تويوتا كورولا فيرسوا في المنصورة .....

**أبو عبدالله** · 15-01-2008 05:19 PM

انا شوفت العربيه دي من اكتر من سنة ولكن بما انها مش دائمة الظهور خالص لما شوفتها تاني مره روحت مصورها لن العربيه بصراحه جميلة جدا وتصميمها وتصميم التابلوه جميل جدا

العربيه انتاج اوروبي وبتنزل في اوروبا فقط وتقريبا في اليابان باسم ماتريكس

وهنا صور لها من الداخل
الحجم الداخلي لها

وهنا من الخارج

**CryptonX** · 15-01-2008 05:21 PM

سيارة فوق الممتازة .. قرايبي في الممكلة المتحدة معاهم واحدة و بيشكروا فيها جدا !
بس مينفعش تنزل بلدنا .. سعرها غالي عن الكورولا العادية اعتقد

**ابو سيف** · 15-01-2008 08:38 PM

ما شاء الله العربيه فوق الممتازة و شكلها رائع و تصميمها الداخلي تحفه بس هوا ازاي يبقا نفس النوع يعني كورولا و يبقا التباين الرهيب دة في كل حاجة في الشكل و الحجم و المضمون و كل حاجة مش المفروض تبقا تيوتا فيرسو و لا عادي ان يكون في عربيتين كورولا بينهم ذلك البون الشاسع ؟؟

**شاهين - بنز** · 15-01-2008 10:10 PM

العربية دي مشهورة جدا في أوربا أكتر من الكورلا العادية
وعلى فكرة في يارس فيرسو كمان

**أبو عبدالله** · 16-01-2008 12:13 AM

وفي افينسيس فيرسو كمان

**Ahmed Samy** · 16-01-2008 12:17 AM

ماهم دول ولاد الحاج فيرسو الله يرحمه :)

**Chicco** · 16-01-2008 01:28 AM

ازاي يبقا نفس النوع يعني كورولا و يبقا التباين الرهيب دة في كل حاجة في الشكل و الحجم و المضمون و كل حاجة مش المفروض تبقا تيوتا فيرسو و لا عادي ان يكون في عربيتين كورولا بينهم ذلك البون الشاسع ؟؟

زاي ما الاخ أبو عبد الله تفضل و قال هي اسمها Matrix في أمريكا الشمالية
هي مش كورولا و لو إن فيها منها كتير
أنا سقت موديل ٢٠٠٧ و كانت هايلة لكن موديل ٢٠٠٩ حيبقى أحسن و حيتوفر منها طراز دفع رباعي AWD
ده موديل ٢٠٠٧

و ده ٢٠٠٩