عرض للطباعة
انا حاليا عندى لانوس و عايز انقل على عربيه جيده و اقتصاديه فى الصيانه و قطع الغيار و معمره و بها شنطه تفى لاحتياجات اسره مع وجود طفلبن الميزانيه من 100000 الى 120000 و طبعا افضل الأقل
و امامى الأختيارات :
1- اوكتافيا a5 موديل 2006 عامله 50000 kmفابريكه و حالتها جيده فى حدود 115000
2- لانسر شارك خليجى ممكن زيرو000 120 او مستعمل عداد قلبل بنفس سعر الأوكتافيا او اقل
3- احجز فلونس اول فئه اوتوماتيك و طبعا الصيانه ممكن تكون مكلفه عشان رينو بس معرفش حاجه عن فلونس بذات
وشكرا على النصيحه
رينو فلونس
- اوكتافيا a5 موديل 2006 عامله 50000 kmفابريكه و حالتها جيده فى حدود 115000
50000 رقم مش سهل .. بس لو تمنها ينقص شويه ممكن تكون مغريه
2- لانسر شارك خليجى ممكن زيرو000 120 او مستعمل عداد قلبل بنفس سعر الأوكتافيا او اقل
لو لانسر وزيرو طبعا أفضل وقطع غيار منتشرة اكتر بكتير وارخص
بس صيانة الخليجي التوكيل بيدفعك اكتر من العربيات الوكيل
3- احجز فلونس اول فئه اوتوماتيك و طبعا الصيانه ممكن تكون مكلفه عشان رينو بس معرفش حاجه عن فلونس بذات
أكترهم امكانيات وشكل جديد وفيها كماليات للصبح ..
بس قطع غيار غاليه لأن العربيه لسه جديده ع السوق ..
نستبعد الاوكتافيا لو فضلت بنفس السعر ..
يبقى قدامك اللانسر الشارك خليجي .. او الرينو فلوانس ..
متهيألي قربين من بعض .. شوف الانسب ليك مع مراعاة ان اللانسر كشكل مالية الدنيا والفلوانس مميزة عشان جديدة ..
كمان رخص قطع غيار الاولى وتوافرها ميزة برضه لصالح اللانسر ..
موضوع يحير بس غالبا كفة اللانسر ارجح ..
ربنا يرشدك للي فيه الخير ليك ونقول مبروك مقدما
ألفي بشرى
اذا كنت عملي و عايز تاخد حاجة مضمونة زي الجنيه الدهب و سعر اعادة بيع مش حتخسر فيه مع سرعة بيع يبقي الشارك بلا شكاقتباس:
المشاركة الأصلية كتبت بواسطة amr_shn
انما الاوبشن في الفلوانس اعلي بصراحة ده كفاية فتحات التكييف اللي مرطرطة في العربية و بالنسبة لقطع الغيار طالما العربية زيرو يبقي احتياجك لقطع الغيار مش قبل 3 سنين و اكيد وقتها الاسعار حتكون نزلت كتير
علي فكرة انا معايا لانسر انما ميال للفلوانس بالنسبة لك لاني لو مكانك حختار الفلوانس و لكن تبقي نقطة مهمة هل الفلوانس فرنساوي؟
انا شايف ان الشارك هيا اللى تكسب فى المقارنه دى (وبدون تحيز)
بالنسبه للاسكود عربيه عائليه واسعه بس قطع الغيار غاليه والصيانه مكلفه وكمان مستعمله حتى لو كانت 50 الف كم بس وشكلها اصبح قديم كمان
بالنسبه للفلوانس عربيه جميله جداا وامكانياتها وكمالياتها رائعه بصرف النظر عن التقفيل التركى بس قطع الغيار غاليه وسعر اعاده البيع لسه مش مضمون علشان العربيه لسه لم تنتشر بالقدر الكافى .. يعنى على الاقل الواحد يستنى عليها سنه ولا سنتين علشان يقيم سعر اعاده البيع ليها وهل هايخسر مبلغ معقول ولا مبلغ مهول
