الموضوع: عايز أقدم علي ماجستير هندسه؟

المشاركة الأصلية كتبت بواسطة eng:mohamed

اللى سمعته انك لو جايب تقدير يعنى مثلا جايب جيد
من حقك تعمل ماجستير على طول..لا دا انت حتعمل ماجستير على طول و مينفعش تعمل دبلوما
و مدته تقريبا من 4 الى 5 سنوات
لو مش جايب تقدير وطالع بمقبول.لازم تعمل دبلوما و مدتها سنتين

شكرا ليك يا باشا
بس انا عايز معلومات اكتر

المشاركة الأصلية كتبت بواسطة AhmedAbdFat

بص حضرتك

بالنسبة للتقدير هو المفروض قانونا انك لازم تكون جايب جيد على الاقل علشان تعمل ماستر و بيكون سنتين

و لكن بعض الاقسام بتطلب اكتر من جيد و ده على حسب عدد الناس اللى مقدمة لانهم بياخدوا عدد محدد يعنى قسم ميكانيكا هندسة اسكندرية السنادى واخدين الماستر من 71 % بالرغم انهم السنة اللى فاتت اخدوا من 65% فبالتالى كل قسم على حسب العدد اللى مقدم فى نفس السنة

طبعا حضرتك بتقدم ورقك و ملفك و بعد كده يا يتقبل يا لأ و اللى ما بتقبلش ممكن يقدم على دبلوما و بتبقى سنتين برده بس الدبلوما درجة علمية اقل من الماستر بس اعلى من الباكلوريوس

النقطة التانية : من حقك تقدم فى قسم تانى غير اللى انت متخرج منه بس هتاخد سنة تحضيرية هتدرس بعض المواد اللى تأهلك تعمل درسات فى القسم ده سواء ماستر او دبلومة على حسب التقدير المطلوب فى القسم
انا خريج ميكانيكا و قدمت على دبلومة فى قسم كهرباء (الماستر خادوه من جيد جدا السنادى فى قسم كهربا) و كان فيه سنة تحضيرية

النقطة التالتة : من حقك تقدم فى اى جامعه تانية غير الجامعه اللى متخرج منها طالما الجامعه اللى حضرتك متخرج منها معترف بيها من وزارة التعليم العالى فى مصر و بيطلبوا شهاده اسمها تفصيل مواد و ديه بتطلع من الجامعه الى انت متخرج منها و بيكون فيها وصف لكل المواد اللى درستها خلال ال5 سنين

و ساعات بيطلبوا شهاده اسمها عدد الساعات و التقدير و بيكون فيها كل ماده درستها كام ساعه و تقديرك فيها كام

و طبعا اللى بيوافق على ملفك هما الدكاترة المسئولين عن الدراسات العلية فى القسم .

و بيطلبوا شوية ورق تانى بس بسيط زى شهاده الميلاد و الجيش و حاجات تانية

و المستر انواع فيه نوع اسمه course work و ده بتدرس مجموعه مواد و بعدين بتمتحن فيها اخر السنة و النوع التانى research work و ده عملى بيبقى بحث فى حاجة معينة (بتحددها مسبقا) و بتقدم رسالة و فيها مناقشة فى الاخر حاجة زى مشروع التخرج كده بس على كبير شوية و فى نوع تالت (mixed)بيبقى مختلط كام ماده تدرسها و بعد كده بحث

و غالبا مواعيد المحاضرات بيبقى بعد 7 مساءا و ده مراعاه لظروف الناس الخريجة اللى بيبقى عنده شغل الصبح

و سمعت انه فى النوع الاول ده فيه تعليم عن بعد يعنى سيديهات عليها شرح فيديو للدكاترة بدل ما تحضر فى الكلية مش متأكد ياريت حضرتك تسألنا ؟

مصاريف النوع الاول بتبقى على حسب الكلية بس تقريبا 200 جنية لكل ماده (مش متأكد) النوع التانى معرفش مصريفه كام

ده بصفة عامة و لكن كل قسم و كل كلية بيكون ليها شروطها الخاصة فالحل ان حضرتك تروح تسأل فى الادراة فى جامعه عين شمس و فى القسم نفسه كمان عن المطلوب بالضبط

و بالتوفيق يا هندسة

السلام عليكم

انا هفكر بصوت عالي شويه

1- انا متخرج من 7 سنين هندسة شبرا قسم اتصالات و الكترونيات تقدير جيد بس مشتغلتش في نفس تخصصي الي الان فبلتالي انا محتاج فرصه ان اراجع دراستي من ابريل الي سبتمبر
بس محتاج شوية مساعدة كدة ابدا اراجع digital communication
او غيرها

2- التويفل و انا معرفش حاجه عنها

بكده اكون حضرت نفسي الاربع اشهر القادمين و افتكرت شوية

3- في التقديم امامي ثلاثه خيارات يااما كليتي القديمه هندسه شبرا او عين شمس او الاكاديميه البحريه
ياريت لو حد عنده خبره في الماستر في التلاته دول يبلغني ضروري من حيث
-الماده العلميه
-المستوي الدراسي
-المواعيد
و غيره


4-انا اعرف الماجستير 4 سنين طب الدنيا ماشيه ازاي
يعني كل يوم محاضرات من 5 مساء
او لو حد عندة تجربه ياريت يقولها

بس كدة لغايه مفتكر كمان

up



-