعني الناس عملت اللي عليها ومرضيوش يفتوا..ينفع جو التوتر بتاع الأساتذة ده..فكرتني بالدكاترة عندنا في الكلية...نظام (ها..جاوب يا دكتور..ها..أمال حتعالج المرضى إزاي...ولما إنتو كده إيه اللي دخلكم طب أصلا...) هههههه .

ذ hhassan

صحيح ايه اللى دخلكم كلية الطب ؟؟؟؟؟؟؟؟

**Mzeid** · 05-04-2010 02:49 PM

ألف سلامة لوالد حضرتك

**medo2o1o** · 05-04-2010 03:07 PM

المشاركة الأصلية كتبت بواسطة cairo2005

بعد اللى بيعمله في العربيات بتاعته من الدايو لغاية اللانسر
وعدم معرفته بالتقرير
انا شكيت في مهنة تانية ليه

يا دكتور سمير ما هم الاتنين مش عارفين بسبب التعاون الثقافي اللى كانوا بيعملوه في اللجنة
هما لو زاكروا من الاول كانوا عرفوا
واحد يقوله استني دكتور بشري
والتاني يقول يا ريتني كنت زاكرت الباطنة

صحيح ايه اللى دخلكم كلية الطب ؟؟؟؟؟؟؟؟

والله مش موضوع مش عارف بس انا دكتور سنان و كانت الباطنة و الجلدية و الجراحة العامة و الرمد زى الهم على القلب اصلا احنا ماكناش ملاحقين على المواد بتاعتنا و كمان متعلمناش حاجة فى مواد بشرى الجراحة طول السنة كانوا جايبيين واحدة عندها toxic goitre و بيقولوا اكشفوا عليها و فى الامتحان ادتها عشرة جنيه ملتنى ال sheet بالانجليزى

و فى الباطنه نفس الكلام بس دكتور محمد الشايب شد حيله و نزلنا clinical examination مش مشكله برضه لاننا ادينا ال patients ال 10 جنيه اياهم و ملولنا ال sheet برضه بس والله انا عارف اترجم ال CXR بس مرضيتش افتى فى حاجة مش تخصصى

**Hhassan** · 05-04-2010 03:14 PM

المشاركة الأصلية كتبت بواسطة mohammed_ashraf

السلام عليكم
انا طبيب اشعة
في البداية سلامة الوالد الف سلامة
الموضوع انه في شوية تضخم في القلب بسبب تضخم متوقع في البطين الايسر ادى الى جعل الاوعية الدموية اكثر وضوحا في الرئة
مع وجود بعض الخشونة في الفقرات الصدرية و الرئتين لا يوجد بهما اي مشاكل باذن الله

و طبيب الاشعة اوصى بعمل فحص موجات صوتية على القلب

في رايي المتواضع الامر ان شاء الله بسيط
اعتقد ان والدك بيشتكي من كحة وبعض الاعراض الصدرية الاخرى
في الاغلب هي لسبب يتعلق بالقلب كنتيجة لارتفع مزمن في الضغط مثلا
في النهاية لا تقلق الامر بسيط ان شاء الله و ربما تحتاج مشورة احد الباطنيين و هذا الشكل من الافلام ربما يكون قريب من الطبيعي في كثير من الاشخاص في سن متقدم نسبيا
و شفاه الله و عافاه

متتشكر جدا يا دكتور محمد وهو فعلا بيعاني من الضغط من فترة كبيرة اكتر من 20سنة. وبيعاني من مشكل فى الكلى من حوالى تلات شهور

**Hhassan** · 05-04-2010 03:23 PM

المشاركة الأصلية كتبت بواسطة lonedoctor

الكلام اللى قاله الاخ مظبوط جزاه الله خير واضف اليه انه الزاوية اليمنى بين الرئة والضلوع غير واضحة وفى الغالب بيكون نتيجة ارتشاح بللورى ولو الوالد مدخن انصحك تعمل اشعة مقطعية بالكمبيوتر على الصدر افضل لان الاشعة دى عادية ولا يعتمد عليها الا فى الامور المبدئية البسيطة
وسلامات للوالد
د.شريف
استشارى باطنة

الف شكر ليك يادكتور شريف
بس هو الحمد لله الوالد مش مدخن

**أبو صلاح** · 05-04-2010 03:24 PM

أستاذ Hhassan
الف الف سلامة على الوالد
ويارب تطمئن عليه

بس معرفتش اسيب الموضوع منغير ما اعلق على شوية الدكاترة الحلوين اللي معانا في المنتدى

لا بجد طمنتوني لو حد طلب استشارة منكم

**heartman** · 05-04-2010 03:50 PM

السلام عليكم
يا جماعة طالما هنا فى دكاترة ... خاصة الأشعة .. كنت عايز اعرف مراكز الأشعة الخاصة بالنظائر المشعة على الجهاز اللمفاوى .. وتكلفتها تقريبا .. وشكراا