الموضوع: موسوعة المطبات المصرية!

دى المطبات الرسمية اللى فى شوارعنا الرئيسية بس فى شوارع تانية فرعية ارشها تاخد جايزة المراجيح بجدارة.

التصميم الطبيعى لعينة القطة هو ان تكون تحت منها ياى لامتصاص الصدمة وعدم تحميلها بالكامل للعربية, وقد صنعت فى دول العالم الخارجى بديلا للمطبات لانها تصدر اصوات عالية بمجرد المشى عليها مما يترتب عليه ان السائق يهدىء السرعة قليلا, وطبعا كالعادة نحن اخذنا نصف الفكرة فقط وتركنا النصف الاخر فاخذنا العيون بدون اليايات وعموما فهى من اشرس الاعداء لعفشة اى سيارة والحل الوحيد لها ان تقود فوقها اقل من 10 كم/س او اكثر من 100كم/س وهذا هو الحل الوحيد لتلافى اثارها المدمرة, وبالنسبة لى اسوء مطب اكلته واسوء طريق مشيت عليه هوا طريق دمياط المنصورة, ولا اعرف لماذا لا يتم رصف هذا الطريق المهم والغريب ان شكل المطبات يعطيك احساس اننا نعيش فى احراش ومجاهل افريقيا "وتحس كان المطب بيبصلك وبيقولك تعالى يا كابتن"

هى المطبات العالية مشاكلها مش زى الحفر أو البلاعات اللى مش متساوية مع الطريق ، هاقولكم على شوية الحفر والبلاعات اللى فى طريقى كل يوم وانا رايح وجاى من الشغل.

نهاية المحور وقبل ما تطلع الكوبرى اللى بينزلك فى ميدان لبنان فى الحارة الشمال بلاعة مش متساوية مع الطريق كلتها مرة وبعد كدة بقيت أخد يمين الطريق اول لما أقرب منها.
شارع السودان بعد ما تعدى التقاطع بتاع أحمد عرابى وانت رايح فى اتجاه الكيت كات فى بلاعتين ورا بعض تحت مستوى الطريق بحوالى 15 سم
على الكورنيش قدام عمارات أغاخان بعد ما تعدى مستشفى معهد ناصر خليك فى الحارة اللى فى النص وابعد عن الشمال علشان البلاعة الجميلة اللى بشوفها من ساعة ما بدأت اسوق عربيات ومش عاوزين يصلحوها
أخيرا على الدائرى بعد ما تعدى الكوبرى اللى فوق النيل وانت رايح فى أتجاه المرج فى فاصل من بتوع الكوبرى ، الحديد بتاعه مثشال من مكانة وعامل حفرة عمقها حوالى 30 سم ودى موجودة فى الحارة التالتة من الطريق. المرة اللى كلت فيها الحفرة دى طيرت الطاسة والجنط اتعوج

تمنياتى بالسلامة للجميع

انتوا لو قاعدتوا تكتبوا على المطبات اللى فى البلد دى ...المنتدى مش هيكفى ولا لو عملنا عشر منتديات كمان بردة مش هيكفى.....فاياريت تسبونا ناكل المطبات وخلاص ....وندعى على اللى عاملها.....بس على فكرة الناس اللى برة بيصمموا العربيات على الشوارع بتاعتهم النضيفة ودى مشكلة كبيرة ولازم نبطل نستورد عربيات منهم لغاية مشوفولنا حل ...

أشرس مطب أكلته كان على طريق دمياط المنصوره العربيه طارت بيا فعلا ونزلت متجهه بقوه ناحيه ىالحاجز الأسمنتى لكن الله سلم وتمكنت من السيطره على العربيه وبالمناسبه كانت بيجو 405
وفى جماعه أصحابى أكلوا مطب فظيع على نفس الطريق بعربيه ابيزا وبرضه العربيه طارت ونزلت فوانيسها وشبكتها متكسره ودراعتهم بتوجعهم وجسمهم وبالمناسبه المسافه من المنصوره الى دمياط عليها 42 مطب العدد وظبوط 42 وبدون مبالغه

أشرس مطب أكلته كان على طريق دمياط المنصوره العربيه طارت بيا فعلا ونزلت متجهه بقوه ناحيه ىالحاجز الأسمنتى لكن الله سلم وتمكنت من السيطره على العربيه وبالمناسبه كانت بيجو 405
وفى جماعه أصحابى أكلوا مطب فظيع على نفس الطريق بعربيه ابيزا وبرضه العربيه طارت ونزلت فوانيسها وشبكتها متكسره ودراعتهم بتوجعهم وجسمهم وبالمناسبه المسافه من المنصوره الى دمياط عليها 42 مطب العدد مظبوط 42 وبدون مبالغه