شكرا يا دكتور ع التقييم
بجد حببتني ف العربية
ربنا يباركلك فيها
رقم العضوية : 4028
تاريخ التسجيل : 08Jan2008
المشاركات : 174
النوع : ذكر
الاقامة : Zagazig
السيارة: Nissan Sunny Ex Saloon 2007
السيارة[2]: Nissan Bluebird Sylphy 2009
دراجة بخارية: No
الحالة :
السلام عليكم
البلوبيرد سيلفي
انا قصتي مع العربية دي بدأت في معرض اوتوماك 2009. كانت فيه واحدة كحلي منها منورة الجناح بتاع نيسان. و لأن جناح نيسان كان في اول المعرض، كانت اول عربية لفتت نظري يومها. و لما لفيت في لمعرض كنت باقارن كل عربية اركبها بيها، و في الاخر قبل ما امشي رحت و ركبتها مرة تانية.
المهم ان من يومها و انا باحاول استشف اي اخبار عنها وسألت في موضوع سابق اذا كان حد اشتراها و جربها مالقيتش.
المهم من حوالي ست اسابيع لقيت شركة اوتو ايجيبت عاملة عروض جديدة على العربية دي و تخفيض في سعرها فتوكلت على الله و اشتريتها بعد صلاة الاستخارة.
السيارة من انتاج مصنع دونج فونج الصيني المشترك مع نيسان. و الموجود في مصر منها فئة واحدة هي اللي انا باوصفها سعرها المعلن بعد التخفيض 132 الف بس ممكن تاخد خصم على السعر ده انت و شطارتك.
فيها فتيس اوتوماتيك و تكييف طبعا - باور ستيرنج كهربائي- 2 ايرباج- ABS,EBD, BA - فرش جلد - ابنوس- فتح التنك و الشنطة من الداخل- حوامل اكواب امامية و خلفية - زجاج كهربائي امامي و خلفي و بتحكم من عند السائق- انوار ضباب امامية و خلفية - مقابض نيكل - Smart Key لفتح و قفل السيارة و ادارة المحرك بدون مفتاح
و مواصفات السيارة موجودة على موقع نيسان مصر في الرابط التالي
Nissan Home
عايز اقول لكم ان العربية دي ادتني احساس رائع من يوم ما جبتها. عارفين زي ايه؟ زي اللي يخطب و يتجوز عن حب.
الفرق بين ركوب العربية دي و ركوب الصني عامل زي الفرق بين انك تخرج مع خطيبتك، و انك تخرج مع واحد صاحبك.
اولا الشكل الخارجي شيك جدا يديك احساس بالفخامة و الرقي. المنظر الجانبي (البروفيل) بالذات رائع. و كمان المقدمة و المؤخرة في منتهى الجمال.
الصالون الداخلي فخم جدا جدا، الكراسي مكسوة جلد و التابلوه مطعم بالخشب. العدادات واضحة جدا و انوارها و الوانها جميلة. العربية مجهزة براديو سي دي و ايريال الراديو موجود في الزجاج الأمامي. التابلوه للي شافوا التيدا فيه شبه كبير من تابلوه التيدا بس الخامات افخم.
اميز و احلى حاجة في العربية هي اتساع الصالون الداخلي. و بالأخص في الخلف. و على حد قول احد المواقع المتخصصة ان اتساعها الداخلي لا يصح ان يقارن بفئتها من السيارات متوسطة الحجم و انما يقارن بالفئة الاكبر مثل (تويوتا كامري).
الحاجة المميزة جدا في العربية دي ان مالهاش صوت تقريبا. العزل عن الأصوات الخارجية ممتاز و صوت الموتور بالكاد تسمعه لو بتشد.
الديريكسيون ناعم و تدوره بصباعك (Electric Power Steering).
و علشان كده اول ما تركب العربية تلاقي نفسك مرتاح في مكان واسع و فخم و هادي، و ده بالتالي بينعكس على طريقة القيادة، تحس انك مش عايز تشد و لا تجري. و ده ليس لأنك مش تقدر وانما لأن حالة الهدوء و الاستمتاع اللي انت فيها بتخلي سواقتك هادية علشان تستنى في العربية اطول وقت ممكن. ده حتى في الاسابيع الأولى كنت باتلكك لأي مشوار علشان اخدها و اخرج بيها و اسمع ام كلثوم كمان.
اماكن التخزين في الصالون كتيرة و الكونسول اللي في الوسط و هو مقفول يستعمل ايضا كمسند للذراع اليمين.
