الموضوع: حصبه المانيه

ابني عمره سنه ونصف من اربع ايام جت له سخونيه شديده يعني 39 درحه تقريبا المهم الدكتور شخص التهاب في الحلق وعالجه علي الاساس ده المهم لما الحراره قلت بعد ثلاثه ايام ظهرت حبوب حمراء علي جسمه فالدكتور قال ان دي كانت حصبه المانيه وهو كده خلاص بيخف

المشكله ان مراتي حامل في بدايه الشهر الرابع و خايف جدا تكون اتعدت منه خصوصا انها مش متطعمه ضد الحصبه الالمانيه

انا مبدئيا عزلت الولد عند جدته من ساعه ما عرفت

وعملت تحليل لمراتي للحصبه الالمانيه عدوي قديمه و جديده لكن النتيجه لسه بالليل
يا ريت اللي عنده خبره في الموضوع ده ينصحني اعمل ايه لاني خايف جدا

ربنا يستر ادعولي

يا جماعه انا جبت التحاليل من شويه الحمد لله هي كويسه وهأعرضها علي الدكتور بكره ان شاء الله بس اخد رأي دكتور باطني ولا نسا ؟

Rubella IgG H 233.3 Positive
Rubella Igm 0.107 Negative

الكميائي في المعمل قال لي ان كده كان فيه عدوي قديمه وليها اجسام مضاده في الجسم ومفيش عدوي جديده
انا متردد اجيب الولد البيت ولا احسن استني شويه