نيجى للشارك (سواء كانت خليجى او توكيل ) عربيه جديده شكلا وموضوعا .. موتور جديد وامكانيات جميله جداا وسعر قطع الغيار والصيانه فى المعقول جداا وليها سوق وسعر اعاده البيع اصبح معروف متوسطه الى حد ما .. بالنسبه لنقطه ان التوكيل بيغلى الصيانه على الخليجى فده بس فى صيانه الالف اللى هيا مجانى لعربيات التوكيل والخليجى بيدفع ثمن المصنعيات حوالى 150 جنيه اما باقى الصيانات فالاتنين بيدفعوا زى بعض
بص من طلباتك تبقى الشارك بغض لنظر مين أحسن فاهم قصدي
انا برضة معايا لانوس وليا تقريبا نفس ظروفك و عندى طفلين و كنت محتار نفس حيرتك دى لكن الحمد الله بعد طول بحث و استفسارات و اختبارات قيادة لاكثر من 5 عربيات مختلفة استقريت على الفلوينس و لو عايز تعرف كل حاجة عنها الروابط دى حتعرفك كل حاجة عن العربية
http://www.nilemotors.net/Nile/128943-a.html
http://www.nilemotors.net/Nile/132624-a.html
http://www.nilemotors.net/Nile/92528...luence-ii.html
http://www.nilemotors.net/Nile/130307-a.html
http://www.nilemotors.net/Nile/124892-a.html
اكيد لانسر شاركاقتباس:
المشاركة الأصلية كتبت بواسطة amr_shn
والتانيين حلوين بس في نحية الاقتصاديه دي مش موجوده شويه
ممكن تنزل تسأل على اسعار قطع الغيار للفلوانس لو لقيتها كويسه بالنسبالك يبقى شوف اللي هتريحك من الشارك والفلوانس وهاتها وانا ميال للشارك عشان الفلوانس الفئه الاولى مش عاجباني انما لو فول يبقى الفلوانس طبعاً
وبلاش تركب مستعمل طالما في اديك تركب زيرو نضيف
والشارك الخليجي بيدفع زي التوكيل بالظبط مع فرق اول الف كيلو فقط
الفلوانس عربية ممتازة جدااااا بصراحة خاليك فيها وربنا يوفقك
بصراحه انا مش شايف ولا واحده فيهم اقتصاديه خالصاقتباس:
عايز انقل على عربيه جيده و اقتصاديه فى الصيانه و قطع الغيار
اولا الاوكتافيا كعربيه اوروبى اكيد حاجتها اغلى من اليابانى وكمان عامله 50 الف يعنى انت داخل على مصاريف وصيانات هاتدفع فيها كتير
ثانيا الشارك معرفش قطع غيارها سعرها ايه لكن اعتقد انها هاتكون أرخصهم وتعتبر هى الاقتصاديه اللى فيهم
ثالثا الفلوونس برضه حاجتها مش رخيصه
انا رأى تجيب لانسر بوما هى اللى فيها متطلباتك مع ان سعرها مبالغ فيه الاوتوماتيك اول فئه ب 119 الف
تمام أرشح لك البومة الكاملة
لانسر شارك زيرو او كسر زيرو
متشكر جدا لكل النصائح , بس انا شايف ان الحاجه الوحيده الى ممكن تخلينى اجيب لانسر بومه هو ان يكون شنطتها اكبر من الشارك , فهل فعلا الشارك فيها مشكله الشنطه زى ما سمعت و لا دى مش فارقه للدرجه ؟ و لسعر اعاده البيع ممكن احاول اجيب كسر زيرو بس و اقع السوق بجد صعب جدا انك تلاقى كسر زيرو نضيف و بسعر مش قريب من الزيرو.
اقتباس:
المشاركة الأصلية كتبت بواسطة amr_shn
ياريت تقول لنا يا مان استخدامك للعربيه ايه و حدود سعرك عشان نقدر نفيدك اكتر