المتعة الكبرى بقى لما اخدت العيلة و ركبنا كلنا فيها. كنا كلنا مرتاحين و الأولاد ورا كانوا هايصين.
دلوقتي بخصوص اداء العربية.
انا قلتلكم ان مالهاش صوت، ولكن العربية دي من اللي يحبوا يشتغلوا في صمت. يعني لو حبيت تشد بيها استجابتها رائعة، و ناعمة جدا . الكيك داون فيها خطير.
هي باختصار في السحب زي الصني بس من غير صوت، و يمكن احسن شوية كمان.
سقتها على سرعة 160 بدون تكييف، و 140 بالتكييف (و حاولت ازود بس الطريق ما ساعدش بس العربية كانت بتقول) و الثبات الشهير بتاع نيسان و لا كلمة فيه. و في الغرز برضه مافيش مشاكل.
استهلاك البنزين: لو حسبت متوسط جوه و بره البلد و التكييف شغال معظم الوقت حوالي 220 كم الصفيحة.
على الطريق و سايق 140-160 و التكييف شغال 200-220 كم الصفيحة.
على الطريق و سايق 90-100 و التكييف شغال 320-360.
حاجة كده تفكرني بالكريستالة الله يرحم ايامها.
على فكرة السرعات و الإستهلاك ده و العربية محملة بالعيلة بكاملها مش و انا لوحدي.
الفتيس الأوتوماتيك بتاعها زي الصني زى التيدا فيه نفس النقلات و الأوفر درايف بس من الحاجات اللي مش فيها و افتقدتها: ال Shift Lock Override Button اللي هو الزرار الأحمر اللي قدام الفتيس في الصني اللي بيفك الفتيس من البارك و انت طافي العربية. و ده معناه انك لازم تركنها صف اول مظبوط و ما ينفعش صف تاني. و على فكرة ما بتحسش بالنقلة خالص و انت ماشي من شدة النعومة.
بالنسبة للعفشة
العفشة في منتهى النعومة يعني ما بتدبش في المطبات زي الصني ما بتعمل بس نعومتها دي بتديك احيانا احساس بالمرجحة في بعض المطبات بس مش حاجة مزعجة بالمرة. كمان هي تقريبا اعلى من الصني شوية
طبعا فيه حساس للركن في الاكصدام الخلفي ده غير ان المرايات الجانبية الرؤية فيها ممتازة اوسع و افضل من الصني. زر تشغيل المرايات الجانبية عامل زي بتاع الكورولا . اما مراية الرؤية الخلفية اللي في الصالون فالرؤية منها يعوقها درجة انحدار الزجاج الخلفي و وجود مسندين للرأس في الخلف, بس مقبولة.
من الآخر دي عربية تستاهل تمنها
طبعا مستعد لإجابة اي تساؤلات
مع تحياتي
د. عيد
ملحوظة: حاولت احمل صور و ما عرفتش
رقم العضوية : 3554
تاريخ التسجيل : 04Dec2007
المشاركات : 1,653
النوع : ذكر
الاقامة : Egypt
السيارة: ------------------
السيارة[2]: -------------------
دراجة بخارية: ------------------
الحالة :
رقم العضوية : 42527
تاريخ التسجيل : 13Jun2009
المشاركات : 1,009
النوع : ذكر
الاقامة : هرم
السيارة: يا مسهل
السيارة[2]: هوندا سيتى 2009
دراجة بخارية: لا يوجد
الحالة :
بصراحة العربية جميلة وكنت بفكر فيها
بس سعرها كان غالى شوية ...
ربنا يبارك لك فيها
رقم العضوية : 6201
تاريخ التسجيل : 22Feb2008
المشاركات : 12,866
النوع : ذكر
الاقامة : cairo
السيارة: nissan sunny ex 2008
السيارة[2]: Sonata 2013
دراجة بخارية: لا
الحالة :
فراتين لرفع الصور و الملفات - تحميل فراتين
ارفع الصور هنا وبعد الرفع اختار اول لينك وارزعه هنا :)
ومبروك
م/ احمـد عـزت
رقم العضوية : 2842
تاريخ التسجيل : 28Oct2007
المشاركات : 374
النوع : ذكر
الاقامة : الشرقية
السيارة: نيسان تيـــدا سيدان 2010
السيارة[2]: نيسان صنى 2006
دراجة بخارية: لا
الحالة :
مليون مبروك على العربيه
انا كنت بفكر اشتريها ولكن المبلغ لم يكن كافى وقتها وثانيا قلقت من موضوع الصين انا عارف انها نيسان ومش قلقان من الجوده انا فاهم طبعا ولكن سعر اعادة البيع فى حالة لو حبيت اغير هايزعلنى طبعا
رقم العضوية : 48866
تاريخ التسجيل : 05Oct2009
المشاركات : 514
النوع : ذكر
الاقامة : القاهره
السيارة: was sunny s.s.2010
السيارة[2]: FLUENCE H.L.2014
دراجة بخارية: لاتوجد
الحالة :
مش قاااااادر أمسك نفسى من الضحك ..... كل ما أفتكر التعبير ده أفطس على نفسى من الضحك لدرجة خايف إللى فى البيت يقولوا عليا إتجننت
المفروض يكون العنوان "قصة حب" أو "الحب من أول نظرة" ..
