لا هو طبقا لقواعد الكلية الماجيستير أقله سنتين و أخره 4 سنين و ممكن تاخد سنة زيادة بموافقة الدكتور المشرف على رسالتك بس خلى بالك متزنقش نفسك على 5 سنين.
أنا كنت بحضر فى جامعة أسكندرية و خلصت تيرم و بعدين لفيت على مشرف ملقتش كلهم يقولولى مش فاضيين و معانا رسايل,,و أجلته سنتين لأنى أشتغلت فى القاهرة و لما رجعت قابلتنى مشكلة انهم مخليين المحاضرات فترات صباحية و لازم أحضرها..طب يا جماعة انا بشتغل...يقولوا لأ من حقك تاخد يومين تفرغ من شغل طبقا للقانون عشان تحضر المحاضرات...و طبعالو رحت قلت لشغلى انا عايز يومين تفرغ أكيد بهرج ده غير ان أصلا محاضراتهم متوزعة على اكتر من يومين مثلا حد و اتنين و أربع...و انا باخد أجازة السبت أصلا من الشغل..يعنى هم عايزنى عشان أحضر المحاضرة بقى أتفرغ طول الأسبوع و أسيب شغلى اللى بيأكلنى عيش. أضطريت اسيبهم للسنة التالتة و لما واحد صحبي شجعنى بعد ما كنت شايف الموضوع مقفل و قالى ان الدنيا اتغيرت لقيت أن مفيش مشرف راضى يسمحلى بالسنة الخامسة (كان فاضلى سنة و نص على ال5 سنين و مدة الدراسة اللى فاضلالى سنة و نص يعنى بالضبط ألحق أخلص) و برضه لقيت المحاضرات فترات صباحية. كلمت دكتور من اللى بيدوا محاضرات كمحاولة أخيرة انه يسمحلى أغيب عن المحاضرات مرضاش... فشطبت قيدي و سبتهم