السيارة فعلا تستاهل وأنا إتفرجت عليها بنفسى وبصراحه بأستغرب جدا هى ليه مش منتشرة بالدرجة إللى تستحقها ، ولا أجد سببا لذلك إلا السعر فقط لاغير وأعتقد أن تقفيلها فى الصين ليس له أى علاقة بعدم إنتشارها وأنا أرى أن التوكيل لايبذل أى مجهود لتسويقها أو الدعاية والتعريف بها إطلاقا وسايب السيارة تبيع نفسها !!!
ألف ألف مبروك وربنا يباركلكم فيها ويحفظها ويحفظكم من شرها ويمنحكم خيرها .. آمين .. آمين .. آمين
#ff0000
رقم العضوية : 20625
تاريخ التسجيل : 30Sep2008
المشاركات : 1,579
النوع : ذكر
الاقامة : Alexandria
السيارة: دايو لانوس 2005 (Full Options)
السيارة[2]: Nissan Sunny 2010
الحالة :
شكراً على التقييم و ألف مبروك ربنا يعطيك خيرها و يكفيك شرها
اللهم أدخلنى مدُخل صدقٍ و أخرجنى مُخرج صدقٍ و أجعل لى من لدُنك سلطاناً نصيراً
مهندس/ محمد حمام
رقم العضوية : 4028
تاريخ التسجيل : 08Jan2008
المشاركات : 174
النوع : ذكر
الاقامة : Zagazig
السيارة: Nissan Sunny Ex Saloon 2007
السيارة[2]: Nissan Bluebird Sylphy 2009
دراجة بخارية: No
الحالة :
شكرا لكم جميعا
بخصوص اعادة البيع
انا فكرت طبعا فيه و لكن في الاخر قررت ان العربية دي ان شاء الله معايا على الأقل 5 سنين. ماهي قصة حب زي ما شفتوا. و بعد خمس سنين سعر اي عربية في الدنيا بيكون نزل. ثم ان الواحد بيشوف دلوقتي ناس راكبة عربيات عجيبة و غريبة. يعني فيه فئة من الناس و لو قليلة بدأت تخرج من اسطمبات ال (128-بيجو-مرسيدس) ثم (هيونداي-لانسر-كورولا) و اخيرا (هوجة السيراتو).
و انا كمان اعتقد ان بعد كام سنة العربية دي هتكون في وضع احسن من كده.
بخصوص السعر
هو كان 140 نزل بقى 132. اعتقد انك علشان تقيمه بص عالعربيات اللي ممكن تجيبها بالسعر ده و هل هتديك نفس المزايا
او بص حاجة زي الكورولا و بلاش نروح الأوروبي و شوف هتلاقي نفس المزايا دي بكام هناك.
و في الآخر دي مسألة تقديرية.
و بصوا عالموضوع ده
http://www.nilemotors.net/Nile/139112-a.html
مع تحياتي
د.عيد
رقم العضوية : 1946
تاريخ التسجيل : 28Aug2007
المشاركات : 1,872
النوع : ذكر
الاقامة : الامارات - أبوظبي
السيارة: بيجو 207 - 2009
السيارة[2]: نيسان باثفيندر 2014
دراجة بخارية: عمرى ما سقتها
الحالة :
الله ينور عليك يا دكتور عيد
يا سلام بقا شوية صور ، يبقى كتر خيرك
وربنا يباركلك فى العربيه ويحفظك من كل سوء
رقم العضوية : 12120
تاريخ التسجيل : 02Jun2008
المشاركات : 1,718
النوع : ذكر
الاقامة : Cairo
السيارة: Nissan
السيارة[2]: Leony
دراجة بخارية: no
الحالة :
ربنا يباركلك فيها
اللهم اغفر لنا وارحمنا انت مولانا فانصرنا علي القوم الكافرين
ادخل علي الرابط التالي و لن تندم
http://www.shbab1.com/2minutes.htm
المفضلات